المسبحة (تراث الاجداد )

الحلقه التاسعه

المسبحه (تراث الاجداد)
بقلمي انا حوراء حسن
لاتنسون التعليق على الفقرات والتصويت
اضافه حسابي انستا its_ho0rr

_________________________

لِماذا تتعاملُ بقسوةٍ معي!
ما هوَ ذنبي أنا
لستُ المُذنبة إِنْ كانت من تهواها لا تهواكَ ‌!
إني بريئةٌ فلا تعاقبني على أخطاءِ غيري
أنا حقًا أحبك
ـ
جرب أن تحبني أو تودني
إني قادرة على أن أُنسيكَ خذلانها لَك
فقط أنظر إلى مطحتي، حاوطني بالحُب..

- حوراء الحسن.

_______________________

انصدمت من شفت كميل يضرب بفاطمه بسرعه ركضت عليه وجريتها من ايده اول مره يعلى صوتي عليه حجيت واني محترك دمي
كهرمانه :-شبيكككككك انتَ هااااا تخبلتتتتت شلون تضربهاااا غيرررر حامللل ؟؟؟؟

وجهها جان احمر بسبب العصبيه عيونه حمر ويلهث مكطوع نفسه ضربني وصاح بوجهي
كميل :- صوتج لا ترفعينه علينه فهمتي او لا اكسر راسج والعباس

ذو الفقار:-شالك وركعك ابو فاضل ان شاء الله ولك بأي حق تمد ايدك على اختك هاااا

ماعرف شوكت وصل ذو الفقار بس بلحضه صار موجود ووكف بوجهه كميل يخزر بيه واني رحت على فاطمه الي وكعت بالكاع كسرها تكسر والابنيه تبجي بالكاع راحت الها ربى
كهرمانه :-استندي عليه فاطمه الله يخليج ساعديني

اخذتها لغرفتي واجت ورانه ربى اسمع صوت ابوي وذو الفقار وهم يصيحون عفتهن ونزلت لكيت ابوي لازم كميل من قميصه ويعت بيه
الشيخ رضوان:ظن ولكككك هي وصيهه حسنننن شلون تسوي بيها هيج هاااا ؟

ابوي يصيح عليه وذو الفقار ماخذ زاويه يضرب على رجله ويكول
ذو الفقار:- ياسواد وجهي منك ياحسن ياخويه أمانتك ماحافظت عليها امداني اي والله احفرلي گبر واتمدد يمك ياخويه اعذرني حسن طلعت مو كد أمانتك ياخويه

كميل :- مالك شغل انتَ مشكله بين مره وزوجها وهي تجاوزت واني لازم أدبها

كمز ذو الفقار عليه وضربه بوكسي وكعه بالكاع طفرت امي من مكانها ووكفت كدام كميل حتى لا يرجع يضربه ذو الفقار
ذو الفقار:-ولك تروح الها فدوه يالاغم ولك هي غير تربيه حسن شلون تجاوز عليك عينها من الكاع ما ترفعها مو نوب ترفع صوتها وتجاوز عليك

كميل :- كافي ترا زودتها مالك اي حق تدخل بيناتنا مرتي واني حر احركها اذبحها بكيفي محد اله دخل بيه

ذو الفقار:- امشي ولي الحضينه هو انتَ هم حاسب نفسك زلمه ولك من شوكت تعتبر الرجوله بالضرب هااا شلون تضرب مره !!!!

كميل :- بويه اخذ ابنك مني مااريد اسوي شي نندم عليه اثنينه

الشيخ رضوان:-شنو تريد اسوي هااا تضرب اخوك هم ترفع ايدك على اخوك الجبير هم ؟؟