المسبحة (تراث الاجداد)
بقلمي انا حوراء حسن
لاتنسون التعليق على الفقرات والتصويت
اضافه حسابي انستا its_ho0rr
____________________
انا الغراب
احط فقط في الخراب
مالي في ليلة ويوم هبطت امام منزلك ؟
كُنت احب العزلة واكره الضوضاء
مالي اصبحت لا اطيق الحياة بدون سماع صوتكِ؟
حوراء حسن
_______________________
"قحطان "
طلعت من البيت واحس النار مشتعلة بصدري ومختنگ طلع وراي ديان ومنيل قبل لا اركب بالسياره طبگ بابها ديان ووكف كدامي وسألني
ديان :-وين رايح ؟
قحطان :- رايح انعل والدي والديه هالگلب ابن الگلب
ديان :- حتى ننفضح كلام العالم والناس
عطت بيه
قحطان :-چا شتريدني اكعد واسكت واحط ايدي جوة خدي وانتظر زفتها ؟؟
ديان :- لا تصير مطي منو كال الك اكعد واسكت بس اكلك لا تتهور وتروح وتسوي مشاكل لاتنسى هو يصير ابن أخت ابوي شاهر خلي كرامة اله عيب تهين أبن أخته ولا تنسى اذا راح تمنع هذا الزواج بدون لا يكون عندك مانع قوي ممُكن حتى مريم تكرهك
قحطان :-اذا أبن أخته مو محترم نفسه اني شعليه ؟
ومريم ليش تكرهني شبيك انتَ؟
ديان :-طبيعي اي بنيه تخرب خطبتها من شخص تحب راح تحقد على الشخص الي خرب الخطبة ولاتنسى مريم بسرعه تتأثر وتزعل
قحطان :-يعني هي تحبه ؟
ديان :- ماعرف بس يمكن معجبة بيه المهم احنى ندور وراه ونشوف اذا طلع منه شي مو زين راح يكون عدنه سبب قوي وهم بوقتها مريم ماراح تلومك ابدد على ابو انتَ خربت خطوبتها وهالسوالف
منيل :- اضم صوتي مع صوت ديان واطلب من سعادتك تكعد وتسكت اذا تهجمت عليه ممُكن يروح ويشتكي عليك وانتَ على بواب ترقية مو مال تجيك شكوى يجوز تضيع عليك الترقية
قحطان :- خ*** بالترقية مو مهم المهم عندي مريم ماتصير لغيري
ديان :-افتهمنا والله بس مو بالعصبية خليك هادئ وبعدين نشوف الحل شنو
منيل :-هسه على اساس انتَ شلونك ؟
منو مساع تخبل وعيونة صارت بكصتة بس لان مهرة تضحك وتسولف ويه قبيل ؟
ديان :-ماكو هيج حجي لاتضل تمسلت
منيل :-خوش اذا هيج نخرب سالفة مخلد ومريم وندور زلمة لمهرة حتى تتزوج وتحمي نفسها من امها
عاط بيه ديان بأعلى صوت
ديان :-حتى انعل ابوك لأبوه انجب واسكت
منيل :- واحنه ماعدنه شغلة وعمله بس نلعن والدين العالم مو ؟
قحطان :- من تحب ويردون ياخذوها منك ذاك الوقت نشوف شلون راح تتصرف
منيل :-اي مو اني اثول احط رگبتي بأيد بنيه
أنت تقرأ
المسبحة (تراث الاجداد )
Actionعمليه اغتيال تنفذ بأحد بأبن اڪبر شيوخ العشائر في محافظه ميسان جريمه بشعه تنفذ بحق هذا الشاب الحكيم القاتل غامض ومجهول الهويه والمثير للريبه اڪثر هو اختفاء احدى اهم مقتنيات الشيخ الاثريه ماذا يمكن ان يفعل القاتل بمسبحه الشيخ المتوارثها من اجداده...
