المسبحة (تراث الاجداد)
بقلمي انا حوراء حسن
لاتنسون التعليق على الفقرات والتصويت
اضافه حسابي انستا its_ho0rr
________________________
وانا يا سيدي لستُ ضعيفة
لكن كنت انتَ خصمي
انتَ الذي كنت دائمًا بضهري وتساندني
الان يجب ان احاربكَ انتَ أيضًا
لكِ استطيع الحفاظ على نفسي
منك ولأجلك .
حوراء حسن
_______________________
"قطر الندى "
واكفة استمع للكلام ومركزه بيه جمدت بمكاني من حسيت بكف يحتضن ايدي ويسبحني عليه التفت بخوف تلاشى بسرعه من شفت
وجهه نبيل كدامي
سحبني للمطبخ يجر بيه واني الفطيره اضحك وكفت كدامه اكمز بفرح واهوس
قطر الندى:- اخونه الشيخ وهااا وهاااا
هو بالگوه كاتم ضحكته رد عليه بغضب مصطنع ونتر
نبيل :-طايحه الحظ شلون توكفين يم باب الديوان انفتح الباب وصار بوجهج زلم وين ترحين من اخوانج غير يكطعونج وصل وصل
حاوطت خدوده بكفوف اديه وبسته بكصته وكلت
قطر الندى:- انتَ اخوي الكفو وتدافع الي ما تخليهم يوصلون الي
مسح جبينه بتوتر واردف بجديه تامه
نبيل :- عوفي هالسوالف لخاطر الكعبه ولج شوكت تعقلين وتعوفين هالسوالف ها ؟
قطر الندى:- شبيك والله اني بطلتهم من زمان بس شويه صار عندي فضول اعرف شنو صار بالديوان ورحت ارضي فضولي والحمدلله رضيته وفرحت حيل بقرار جدي تخيل ديان راح يصير الشيخ ؟
اردف بعدم اهتمام
نبيل :- وين الشي المفاجئ ترا الكل جان متوقع هذا الشي لان أصلًا عمي ذو الفقار الله يرحمه هو جان الشيخ وبعد وفاته اكيد ابنه هو الي ياخذها بس جدي أجل هذا الشي لحد ما يكبر ديان وهسه اجى الوقت المناسب حتى ياخذ ديان حقه الشرعي
قطر الندى:- اعرف بس جانت مجرد اراء هسه صارت حقيقه والله بودي اهلهل لو ما عيب من الزلم الموجود
اردف بسخريه
نبيل :- فدوه لكلبج شكد مؤدبه انتِ
قطر الندى:- حبيبي انتَ شوف وتعلم الادب من اختك الجبيره
كمزت مريم من مكانها وكالت
مريم :- لا هاي هيه نتعلم الادب منج چا غير نديح كلنه
التفت عليها واقلد كلامها
قطر الندى:- نديح كلنه ههه انجبِ الشيطانه الحمراء وصوچي اعتمد عليج بشي الفاهيه
مريم :- ماطلعت عليج فطنه
قطر الندى:-ترحين فدوه الي اي والله
صارت ترد واني ارجع ارد عليها منا لحد ما صاح بينه نبيل
نبيل :- يلاا عفيه كومن وحده تجر شعر الثانيه حتى صدك نصير مضحكه كدام العالم والناس
قطر الندى:- ما تشوف بنت عمتك شلون تحجي وياي
مريم :- چا ما تشوفين روحج شلون تعامليني
أنت تقرأ
المسبحة (تراث الاجداد )
Actionعمليه اغتيال تنفذ بأحد بأبن اڪبر شيوخ العشائر في محافظه ميسان جريمه بشعه تنفذ بحق هذا الشاب الحكيم القاتل غامض ومجهول الهويه والمثير للريبه اڪثر هو اختفاء احدى اهم مقتنيات الشيخ الاثريه ماذا يمكن ان يفعل القاتل بمسبحه الشيخ المتوارثها من اجداده...
