المسبحه (تراث الاجداد )
بقلمي انا حوراء حسن
لاتنسون التعليق على الفقرات والتصويت
اضافه حسابي انستا its _ho0rr
_________________
فقدت ابي بسبب الحرب
وفقدت امي بسبب حبها لأبي
كانت هائمه به لدرجه لا تطق الحياه من بعده
كانت مستعده ان تتخلى عنا نحن أيضًا فقط لكي تبقى معه ولا تفارقه
يمكن ان اعتبرها انا انانيه لكن اختي لا توافقني الرأي
تقول ان امنا ليست انانيه انما عاشقه والعاشق كالمسحور لايفرق بين الصح والخطأ
حوراء حسن
_________________________
اسوء فتره مرت علينه هي فتره الفاتحه مال حسن وسمره اطفالهم الي تبهذلو من مكان لمكان ذو الفقار الي صرت ابد مااشوفه ولو شفته بس يدخن وصافن بالفراغ اليوم السابع مالتهم دخلت لغرفتي اخذ ملابس الي انصدمت من شفت ذو الفقار بالغرفه ماشفته من صدك حمحمت وسألته
ربى :- شلونك ؟
اردف بصوت مليان كسره ومختنگ بعبرته
ذو الفقار:-باهت لوني بموت عزيز گلبي
تقدمت عليه وحضنته من راسه زفر هوا بصوت عالي وبادلني الحضن شكد ما اكول شكله تعبان قليل بحقه النهار كله ويه الناس بالفاتحة وبالليل يم شاهر ماعرف يسهرون ينامون بس اكيد كعدتهم ماتخلى من ذكر الشهيد حسن الله يرحمه
ربى :-شد حيلك يابعد حيلي الكل ياخذون قوتهم منك اذا شافوك هيج منهار على منو يستندون ؟
ذو الفقار:- مابيه حيل اشيل نمله مو اسندهم
ربى :- كول ياعلي وكوم اخذ قوتك من اهل البيت صلي ركعتين واطلب من رب العالمين ينطيك من صبر الامام السجاد الي شاف ابوه وعمه واخوانه كدام عينه ينذبحون
ذو الفقار:- سلام الله عليهم
مديت اله ايدي وسندته حتى يكوم
ربى :- يلا كول يالله انطيني الصبر واجعله شفيع النه بيوم القيامه
هز راسه ووكف على حيله نزل واني امشي وراه اتوضى ورجع للغرفه انطيته السجاده وسألته
ربى :-محتاج شي بعد ؟
ذو الفقار:-لا مااريد شي وين رايحه انتِ؟
ربى :- لبيت عمو ابو علي جايبين ملايه علمود السابع ولازم نروح
ذو الفقار:-جهال حسن وينهم ؟
ربى :-عند فاطمه هي الي تهتم بيهم وجوارينهم هي الي ترضعهم ومن تخلص فاطمه هي الي تنومهم
ذو الفقار:- شوكت ترجع فاطمه للبيت ؟
ربى :- ماعرف بس يجوز تطول هناك اكثر
ذو الفقار:-انتظريني اصلي ونطلع سويه اني وياج عندي كم كلمه ويه عمي ابو علي
ربى :- خوش منتظرتك
خلص صلاته واني انتظره لم السجاده ورجعها لمكانها وتقرب عليه مد ايدي وكال
ذو الفقار:-استندي عليه وكومي تعبتي هواي هالايام الله يساعدج
أنت تقرأ
المسبحة (تراث الاجداد )
Actionعمليه اغتيال تنفذ بأحد بأبن اڪبر شيوخ العشائر في محافظه ميسان جريمه بشعه تنفذ بحق هذا الشاب الحكيم القاتل غامض ومجهول الهويه والمثير للريبه اڪثر هو اختفاء احدى اهم مقتنيات الشيخ الاثريه ماذا يمكن ان يفعل القاتل بمسبحه الشيخ المتوارثها من اجداده...
