المسبحة (تراث الاجداد)
بقلمي انا حوراء حسن
لاتنسون التعليق على الفقرات والتصويت
اضافة حسابي انستا its_ho0rr
______________________
مرحبًا يا من سكن فؤادي
لقد طال غيابك كثيرًا
الم يحين الوقت لمروك علي ؟
مر حبًا بي ياحبيبي .
حوراء حسن
____________________
<ماجي >
طلعت من البيت خلسة خايفة لا انلزم صار الوقت تهرب من هذا المكان شبعت وعود كاذبة وواهية البيت كان بمنطقة مهجورة تقريبًا اغلبها تلال والنص الثاني غابات بين ما اني امشي بهدوء دست على مجموعة من الاغصان وتكسرت واني خفت عبالي دست فد حيوان وصرخت بس بعدين من انتبهت زفرت هواء براحة
ماجي :-اهدئي ماجي مجرد اغصان صغيرة قوي قلبج لازم تطلعين من هذا المستنقع
بقيت افتر بالمكان وماعندي اي معرفه عنه امشي واردد بقلبي مجموعة من الصلوات الي علمتني عليهن أمي
ماجي :-ياأمي العذراء ساعديني واعتنِ بيه
احميني من اخطار هذا المكان بأسم الرب
خلصت صلاتي ورجعت افتر براسي اشوف الاتجاهات واستمريت بالتقدم للأمام واني أمشي حسيت بأحد يمشي وراي ركضت شويه وماكدرت اكمل ركض بسبب أصابتي القديمة الي برجلي ضغطت على نفسي وركضت اكثر وماكدرت اقاوم اكثر ووگعت بالگاع
رفعت رأسي وصار أمام انظاري شخص طويل القامة ماكدرت اميز ملامح وجهه بسبب الظلام المحيط بيه رجفت أوصالي خايفة لا يطلع أحد افراد العصابة المشؤومة همست بخوف
ماجي :-منو أنتَ ؟
جاوبني بصوت أجش وعالي وگال
منيل :-انه أبن العگال والشيلة .
زحفت ليوره ابتعد عنه وهو يتقرب أكثر مني لحد ما انطخ ظهري بجذع شجرة منعتني اتراجع اكثر ثنى رجله وكنبص كدامي اتفحصني بنظراته من فوك ليجوه لحد ما ركز بنظره على رجلي رفع شوية من ثوبي انصدمت من حركته بسرعة ضربته برجلي السليمة الثانية ارتد ليوره بس كدر يسيطر على وضعيته وما يوكع صرخت بوجهه
ماجي :-الله يسوددد وجهكككك ماتخاف الله المتحرششش
جاوبني بهدوء عكس الغضب الي مبين عليه
منيل :- كصري حسج حربية
وجودنا هنا خطر .
سحبت رجليه لحضني وعطت بوجهه
ماجي :-شتريددد انتَ هااا منووو الي دازكك وراييي !!
كمال مووو!!
انتَ واحد من چلابه صح !!
وكف على حيله ينكت بملابسه ويحجي بلا مبالاه
منيل :- اذا شايفتني چلب معناها الخلل بيج مو بيه
تعالي وياي وجودج هنا خطر
ماجي :-مالك دخل بيه اني اعرف شلون احمي نفسي مامحتاجه الك
هز راسه والتفت حتى يمشي بس قبل لايروح رجع التفت عليه وكال بخبث
منيل :-حربية ترا هنا اكو ذئاب ووحوش وكلهم جوعانين
صح انتِ ضاله بس جلد وعظم وصراحة اني مقهور عليهن راح يتكسرن سنونهن بعضمج
أنت تقرأ
المسبحة (تراث الاجداد )
Acciónعمليه اغتيال تنفذ بأحد بأبن اڪبر شيوخ العشائر في محافظه ميسان جريمه بشعه تنفذ بحق هذا الشاب الحكيم القاتل غامض ومجهول الهويه والمثير للريبه اڪثر هو اختفاء احدى اهم مقتنيات الشيخ الاثريه ماذا يمكن ان يفعل القاتل بمسبحه الشيخ المتوارثها من اجداده...
