المسبحة (تراث الاجداد )

الحلقة العشرون

المسبحه (تراث الاجداد)
بقلمي انا حوراء حسن
لاتنسون التعليق على الفقرات والتصويت
اضافه حسابي انستا its_ho0rr
واضافه حسابي واتباد أيضًا لطفًا وليس أمرًا
_______________________

وقف امامي بطوله الفارع ونظراته الهائمه فيه وقال
تغيرتِ كثيرًا ياحلوتي
كم جميله هذه الكلمه من فمه سرحت في جمال عينيه واردفت
كل ما فيه تغير الا حبي لكَ لم يتغير بل كان كل يوم يكبر اكثر واكثر
حوراء حسن
_________________________

"مهره"

بحركه سريعه مني ضربته على رجله ارتد ليوره بس بقى متمسك بيه سحبت اللثام من وجهه ملامح وجهه مو غريبه عليه سألته يخوف
مهره :-منو انتَ؟

ديان :- انه المتلوع عليج طول عمري .

الصوت مو غريب عليه احس اعرفه بس ماعرف من وين هو هم صفن بعيوني اخذت فتره من الوقت على هذه الحاله لحد ما همست بضعف
مهره :- الديان !!!!

ديان :- هلا بأمانته .

بقيت مصدومه معقوله هذا ديان !!
بس شنو الي رجعه هسه
وليش هو موجود ببغداد ؟
سألته بتوتر :- شتسوي هنا ؟

ديان :- گلبي لجمني عليج واجيت اشوفج .

ضليت صافنه على كلامه ما مصدگه الي جاي اسمعه
دفرته بغضب وصحت بيه
مهره :- وهسه گلبك خاف عليه مو!!!!

التفت يباوع على الطريق بعدها رجع نظره الي وكال بهدوء
ديان :- الوقت مو مناسب للكلام والمعاتب لازم نروح قبل لا يشوفنه واحد من زلم امج وبهذا الوقت ماكدر اطلعج

مهره :-عادي متعوده عليك تسويها مثل ما سويتها قبل 14 سنه من عفتني اروح ويه نسرين وهسه هم تسويها

نزل لمستواي وكال بصوت خافت
ديان :- انطي روحي وماانطيج ديان هسه يختلف عن ديان قبل كم سنه

ماترك الي مجال ارد عليه سحبني من ايدي وصرنه نركض بين الافرع لبين ما وصلنه بعد فتره للشارع العام جانت اكو سياره مركونه اقدم الها وساحبني وراه صعد هو واني بقيت واكفه همس بخفوت
ديان :- ماحنيتي لدارج ؟

مهره :- مالي دار من بعد روحه الغالي

ديان :- اصير الج دار وعيونج

دنكت راسي وصعدت ليوره وهو بدء يسوق يحاول يحجي وياي بس اني اسكته
مهره :- هسه اجيت تحجي وياي عايفني 14 سنه لا سألت ولا كلت وين راحت وين اجت شصاير وياها ماصاير انكطعت فرد كطعه

ديان :- شوفي اكو مثل يكول "العتب على كد المحبه "
بما أن انتِ تعاتبين بيه من طلعنه من بغداد ولحد ما وصلنه للعماره معناها انتِ تحبيني

مهره :- حبتك حيه ام راسين يالاشكر

ديان :- هسه صار شگاري عيب !!