المسبحة (تراث الاجداد )

الحلقة التاسعة والثلاثون

المسبحة(تراث الاجداد )
بقلمي انا حوراء حسن
لاتنسون التعليق على الفقرات والتصويت
أضافة حسابي أنستا its_ho0rr
_______________________

:- من يعيش حياته بخوف الفقدان
يظن أن السعادة الدائمية فخ
فكيف تظني أنتَ؟
:-سعادتي الدائمة .
حوراء حسن
_______________________

<كهرمانة>

طلعوا كل الشباب للدوام وبقيت بس أني بالبيت بديت أنظف وأرتب بالبيت بهدوء وعلى راحتي لحد ما حسيت الباب راح يتفلش هلكد ما يندك قوي لبست الحجاب وصرت ورة الباب وفتحته دخل شاهر ووراه الولد كلهم اولهم جان ديان
ديان:- السلام عليكم يمَة

كهرمانة:- وعليكم السلام هلا حبيبي

دخل وراه قحطان
قحطان:- شلونج يالحنينة

كهرمانة:- هلأ أمي بخير ياأمي

وتبعه قبيل ومنيل
:- شلونها الحلوة

كهرمانة:- مشتاقة الكم

أنصدمت من شفت عز الدين ونور الدين وقربان دخلوا هم مدنكين راسهم والضحكة بلكوة لازمينها همست الهم
كهرمانة:- ولكم شمسوين لزوجي؟

قربان:- ما مسوين شي بس أجته الحالة كله من وراج ليش ما مداريته ها؟ 

كهرمانة:- مداريته أكثر من عيني غير حبيبي هو.

نور الدين:- أويلي شوف الرومانسية شوف وتعلم عزوز

عز الدين:- تعلم أنتَ أني عندي خبرة

بعدهم يسولفون وعاط بيهم شاهر جفلت بمكاني من سمعت صوت صياحه مامتعودة عليه هيج يعصب دخلت وياهم ووكفت كدامهم كتفت أيدي لصدري وسألته
كهرمانة:- خير شاهر شنو الموضوع شبيك ويه الولد؟ 

شاهر:- هذول مو ولد هذول أبتلاء رب العالمين دزهم الي يختبر صبري بيهم

كهرمانة:- يااا شبيكم وياهم هسه هم شمسوين؟ 

شاهر:- لا عمي كلشي ما مسوين أني كاعدة أتبلى عليهم هالمطاية الي واكفين وراج ومتحامين بيج مايكدرون يكعدون بدون مشاكل أبددد

كهرمانة:- هسه كافي عياط ياعيني سولفلي شصار حتى هيج معصب منهم؟

شاهر:- أحجييي شمسوين أحجيلها صخام الوجهه؟؟ 

كهرمانة:- والنبي بعد ما اكدر أوكف على رجليه وكفت كلبي سولف الي يمعود شكو؟ 

شاهر:- هالمطاية رايحين خاطفين كمال ومعذبينه وولده من شافوا أبوهم شلون ملعوب لعب بخلقته صارو يهددون بيه يكولون الي أذا دزينا الك جثة واحد من ولدك لا تعتب علينه لأن أنتوا الي بديتوا

كهرمانة:- عزاا بعيني، شلون هيج أنتوا مو حليتو الموضوع ويه كمال وأهله ليش رجعتوا تعاركتواا؟؟