المسبحة (تراث الاجداد)
بقلمي أنا حوراء حسن
لاتنسون التصويت والتعليق على الفقرات
أضافة حساباتي its_ho0rr
______________________________
حأن الأن موعد الحقيقة هل أنتَ جاهز؟
حوراء حسن
______________________________
<قطر الندى>
أتصلت بنور الدين وره أقل من دقيقه رد عليه سلمت عليه وبعدها سألته
قطر الندى:- نور وين أنتَ؟
نور الدين:- بفد مكان ليش؟
قطر الندى:- أعرف أنتَ بفد مكان بس وين بالضبط وليش صار الك يومين ما موجود بالبيت ولا تنام بيه شنو الموضوع؟؟
رد وهو يفلد عليه بصوته
نور الدين:- أويي فدوة زوجتي ضل بالها عليه لا تخافين حبيبتي مابيه شي وعندي شغل بس أخلصه أرجع
قطر الندى:-أي مو هو البيت فندق بكيفك شوكت تطلع وشوكت ترجع مو؟
نور الدين:- ندى حبيبتي من الاخير على شنو هالتحقيق كله وأنتِ أصلًا ما طايقتني!
قطر الندى:- مو قصه حابتك لو رايده وجودك بس مو حلو تصرفك على الأقل من تطلع أنطيني خبر أن أنتَ ماراح ترجع حتى لا أضل أفكر بغير أشياء خوش؟
نور الدين:- تمام من اليوم أذا طلعت بواجب أو بشغلة راح أنطيج خبر حتى لا يضل بالج بعد أمر خدمة؟
قطر الندى:- سؤال ثاني ولا تجذب لان الجذاب الله وين يحطه؟
نور الدين:- يسمط أبو أبوه بالنار
قطر الندى:-عفيه بالشاطر، منيل وقحطان وديان وين؟
نور الدين:- ببيت منيل
قطر الندى:-شعدهم هناك؟
نور الدين:- شدراني؟
قطر الندى:- عليه نور هو أنتَ النغل تعرف منو أبوه مو نوب ما تعرف شعدهم هناك
نور الدين:- طبعًا خجلتيني صراحة أذا تحبين روحي أنتِ وشوفي وأني حالف ما أحجي لأي أحد وماكدر أكسر حلفاني
قطر الندى:- تڪسر ظهور بس ما تڪسر حلفانك شكد متدين لعد
نور الدين:- شعبالج المهم ماكو شي خطير لا يضل بالج صايرة شغلة بسيطة ويه ديان
قطر الندى:- جدي ڪالب الدنيا ڪلاب قبيل ڪال اله منيل وقحطان صعدوا واجب وديان راح لبغداد الكل يعرف هيج بس أذا عرفوا هم ببيت منيل الا تصير سالفة جبيرة
نور الدين:- محد يعرف أسڪتِ أنتِ هم وسوي نفسج ماتعرفين بشي
قطر الندى:- وهو هيج بس لازم أتصل بمنيل حتى أفتهم من عنده شنو السالفة حتى يرتاح بالي
نور الدين:- سوي الي يعجبج
قطر الندى:- تمام وأنتَ أتصل على أمك بالها يمك خليها تطمئن
أنت تقرأ
المسبحة (تراث الاجداد )
Actionعمليه اغتيال تنفذ بأحد بأبن اڪبر شيوخ العشائر في محافظه ميسان جريمه بشعه تنفذ بحق هذا الشاب الحكيم القاتل غامض ومجهول الهويه والمثير للريبه اڪثر هو اختفاء احدى اهم مقتنيات الشيخ الاثريه ماذا يمكن ان يفعل القاتل بمسبحه الشيخ المتوارثها من اجداده...
