المسبحه (تراث الاجداد)
بقلمي انا حوراء حسن
لاتنسون التعليق على الفقرات والتصويت
اضافه حسابي انستا its_ho0rr
_____________________
احبك يامعشوقتي
نعم اقولها كثيرًا
لكن في هذا اليوم اشعر بمشاعر جياشه اتجاهك
لا اعلم لماذا لكن قلبي يخبرني بأني سوف ابتعد عنك
اريدكِ ان تعلمي مما حصل في هذه الدنيا
ستبقين حبي الاوحد
حوراء حسن
_____________________
ذو الفقار :- اطلع منا جمال ماريد اخرب فرحه هذا اليوم على اهلي
جمال:- ليش نخربه ياخويه عادي اني هم اريد ابارك لأخوك والامور طيبة خلينه نفتح صفحه جديده وننسى الي صار قبل
ذو الفقار:-نجوم السماء اقرب الك مستحيل امشي وياك بعد الحجي والسوالف الخ*** الي سويتهم وياي
جمال :-حقك اني غلطت وياك هواي بس اعترف بغلطي ليش ما تنسى
قبل لا يجاوب ذو الفقار اجانى صوت الشيخ وهو يكول
الشيخ رضوان:- ليش خطارك واكفين بالباب بويه خليهم يدخلون
غمز جمال لذو الفقار واخذ بأيد ابنه ودخل سلم على الشيخ
جمال :-السلام عليكم شيخ مُبارك الكم المولود الجديد يتربى بعزكم
الشيخ رضوان:-وعليكم السلام هلا بيك بويه تسلم تفضل ليش واكف هنا
دخل جمال وابنه واني اخذ ذو الفقار على صفحه احجي وياه
شاهر :-مشيها اليوم يمعود مانريد مشاكل خاصة كدام الحجي ننفضح وداعتك
ذو الفقار:-لخاطر اخوي راح اسكت حتى ما اخرب عليه فرحته بأبنه
دخلنا للاستقبال وشويه وانمدت سفره الاكل ومن بعدها اخذ الشيخ ابن كميل وأذن بأذنه وسماه "منيل "
جمال :- الله يجعله من الصالحين والبارين بأمه وأبوه
الشيخ رضوان:- تسلم بويه انتَ منين اول مره اشوفك بديرتنه
جمال :-عمي اني من بغداد واصير زميل ذو الفقار بنفس الكليه وهسه قررت انتقل للعماره وكعدت بالبيت الي بالفرع الوراكم
الشيخ رضوان:-كل الهلا بيك شنو تحتاج كول واحنه بالخدمه
جمال :-تسلم شيخ ما تقصر خلصت اني نقلت كل اغراضي ان شاء الله باجر تجي المراه ونستقر هنا
الشيخ رضوان:- كل الهلا كل الهلا
بعد مرور شهرين
شهرين مرن والبيت هوسه اول شي بسبب ابن كميل الي طلع مريض والكل احتار بيه وبعدها بسبب ربى الي وكعت علينه بسبب الضغط الي صار عليها البارحه بالليل ولدت وجابت ولد واليوم كلنه من الصبح كاعدين نحضر للعزيمه الي سواها ابوي بمناسبه سلامتها هي والطفل
كهرمانه :- فاطمة اني خلصت الاكل والباقي عليج اروح اسبح وابدل ملابسي شويه ويجن النسوان حتى انتِ هم تصعدين تحضرين نفسج
أنت تقرأ
المسبحة (تراث الاجداد )
Açãoعمليه اغتيال تنفذ بأحد بأبن اڪبر شيوخ العشائر في محافظه ميسان جريمه بشعه تنفذ بحق هذا الشاب الحكيم القاتل غامض ومجهول الهويه والمثير للريبه اڪثر هو اختفاء احدى اهم مقتنيات الشيخ الاثريه ماذا يمكن ان يفعل القاتل بمسبحه الشيخ المتوارثها من اجداده...
