المسبحة (تراث الاجداد )

الحلقة الثامنة والثلاثون

المسبحة (تراث الاجداد)
بقلمي أنا حوراء حسن
لاتنسون التصويت والتعليق على الفقرات
وأضافة حسابي انستا its_ho0rr
________________________________

أتقتلك الامبالاة؟
أني يقتلني التفكير المفرط
والافكار السوداوية
تقتلني فكرة أنك لن تكون لي بعد كل العذاب الذي مررت به. 
حوراء حسن
________________________________

<طيبة الزهراء>

بعد ما خلصت الحفلة أتصل علينا عز الدين حتى نطلع اله حجيت ويه خاله ربى حتى أستاذن منها
طيبة الزهراء:- خالاتي حبيبتي عز الدين بره ينتظرنا نستأذن بعد أحنا وأن شاءلله ربي يتمم الهم على خير وتشوفون أحفاد أحفادهم

ربى:- بعد ڪلبي يايمَه ربي يسمع منج، تعذريني حبيبتي عمي مايقبل والله اذا يشوفكم طالعين بدون عشاء يبقى يحجي عليه أبقوا تعشوا ونوب توكلوا

طيبة الزهراء:- لا والله ماكو داعي واصل واجبكم حبيبتي ماتعرفين عز الدين يكرهه نخليه ينتظر وهسه تلكينه بس يستغفر

ربى:- لا تخافين هسه اطلع اله وأحجي وياه وأذا ماسمع مني ادزله خدوج هي تشوف شغلها وياه

غمزت بنهاية كلامها متت من الضحك شفتها تريد تطلع وأخذني الفضول حتى أشوفها شلون تحجي ويه عز الدين بس فتحت باب صارو كدامها الولد كلهم شبابهم هواي ماشاءالله عليهم واحد منهم بس شافها أجه بسرعة وبدأ يحجي وياه ماعرف شقة لو صدك

:- ها يمَه شعندج طالعة لا ونوب لابسة بنفسجي شنو تردين تشوفيلج عريس؟
لا تتعبين نفسج عود أني اشوفلج من شغلي الي هنا كلهم فكور

ضربته على أيده تحذر بيه وأني فاطسة من الضحك واكفة وراها ما منتبه الي ردت عليه بسرعة
ربى:- ليش ما تصم حلكك ولك قبيل روح من وجهي صيحلي عز الدين اريد احجي وياه

رد عليها
قبيل:- شنو شعليه بيه هذا الخبل بس يصيح مدري شبيه وخبص خواته خبص ما اكول غير الله يساعد خديجة عليه ولا تخافين صارلي ساعة أحشي برأس قحطان نوعًا ما أقتنع وراح يفصخ خطوبة عز الدين وخديجة ماكو داعي تشكريني

شهكت بصوت عالي من سمعت كلامه والتفت عليه خاله ربى وحجت بهدوء
ربى:- خيولي ولج يتشاقة مو صدك وين اكو واحد يسمع من هذا الخبل ويمشي بشوره

قبيل:- رحم الله والديج چا اروح اني وأنتِ شوفي غيري يصيحلج عزوز.

صدك عافها وراح وهي تضحك شوية وهمست بصدمة
ربى:- شتسوي هنا؟؟ 

رفعت راسي اشوف منو تقصد بكلامها وشفت نبيل واكف كدامها وأبتسامة خفيفة على وجهه ورد عليها بهدوء
نبيل:- أشارك أخوي بفرحته

ربى:- نبيل أمي كافي أدخل لا تبقى بره مو وين عليك والله

نبيل:- ماضل شي ويطلعون الناس خليني على الاقل أودعهم ويه الولد