المسبحه (تراث الاجداد )
بقلمي انا حوراء حسن
لاتنسون التعليق على الفقرات والتصويت
اضافه حسابي انستا its_ho0rr
_______________________
الغضب صفه ملازمه لنا نحن البشر
نغضب كثيرًا عندما لايتم الاستماع لنا
ونغضب كثيرًا عندما لا يهتم احدً لرأينا
بسبب هذا الغضب نقبل على فعل اشياء لايرضى بها الله
لذا خلق الله الاب لكي يسيطر علينه وعلى غضبنا من خلال العقوبات التأديبية لكي يروضونا ويورضون هذا الغضب الذي بداخلنا
لكن في بعض الاحيان تعطي هذه العقوبات نتائج عكسيه ننتقل بسببها الى مستوى اكبر من الغضب وهو
التهور ....
بقلمي حوراء حسن
_______________________
صوت شاهر وهو ينبهني بلحظه سريعه صار كلشي ومافهمت شي
كدامي كميل اتصاوب بأيده وفيصل هو الي ضرب الطلقه
ركضوا عليه شاهر وحسن وجتفوه واني نزلت لكميل اشوف جرحه
ذو الفقار:- شنو هالخبال الي عندك شعندك شمرت روحك كدامي هاا !!!
بلعت ريكي بصعوبه وجاوبته
كميل :- اخوي انتَ واليوم عرسك مااريد شي يخربه عليك
ذو الفقار:- حسننننن تعال بسرعه
سندت كميل على جتفي ودخلته للبيت ودخل وراي
حسن مددته بالكاع وحطيت جوه راسه المخده وابتعدت سويت مجال لحسن حتى يشوف جرحه حسن ممرض
شويه وكال
حسن :- مابيه شي الجرح براني والطلقه طالعه هسه اخيط الجرح ومابيه شي ان شاء الله
ذو الفقار:- يلا خيط الجرح
حسن :- هسه اروح اجيب العده مالتي واجي بسرعه بين مااروح واجي اضغطو على الجرح حتى لا ينزف اكثر
ذو الفقار:- استعجل
الشيخ شهم:- شراح اسوي يالشيخ ويه ابن اخوك فيصل هذا ؟
الشيخ رضوان :- خليني بس اطمئن على كميل وبعدين اتفرغ لهذا فيصل الا اندمه على فعلته
الشيخ شهم :- وينه هسه هو ؟
الشيخ رضوان:- اخذه شاهر حبسه بالمخزن بس تفض السالفه وتروح الناس احاسبه
الشيخ شهم :- هذا تمادى هواي لازم واحد يكسر ضهره ويكعده وين صايره هذا الفرخ يتعدى على عرس ابن الشيخ ويصوب ابنه
الشيخ رضوان:-وداعه ولدي اذا ما خليته يمشي ويتلفت مااطلع اني الشيخ رضوان
الشيخ شهم :- ونعم منك ومن اصلك اروح اني اخليك ويه عايلتك من اخلص السالفه ارجع اطمئن على ابنك كميل
الشيخ رضوان:- كل الهلا بيك خويه البيت بيتك شوكت ماتريد تجي هلا بيك
الشيخ شهم :- الله يعزك ياخويه اودعناك
الشيخ رضوان:- الله وياك
طلع الشيخ شهم وطلعوا وياه اهل بيته وولد عشيرته شويه شويه فرغ البيت وحسن رجع خيط ايد كميل ودخل لغرفته يرتاح شويه
أنت تقرأ
المسبحة (تراث الاجداد )
Azioneعمليه اغتيال تنفذ بأحد بأبن اڪبر شيوخ العشائر في محافظه ميسان جريمه بشعه تنفذ بحق هذا الشاب الحكيم القاتل غامض ومجهول الهويه والمثير للريبه اڪثر هو اختفاء احدى اهم مقتنيات الشيخ الاثريه ماذا يمكن ان يفعل القاتل بمسبحه الشيخ المتوارثها من اجداده...
