المسبحة(تراث الاجداد)
بقلمي انا حوراء حسن
لاتنسون التعليق على الفقرات والتصويت
اضافة حسابي انستا its_ho0rr
قناتي تلي بأسم <خاص بحاء >
ضيفوها أيضًا لطفًا وليس أمرًا
____________________
كنت اظن ان كره والدي لي هو أمر صعب جدًا
أمر لم ولن أقوى على تحمله
لكن عندما عرفت حقيقته
أيقنت ان هنالك اشياء ممُكن ان نكرهها
لكن هي خيرًا لنا في الحقيقة
حوراء حسن
___________________
<خديجة>
مصدومة كلش من كلام الرجال شنو قاتله اني ماسويت اي شي واليوم اي عملية مادخلت شلون بعد قتلت همست لعز الدين
خديجة :- عز الدين خايفة يأذوني
جاوبني بصدر عالي وصوت اعلى وكال
عز الدين:- يخسون يوصلون لظلج واني موجود
مجرد دقائق وانترس المكان بأمن المستشفى ووياهم مسؤول الردهه الي اشتغل بيها وكف بيني وبينهم وحاول يحجي ويه اهل المريض
:- شنو الموضوع ممُكن احَد منكم يفهمني ؟
طلع واحد منهم وتقدم يحجي ويه المسؤول بصياح
:-احنه جبنه ابوي هنا حتى يتشافى ويطيب لو حتى تگتله هاي هااا!!!
كمز عز الدين من مكانه وصاح بوجهه
عز الدين:- احترم نفسك واحجي عدل شنو هاي ؟
اسمها الدكتورة خديجة اعرف شلون تحجي لا أجي اعلمك
استدار عليه المسؤول ويحاول يهدئ بيه بس عز الدين تخبل انگلب شخص ثاني ماجنت اعرف بيه هالكد عصبي
المسؤول :- دكتور ممُكن تهدئ شويه حتى نفتهم شنو الوضعية ميصير هيج الردهة مليانة مرضى وهذا الصراخ يزعجهم
عز الدين :- عاجبك الطريقة الي يحجون بيها ؟
المسؤول :-اكيد لاا بس غير نفتهم شبيه مريضهم وشنو وضعيته !!
عز الدين :- يلا افتهم انتَ
رجع المسؤول يسأل بيهم عن اسم المريض وانصدمت كلش من ذكرو اسمه
:-شاگر عواد
التفت عليه المسؤول وسألني
:-مو نفسه هذا الشخص الي جابوه وهو أصلًا ميت !!
خديجة :- بالضبط هو استاذ
اهل المريض من سمعوا كلامنه انتفضوا وماقبلوا وصارو يصيحون ان ابوهم مابيه شي عاط بيهم عز الدين خنسهم كلهم
عز الدين:- وحق رب العرش اذا ما اخليكم تتندمون لان اندكيتوا بيها ما اطلع عز الدين
كمز واحد منهم يصيح على عز الدين
:-شنو انتَ تهدد بيك خير تعال وراويني شنو تسوي اذا بيك حظ تعال
اقدم عليه عز الدين جان لابس سماعه القلب على ركبته سحبها وطبكها وركعه بيها هذا انصدم وبسرعة رجع ليوره وماسمعنه اله حس بعد
تقدم المسؤول وسحب عز الدين وبدء يحجي بجدية ويه اهل المريض
المسؤول :- شوفوا عيني والدكم أصلًا ميت من جبتوه واكو اوراق وتحليلات تثبت هذا الشي واذا عدكم شي ضدنا المحكمة موجوده وروحوا قدموا شكوى
أنت تقرأ
المسبحة (تراث الاجداد )
Aksiعمليه اغتيال تنفذ بأحد بأبن اڪبر شيوخ العشائر في محافظه ميسان جريمه بشعه تنفذ بحق هذا الشاب الحكيم القاتل غامض ومجهول الهويه والمثير للريبه اڪثر هو اختفاء احدى اهم مقتنيات الشيخ الاثريه ماذا يمكن ان يفعل القاتل بمسبحه الشيخ المتوارثها من اجداده...
