ඊයේ මාළිගාවට යන්න හදද්දී ඒ ළග තිබ්බ පුංචි කඩයක හරි අහම්බෙන් මගේ ඇස් වලට අහු වුනේ ලස්සන මාල ටිකක්. මාළිගාවේ ගිහිල්ල ඉවර වෙලා පොඩි බේබි නුරාදට අයිස් ක්‍රීම් අරන් දෙන්න ලොරිය ගාවට යද්දී මන් අර පුංචි කඩේට ගියේ ඒ මාල ටික බලන්න. හරි ලස්සනයි.
" ගන්න පුතා මිල අඩු කරලා දෙන්නම් "
" මාමේ ම් මේක දෙන්න "
ලස්සන මකර රටාවක් කැටයම් කරලා තියෙන පොඩි දළ දෙකක් අමුණපු කළු මාලයක් අතට අරන් කඩේ මාමාට දෙන්න කිව්වේ මට ඒ මාලෙට ලෝභ හිතෙද්දි.
" පුතා ඔය මාලේ නම් අනික් එව්වට වඩා ගොඩක් ගනන්. ඕකට දාලා තියෙන්නේ දිවි දළ දෙකක්. ඒකයි ගනන්. "
ඉක්මනින් ඒ මාලේ අරන් සාක්කුවට දා ගත්තේ මට ඒ මාලේ බේබිට දෙන්න හිතුනු නිසා. එයා ඒකට කැමති වුනොත් හොදයි ඉතින්. නැත්තම් මට හරි මේක දා ගන්න බැරියෑ.
.........
" අයියා පේරාදෙණිය කැම්පස් එකට තේරිලා කියලා අපෙ අප්පච්චි කිව්වා "
" ම් "
" කැම්පස් එකට ගියාට පස්සේ අපි වත් අමතක වෙයි නේද "
" ඇයි නිර්මල එහෙම කියන්නේ "
" කැම්පස් ගියපුහාම කට්ටිය වෙනස් වෙනවා ලු "
තේ වත්තේ වැඩ කර කර ඉදලා සෝමේ මාමා එක්කලම තේ බොන්න නුග ගහ යටට ගියාම යි මන් දැක්කේ ගලක් උඩ වාඩි වෙලා ඉන්න නිර්මලව. වෙනද නම් දෙනුවන් එක්කලා හා හා පුරා කියලා කතා කර කර ඉන්නේ අපිවත් පේන්නැති විදිහට. සුනිල් මට එක දවසක් කිව්වා දෙනුවන් ගෙයි නිර්මලගෙයි හුටපටයක් ලාවට වගේ තියෙනවා කියලා. එදා තමයි මන් දන්නේ මගේ ප්‍රථම ප්‍රේමය අන්සතුයි කියලා. හීනියට වගේ දුකක් තිබ්බත් මට මේ වැඩත් එක්කලා ලොකුවට නොදැනුනු තරම්.
" ඒක බොරුවක් "
" ආ "
" වෙනස් වෙන කෙනා කොහොමත් වෙනස් වෙනවා නිර්මල. කැම්පස් ගියත් එකයි නැතත් එකයි. කාලයක් යද්දි වෙනස් වෙන කෙනා මොන හේතුවකට හරි වෙනස් වෙනවා. එහෙම වෙනස් වෙන්න කැම්පස් යැවිල්ලම බලපාන්නෑ නිර්මල "
YOU ARE READING
අත් වැරැද්ද ( Completed )
Kurgu Olmayan" වීරන්කෙඩුව වලව්වේ පුංචි හාමු අවසරද මට......... පුංචි පැටියගේ චූටි අප්පච්චි වෙන්න " - නිලූෂ සත්සිදු -
