المسبحة (تراث الاجداد)
بقلمي انا حوراء حسن
لاتنسون التعليق على الفقرات والتصويت
اضافة حسابي انستا its_ho0rr
_____________________________
أنا بلياك عمري مدري شلونه
أنا بلياك ليلة بلا ڪمر
حوراء حسن
________________________________
<قطر الندى>
مجرد سمعت كلام عمران ركضت لغرفة نبيل والبقية لحكوني هم دخلت لغرفتة ولكيته واكع بالكاع ووجهه أزرك ردت أوصل اله ماكدرت دفعني الياس وركض اله أول شي سواه اله تنفس أصطناعي ماأستفاد منه بشي عاط بخديجة
الياس:- خديجة مشررططط بسرعةةةة
ركضت خديجة حتى تجيب الي طلبه شويه ورجعت وكفوا فوك راسها اخذ الياس المشرط منها وفتح بلعومه غمضت عيوني ما تحملت اشوف تدخله فتحت عيوني على صوت قبيل وهو يكول
قبيل:- تنفس تنفس يلا ناخذه بسرعة للمستشفى
رفعوه الولد ونزلوه بسرعة واحنه وراهم رجلي بلكوه امشي عليها من الخوف مارادو ياخذوني وياهم بس ماكدرت ماراوح صعدت بسيارة قبيل ونبيل والياس ليورة والبقية ورانا بالسيارة مالتهم
وصلنا للمستشفى واخذوه من عدنه بسرعة لان المستشفى هي نفسها الي يشتغل بيها عز الدين بقينا برة ننتظر يطلع واحد من الدكاترة ويطمنا ماكو طلع ديان بره ورجع وياه الدكتور اثير هذا الدكتور هو الوحيد الي يراجع عنده نبيل بس يتمرض او شي بس سلم علينا ودخل للغرفة الي موجود بيه نبيل
بعد اكثر من ساعة طلع الدكتور أثير ووياه عز الدين وجانت ملامح وجههم ماتبشر بخير أبد وهذا الشي سبب النا الرعب أجمع بقينا منتظرين كلمة منهم تطمئن قلبنا وتهدء بالنا بس أكتفى الدكتور بطرح جملة واحدة كأنت يجب أن تهدئنا لاكن بسبب نبرته أثارت داخلنا الريبة
الدكتور أثير:- نبيل بحالة مستقرة وننتظر التحاليل حتى نثبت على تشخيص.
جملته كانت مريبة أكثر مما تكون مريحة وبقى القلق ملازمنا لحد ما طلعت النتائج ودخل الدكتور لغرفة نبيل الي كُلنا مجتمعين بيها وكف كدامنا وبدأء بالكلام
الدكتور أثير:- كلكم تعرفون أن نبيل مو مجرد مراجع عندي لا والله يشهد على كلامي نبيل واحد من ولدي وأخاف عليه مثل ما أخاف على ولدي ومايرضيني يروح برجله للموت
ديان:- خير دكتور شنو نتائج التحليل
سكت لفتره قصبرة مما جعل قحطان يقترح عليه أقتراح بسيط
قحطان:- أذا تحب نطلع برة ونحجي بهدوء
الدكتور:- لا نبيل لازم يسمع كلامي ويعرف شنو سوه بنفسه بسبب تهوره
قطر الندى:- الله يخليك دكتور احجي بسرعة مو وكع ڪلبي شبيه نبيل؟
التفت الدكتور على نبيل وسأله بجدية وحدية
الدكتور أثير:- من شوكت تدخن جكاير؟
أنصدمت من كلام الدكتور ماجنت اعرف بنبيل يدخن التفت على الولد وشفت نفس رده الفعل الصدمة معتلية وجههم لان كُلنا نعرف نبيل عنده حساسية بصدرة وممنوع يشرب جكاير هو من يشتم عطر قوي يختنك مو نوب يشرب جكاير
أنت تقرأ
المسبحة (تراث الاجداد )
Acciónعمليه اغتيال تنفذ بأحد بأبن اڪبر شيوخ العشائر في محافظه ميسان جريمه بشعه تنفذ بحق هذا الشاب الحكيم القاتل غامض ومجهول الهويه والمثير للريبه اڪثر هو اختفاء احدى اهم مقتنيات الشيخ الاثريه ماذا يمكن ان يفعل القاتل بمسبحه الشيخ المتوارثها من اجداده...
