المسبحة (تراث الاجداد)
بقلمي أنا حوراء حسن
لاتنسون التصويت والتعليق على الفقرات
اضافه حساباتي its_ho0rr
______________________________
مهما كثرت المصائب هناك دائمًا فرج
فأحسن الظن بالله وأنتظر فرجه
حوراء حسن
_____________________________
<قطر الندى>
كل تفكيري أن أني الشخص الوحيد من الي أعرفهم عانيت بطفولتي وتعرضت للتعنيف من أبوي صح جان جدي في الكثير من الحالات يتدخل ويسحبني من أبوي ويعاقبه ويهدده هم بس من سمعت كلام مهرة عن طفولتها وشنو عانت أنعصر گلبي عليها بس ما بينت الها ضليت صامدة كدامها ماردت أضعف من عزيمتها بعد أصدار الحكم طلعنا كلنا سوية وسمعنا كلشي دار بيناتهم
جنت متأكدة وواثقة أن ديان ماراح يتخلى عن مهرة أرتفعت أبتسامتي من سمعته يكول
ديان:- بيوم من الايام وبسبب غبائي وقله حيلتي أتخليت عنج ومن يومها أنه أعض أصابعي ندم ومن المستحيل أرجع أكرر هذا الغلط
تقدمت عليهم والابتسامة تعلو وجهي وأردفت بفرح
قطر الندى:- بما أن أحنه موجودين بالمحكمة شنو رأيكم نتمم الصالحات؟
ضحك ديان وأردف
ديان:- أنه ماعندي أي ماني افرح والله بس مهرة تستاهل أمشي عليها كل أهلي وناسي مو هيج وبهذا الوضع
قطر الندى:- وجهه نظر لا بأس بها ننتظر ماعدنه شي مو ديان ؟ أنتظرت 14 سنة عادي تنتظر بعد
ديان:- مستعد أبقى منتظر طول عمري ماعندي أي مشكلة
التفت ادور على منيل مالكيته رجعت سألت نور لان هو جان يحجي وياه
قطر الندى:- نور منيل وين؟
نور الدين:- ما أعرف أجاه أتصال وطلعت أخذ سيارتي وراح
قطر الندى:- شنو أخذ سيارتك تحجي صدك لو تتشاقه؟
نور الدين:- وروح أبوي صدك هسه طلع مستعجل يمكن طالبينه بالمركز لو عنده شغلة مهمة
قطر الندى:- أني الشغلة المهمة شالعة ڪلبي لأن اعرف راح يطلع من وراها مشكلة شكبرها
قحطان:- لا شبيج ماكو شي لاتخافين
طلعنا من المحكمة مهرة كعدت بالصدر يم ديان وأني يم الشباك ويمي نور ويمه قحطان وطلعنا للبيت نص الطريق وتأفأف قحطان وصاح بصوت عالي يسمع ديان
قحطان:- صدك لو كالوا من لڪى أحبابه نسى أصحابه
رد عليه نور
نور الدين:- الله يساعدك ياخوي باعوك بلمح البصر
قحطان:- أي والله عبالي خوتنه نظيفة وما نفترق بس طلع كلشي أوهامم
نور الدين:- لاتخاف يرجعلك
قحطان:- من ينضرب بوري يرجعلي بس ما أعتقد ينضرب لأن الناس متمسكين بيه
نور الدين:- ورث وبلاش يضيعونه؟
تدخلت بينهم مهرة وأردفت
مهرة:- تعب فلاح بڪاعه مايضيع.
أنت تقرأ
المسبحة (تراث الاجداد )
Hành độngعمليه اغتيال تنفذ بأحد بأبن اڪبر شيوخ العشائر في محافظه ميسان جريمه بشعه تنفذ بحق هذا الشاب الحكيم القاتل غامض ومجهول الهويه والمثير للريبه اڪثر هو اختفاء احدى اهم مقتنيات الشيخ الاثريه ماذا يمكن ان يفعل القاتل بمسبحه الشيخ المتوارثها من اجداده...
