المسبحه (تراث الاجداد)
بقلمي انا حوراء حسن
لاتنسون التعليق على الفقرات والتصويت
اضافه حسابي انستا its_ho0rr
__________________
محظوظ هو من وجد الحب
محظوظ من عرف قيمته وقدره
ليس كل الحظ بالاموال والشهره والغنى
اكبر حظوظ الدنيا بالنسبه للمرأة هو رجل يحبها
رجل يهتم بها
يعاملها كالطفله المدلله له
محظوظه هي من وجدت هذا الرجل في مثل هذا الزمن المليئ بأشباه الرجال والذكور
حوراء حسن
___________________
حسن :-باجر التحق ان شاء الله اجيت انطيكم خبر لاتخافون عليه شني اول مره نلتحق احنه ؟
ذو الفقار:-لا مو اول مره بس هالمره مختلفه لان الاوضاع مو زينه ابد خويه عوفها لهلسالفه خليني ادخل اني والشيخ وندفع عنك بدل مو احسن الك
حسن :-عيب عليه والله زلم وشباب بعمر الورده يدافعون عن ارضي وشرفي واني اكعد ومااساعدهم
شاهر :-لاتضل تاكل نع** هو غير خلصنا عسكريتنا كلنا بعد شكو سوينه واجبنا الحمدلله ماطفرنا
حسن :-هسه ليش تحسسوني راح اشمر روحي بالنار هو اني رايح معالج للجنود خطيه حالتهم بالويل
ذو الفقار:-مامطمئن من روحتك هاي ابد والله
حسن :- طول عمرك هيج گلبك گلب والده من كلش تخاف علينه بس ياخويه كافي صرنا كبار مو نفسنا الي جنه نركض الك من يضربونه بالمدرسه حتى تدافع النه
ذو الفقار:-لو تصيرون عجائز هم اخاف عليكم هو اني شعندي بهالدنيا غيركم ؟
شاهر :-صار عندك الاهم من عدنه الي لازم تخاف عليها وتحامي عليها
ذو الفقار:-شوفوا انتوا بأيد وهي بأيد ثانيه محد اهم من احد ولا واحد يكدر يملي فراغ الثاني لا سامح الله
حسن :-هسه لا تطولونها وهي گصيره اروح اني هسه تعال وياي شاهر خلي العريس ياخذ راحته من رخصتك خويه
طلعنه اني وحسن والطريق كله افكر شلون لو صار بيه شي خاصه هسه اوضاع العراق كلها صعبه والحرب كلش اشتدت بس هو عنيد او نحجي وياه لباجر هم مايسمع من عدنه كاطع صفنتي صوته
حسن :-تتهنى الي ماخذه عقلك
ابتسمت بمجرد ذكر سيرتها صح ماجنت افكر بيها بس خلص جملته اجت هي على بالي وگلت
شاهر :- اي والله تتهنى
ضحك بصوت عالي وگال
حسن :- ها ولك منو هي وشوكت شفتها حتى هيج وكعت الها ؟
شاهر :- منو شبيك انتَ جنك مره ماتصدك تلكه سالفه وتلزكها بيه بس حتى تسولف
حسن :- عليك العباس ابو فاضل گون يسطرك مو ابالك وحده وتفكر بيها ؟
شاهر :- سطرگ ابو فاضل ان شاء الله عليش تدعي عليه ؟
حسن :- مبين والعباس ابو فاضل اكو وحده وماعوفك الا اعرف منو هي
شاهر :- اسكت مني حسن هو اني طالعه روحي لو اشغل اصابعي العشره شمع هم ما احصلها
أنت تقرأ
المسبحة (تراث الاجداد )
Actionعمليه اغتيال تنفذ بأحد بأبن اڪبر شيوخ العشائر في محافظه ميسان جريمه بشعه تنفذ بحق هذا الشاب الحكيم القاتل غامض ومجهول الهويه والمثير للريبه اڪثر هو اختفاء احدى اهم مقتنيات الشيخ الاثريه ماذا يمكن ان يفعل القاتل بمسبحه الشيخ المتوارثها من اجداده...
