المسبحة(تراث الاجداد)
بقلمي انا حوراء حسن
لاتنسون التصويت والتعليق على الفقرات
اضافه حسابي انستا its_ho0rr
_____________________
لازلت افكر فيك
الايام تمضي والشهور والسنين
وكل شي فيه يتغير شكلي وجسدي وحتى لون شعري تغير
بعد ان كان أسودًا كسواد الليل الان اصبح يتخلله بعض البياض
كل هذا وانا لازلت افكر فيك
كيف اصبح شكلك الان ياترى ؟
الا زلت تمتلك خدود كبيره ؟
الا يزال شعرك الاشقر طويلًا ؟
هل لازلت تنظر الي بعينيك الخضراوتين التي كانت توقع قلبي في حاله من الهيجان ؟
اتمنى الا تكون قد نسيتني
احبك دائمًا وأبدًا
حوراء حسن
__________________________
"ناهده "
نزيت من مكاني من سمعت صوت جدي يعيط بيه جاوبته بهدوء
ناهده :-نعم جدي
الشيخ رضوان:- اخذي خواتج واصعدن لغرفتجن يلا بعد ابوج
هزيت راسي واخذت البنات وصعدت فوك صح اكو اكبر مني الي هنّ خديجه وقطر الندى بس جدي بمثل هالمواقف يكون كلامه وياي اني بالضبط ماعرف ليش دخلت للغرفه ولكيت قطر الندى واكفه كدام خديجه تتناكر وياها
قطر الندى:- ولج خديجه ليش ماحجيتي النه شلون تذبين هيج قنبله كدام الكل ؟
خديجه :-انجبِ ندى ماسويت شي غلط اني وحجيت كدام الكل حتى يعرفون ماريد اضم شي عنهم
رفعت قطر الندى ايدها وغمتها وكالت
قطر الندى :- امداج يالغمه هسه بس يرجع قحطان الا يطيح حظج
سحبتها من شعرها بخفه وحجيت بصوت هادئ
ناهده :-اكو فد يوم قحطان ضوج خديجه او مد ايده عليها
هزت راسها بلا وهي هادئه كلش رجعت التفت على خديجه وكالت
قطر الندى:- بس ماناخذ هذا الشي قاعده يجوز فد يوم يضرب هالقاعده بعرض الحايط
صحت بيها اسكتها لان خديجه وجهها صار اصفر وهالحيوانه بعدها تخوف بيها
ناهده :-ولي من وجهي حيوانه معليج بيها خديجه انتِ أصلًا ماغلطتي بشي حتى يعاقبونج الي غلط هالحيوان الي تجاوز حدوده
كعدت قطر الندى اضحك على شكل خديجه الخائف ووجهها الاصفر شمرت عليها المخده وكالت
قطر الندى:- اشش ولج كافي راح تموتين شبيج اشاقه ترا
خديجه :- اسكتِ مني الرجفه بعدها لحد هسه بجسمي احس صخنت والله
ناهده :- حقج حبيبتي بس اني مو كتلج انتظر وياج لحد ما تخلصين الدرس ونرجع سوه بس انتِ ماقبلتِ ابد
خديجه :- ماريد اتعبج وياي بعدين هو احنه أصلًا متقدمين بالماده بس مدري شبيه استاذ جعفر اصر على هذا الدرس وهو أصلًا ماشرح بيه هواايي
قطر الندى:- تلكين هالدرس حجه علمود حبيبه قلبه ست فردوس
عقدت خديجه حاجبها بأستغراب ومبين من شكلها صارت تفكر بكلام قطر الندى لحد ما كمزت من مكانها وصاحت
خديجه :- اييييي والعباسسس صحيححححح
أنت تقرأ
المسبحة (تراث الاجداد )
Actionعمليه اغتيال تنفذ بأحد بأبن اڪبر شيوخ العشائر في محافظه ميسان جريمه بشعه تنفذ بحق هذا الشاب الحكيم القاتل غامض ومجهول الهويه والمثير للريبه اڪثر هو اختفاء احدى اهم مقتنيات الشيخ الاثريه ماذا يمكن ان يفعل القاتل بمسبحه الشيخ المتوارثها من اجداده...
