المسبحة(تراث الاجداد)
بقلمي انا حوراء حسن
لاتنسون التصويت والتعليق على الفقرات
اضافة حسابي انستا its_ho0rr
________________________
في أحدى ليالي نوفمبر الباردة
كان الطقس شديد البرودة يشبهك أنتَ
بارد، وممطر وأصوات الرعد تملئ المكان
كوجودك أنتَ في حياتي لم ارى شي منك
عدا برودك وجفافك ومع غيري كنُت حنون ومرح
في الكثير من الأحيان تمنيت لو كنَت لا أعرفك
حوراء حسن
__________________________________
<مريم>
ثاني يوم داومت ويه قحطان نمشي اني وياه بممرات القسم وهو جان لابس بلوز رصاصي وبنطلون اسود قماش واني جنت لابسة طقم رصاصي ومطقمة وياه ماروني استغربت من نظرات الكل النه تقربت عليه وهمست بخفت
مريم:- قحطان وجهي بيه شي؟
نظر لوجهي نظرة خاطفة وهمس بثقة
قحطان:- أي حلو
مريم:- ليش الكل هيج يباوعون علينه؟
قحطان:- فضوليين، المهم وين صارت غرفة هذه الدكتورة؟
مريم:- بهذه البناية بالطابق الاول
هز راسه ودخلنا سويه للبناية وهو يمشي وراي بخطوات ثابته وصلنا لغرفة الدكتور وأشر الي حتى أدخل قبله أول ما دخلت وشافتني أشرت عليه للدكتور تقي وكالت
الدكتورة جنان:- هذه الطالبة الي غشت البارحة عندي بالامتحان
أستغرب الدكتور من نظراتها وقبل لا يحجي اي شي دخل قحطان وسلم بصوت عالي وجهوري
قحطان:- السلام عليكم.
ردو عليه أثنينهم وسأله الدكتور تقي بأحترام
الدكتور تقي:- تفضل أستاذ بشنو اكدر اساعدك؟
قحطان:- مو أنتَ الي راح تساعدني اريد اشوف رئيس القسم
الدكتور تقي:- تفضل استاذ اني النائب عن الدكتور احجي شنو مشكلتك
قحطان:- مشكلتي هي هذه الدكتورة ووجودها بهذا المكان صراحة ما يشرفني هذه الانسانة عديمة الوعي والتفهم تدرس زوجتي.
أبتسمت على كلمة "زوجتي" بس بسرعة خفيتها ورجعت رسمت ملامح الجدية على وجهي خاصة من تهجم وجهه الدكتورة وردت عليه بشي من الصياح
الدكتورة جنان:- بصفتك منو تحجي وياي هيج، وشلون حكمت عليه بدون لا تدرس عندي؟
قحطان:- اول شي انتبهي على نبرة صوتج وياي اني مو طالب عندج والحمدلله ماصرت طالب عندج، بأي حق أنتِ تتهمين زوجتي بالغش وتهينيها كدام الطلاب بلا ما تسمعين منها؟؟
الدكتورة جنان:- مريم شاهر تكون زوجتك؟
قحطان:- المستقبلية أن شاء الله، وهذا مو موضوعنا وماعندي كلام وياج كلامي راح يصير ويه عميد الكلية
الدكتورة جنان:- ترا زوجتك غشت ومن حقي اتصرف وياها هيج تصرف اصلًا اني تعاطفت وياها وما فصلتها سنة كاملة لازم تشكرني على لطفي بيها
أنت تقرأ
المسبحة (تراث الاجداد )
Azioneعمليه اغتيال تنفذ بأحد بأبن اڪبر شيوخ العشائر في محافظه ميسان جريمه بشعه تنفذ بحق هذا الشاب الحكيم القاتل غامض ومجهول الهويه والمثير للريبه اڪثر هو اختفاء احدى اهم مقتنيات الشيخ الاثريه ماذا يمكن ان يفعل القاتل بمسبحه الشيخ المتوارثها من اجداده...
