المسبحة (تراث الاجداد )
بقلمي أنا حوراء حسن
لاتنسون التصويت والتعليق على الفقرات
أضافة حساباتي its_ho0rr
____________________________
كُلنا معرضين للخيانة من أقرب الاشخاص لدينا
حيث قال أحدهم
أعلِّمُه الرمايةّ كلّ يومٍ... فلمّا اشتدّ ساعدُه رماني
وبلهجة عراقية جنوبية نقول
أنطيتك سلاحي وكتلك أحميني
وصل بيك الحقد بسلاحي ترميني ؟
حوراء حسن
____________________________
<كهرمانة >
دخلت لغرفتي بعد ما تأكدت أن الكل نايم أنتبهت على شاهر سرحان ومشغول بالتفكير بحيث ما أنتبه عليه من دخلت للغرفة وكعدت كدامه لوحت بأيدي كدام وجهها أنتبه الي وأبتسم بخفة
شاهر:- ما أنتبهت الج شوكت أجيتِ؟
كهرمانة:- أكيد ما تنتبه الي وأنتَ سرحان ورايح بغير عالم صاير شي وياك؟
أتنهد بحسرة وڪال
شاهر:- هو أكو شغلة شاغلة بالي وماعرف شلون أتصرفشاهر:- جاسم رجع للديرة
أنصدمت من كلامه ونطقت بعدم أستيعاب
كهرمانة:- مستحيل هذا الشي!!
شاهر:- وعيونج هذا الي صار لا ونوب بكل عين صلفة يطالب بقربان ويريد يحجي وياه ويشوفه
كهرمانة:- لا تڪلي وافقت وحجيت ويه قربان!!
شاهر:- صدك جذب شنو تخبلت غير بس قربان يسمع بهذا الشي يتخبل علينه هو أني هسه حسيت بيه شويه أرتاح وترك عصبيته
كهرمانة:- صعبة عليه ترا وين أكو واحد يتقبل هيج شي؟
صارلة شكد من أتخلى عنه شنو هسه تذكره؟؟
شاهر:- ولج لا نوب بكل عين صلفة يكلي أني أبوه وأريد أشوفه وهذا من حقي غير ردت أسحل بيه المصنع سحل بس حطيت كدامي قربان وسكتت لخاطره
كهرمانة:- سودا عليه هذا الولد طول عمره متعلعل أول شي أبوه عافه ونوب أمه توفت من صغره أعتمد على نفسه ولا عاش طفولته مثل باقي الولد ومن أستقرت حياته وأرتاح رجع ظهر أبوه الغضب
شاهر:- ڪلبي ڪارصني متأكد بس يشوفه تعلك تعرفين بقربان لا يسكت ولا يخاف والعباس يغسله غسل وينعل يومه
كهرمانة:- من ناحية اربده يتواجه ويه أبوه حتى نخلص منه ومن ناحية ثانيه أخاف عليه لا يشوفه ويتخبل علينه ويرجع يضوج وينقهر
شاهر:- هو الي كاسر أيدي هو خوفي عليه من نفسه لأن اعرف كلش زين قربان مايسكت أبد
كهرمانة:- وبهالحالة شراح تسوي؟
شاهر:- هاالفترة راح أسكت وما أحجي بالموضوع بس تخلص المشية خديجة وبعدها بس نفرغ أحجي للشيخ وهو يتصرف وياه
كهرمانة:- أي عاشت أيدك هذا الصح زين هي المشية باجر وتخلص بخير أن شاء الله تبقى عدنه مشيه مريم تتفق عليها ويه قحطان حتى يسويها بعد شهر هيج حتى نحضر روحنه
أنت تقرأ
المسبحة (تراث الاجداد )
Actionعمليه اغتيال تنفذ بأحد بأبن اڪبر شيوخ العشائر في محافظه ميسان جريمه بشعه تنفذ بحق هذا الشاب الحكيم القاتل غامض ومجهول الهويه والمثير للريبه اڪثر هو اختفاء احدى اهم مقتنيات الشيخ الاثريه ماذا يمكن ان يفعل القاتل بمسبحه الشيخ المتوارثها من اجداده...
