المسبحة (تراث الاجداد )

الحلقة السابعة والعشرون

المسبحة(تراث الاجداد) 
بقلمي انا حوراء حسن
لاتنسون التصويت والتعليق على الفقرات
اضافة حسابي انستا its_ho0rr
____________________________

لاتضن بعد المسافة التي تفصلنا عن بعض
سوف تنسيني أياك وعزه الله كلما أبتعدت
عني أكثر زدت لك عشقًا وبك هيامًا
حوراء حسن
______________________________

<نبيل>

تغيرت ملامح الياس وأصفر وجهه اخذت منه التلفون وبديت أحجي ويه خديجه حتى أفتهم منها أكثر
نبيل:- منين عرفتي بهذا الحجي انتِ؟ 

خديجة:- وانتَ شجابك شبيكم أنتوا وليش تسألون على حوراء؟؟ 

نبيل:- خديجة مو وقت سوالف هسه بس أحجيلي شلون عرفتِ انتِ والباقي اسولفه الج بالبيت

خديجة:- عز الدين انطاني حجالي

بعدني احجي وياها ماحس الا انسحب من أيدي الجهاز الياس بأيد ترجف وبدء يحجي بأنفعال
الياس:- شلووننن يزوجوهااا وهييي بعدهاااا صغيرهههه كل عمرهاااا 17 سنههه!!! 

سكت حتى يسمع جواب خديجة بعد فتره من السكوت سألها بصدمة
الياس:- عز الدين کال هيج؟ 
هو گال حوراء موافقة وتريده!!! 

رجع سكت يسمع منها ويهز براسه علامة على فهمه لكلام خديجة أخر شي جاوبها بجملة وحدة وكال
الياس:- هي دعاء والله ما أستجابة

غلق الخط وضم الجهاز بجيبه التفت عليه وكال
الياس:- اليوم محاضراتي يطولن اذا طلعت قبلي اتصل على واحد من الشباب يجي ياخذك خوش؟ 

نبيل:- خوش بس لا تضوج روحك مايسوى الموضوع

الياس:- والله ياخويه طلعت أني الي ما أسوى. 

تركني ودخل للممر قسمه واني تركته ورحت لقسمي حضرت أول محاضرة وجانت مجاميع كل سبع مجموعة محاضرة ولسوء حظي اليوم ماشفتها لطيبة الزهراء

اتصلت بألياس أكثر من مره بس ما رد عليه سكتت عنه ودخلت للكافتيرا طلبت قهوه وفتحت دفتري اراجع شرح المحاضرة السابقة لان الي عرفته دكتور فاروق يحب الكوزات هواي ومو حلوة أصفر بالكوز

مندمج ويه نفسي ومنتبه على المسائل الي كدامي جفلت من صوت الكتب الي انشمرن بطريقة قويه على طاولتي رفعت رأسي حتى أشوف منو الي سوه هيج وأنصدمت بطيبة الي حجت بأستعجال وهي تحط ڪوب قهوة كدامي
طيبة:- عندي طلب منك وتكدر تعتبر هذه القهوه رشوى

كتفت أديه لصدري وأردفت بهدوء
نبيل:- أني رجال شريف ما أمشي بسوالف الرشاوي

طيبة:- طلبي شريف والعباس

نبيل:- شنو هو؟ 

طيبة:- أكيد فهمت محاضره السابقة الي شرحها دكتور فاروق؟