المسبحة (تراث الاجداد)
بقلمي انا حوراء حسن
لاتنسون التعليق على الفقرات والتصويت
اضافه حسابي انستا its_ho0rr
____________________
لست من النساء اللاتي ينسن بعولهن
اني اعطيت لك وعدًا اني سأبقى احبك وبأسمك مدى حياتي
امضيت نصف حياتي وانتَ أمامي
والنصف الاخر انتَ في منامي
اطمئن سأبقى على وعدي حتى مماتي
حوراء حسن
______________________
كميل :-انتِ شبيج شلون تدخلين علينه هيج افرضي اكو زلم ويانه ماتستحين !!
ربى :-شوفو منو يحجي بالمستحى جان استحيت انتَ من حطيت عينك عليه واني زوجه اخوك وابطني ابنه
كميل :-احجي عدل اني ماميت عليج ولا تهميني اني حجيت هيج حتى اخلص من كلام الناس ماناقصني حجي اني
ربى :-لو اعرف اخذ جهالي وارجع اعيش تحت رحمة اخواني واتحمل كلشي منهم ولا اخلي اسمك بصف اسمي
وكف مصدوم من كلامي التفت على عمي وحجبت وياه
ربى :-عمي اذا وجودي هنا يسبب الك مشاكل او يطلع عليك كلام من اليوم الم ملابسي واغراضي وارجع لبيت ابوي مااقبل احد يحجي بيك بشي مو زين
الشيخ رضوان:-صدر البيت الج والعتبة النه بويه اسمعي كلش زين اني وابني ومرتي نطلع من هذا البيت وانتِ تبقين بيه لا تهتمين لأكبر واحد هذا بينج وبيت رجلج الله يرحمه بهذا البيت انزفيتي اله وبهذا البيت راح تبقين عايشه وتربين جهاله ان شاء الله ماقصر وياج بشي اني واذا على حجي الناس ياأبني عدنه غرفه بالحديقه غرفه الحارس الله يرحمه من اليوم انتَ تبات بيها وبهيج محد يكدر يحجي علينه كلمه وحده
جاوبه كميل بصدمه
كميل :-اطلع من بيتي بسببها !!!
الشيخ رضوان:- مو تفكر بسمعه العائله انتَ اي اطلع من البيت مو فد مشكله ومارايح لمكان بعيد الغرفه تبعد مترتين عن البيت
كميل :-وشيكولون الناس عليه ابن الشيخ ونايم بغرفه الحارس ؟
اتقدم عمي عليه وصار مقابيله وكال
الشيخ رضوان:-تعرف شنو مشكلتك انتَ؟
كميل :-لا بويه شنو هي ؟
الشيخ رضوان:-ماعندك شخصيه ولا عندك كلمه من راسك كلشي تسويه يااما واحد دافعك عليه يا اما متأثر بكلام الناس شوكت تسوي شي من راسك شوكت تفرض نفسك ؟
كميل :-بويه معليه بأحد اني مستحيل انام بغرفه الحارس وغرفتي موجوده تريد خليها هي وجهالها تنام هناك
الشيخ رضوان:-مو توك جنت خايف على جهال اخوك من الحجي والناس چا شلون تريد تشمرهم بهالغرفه ها!
كميل :-جهال ذو الفقار تخاف عليهم وماتقبل ينامون بالغرفه القديمه بس اني عادي عندك حتى لو انام بالشارع مو ؟
أنت تقرأ
المسبحة (تراث الاجداد )
Actionعمليه اغتيال تنفذ بأحد بأبن اڪبر شيوخ العشائر في محافظه ميسان جريمه بشعه تنفذ بحق هذا الشاب الحكيم القاتل غامض ومجهول الهويه والمثير للريبه اڪثر هو اختفاء احدى اهم مقتنيات الشيخ الاثريه ماذا يمكن ان يفعل القاتل بمسبحه الشيخ المتوارثها من اجداده...
