المسبحه (تراث الاجداد)
بقلمي انا حوراء حسن
لاتنسون التعليق على الفقرات والتصويت
اضافه حسابي انستا its _ho0rr
___________________
عندما تقرر البقاء مع من تحب ألى الابد
تبدأ الصعوبات واختبارات الحياة
لتعرف اذ كنت حقًا تعني كلامك
واذا تجاوزت هذه الصعوبات بنجاح وبقيت مع من تحب
سيتدخل شي اخر وهو الاكثر قوه وحتميه في هذه الدنيا
والذي هو الموت
محظوظ هو من تكفن بكفن حبيبه
حوراء حسن
____________________
من وصل حسيت رجعت الي حياتي ورجع لونها بغيابه جانت حياتي باهته ما جنت متخيله بيوم من الايام احبه كل هذا الحب بحيث اربط سعادتي بوجوده تلمست وجهه
سمره :- تعبانات حيل عيونك يابعد عيوني
حسن :- ماكو نوم كله شغل وتعب اكيد يصيرن هيج
سمره :- خليني احضر الك الحمام حتى تسبح وترتاح اكلت شي ؟
حسن :- اكعدي بابا مو زين عليج اني اخذ ملابسي واسبح لا تتعبين نفسج والاكل موجود جوه هم اصبلي واصبلج حتى ناكل سويه صار هواي مامشاركتني الاكل
سمره :-عمه سولفت الك ؟
حسن :- اي اول ما وصلت حجتلي الله يتمم النه على خير ونكحل عيونه بشوفته
سمره :-ان شاء الله
اخذ ملابسه من الكنتور ونزل يسبح واني بس أتأفأف كلش ضايجه من وضعي وهم خايفه على الي ابطني لهذا مجبوره اكعد راحه
اكره وضعي لان يحسسني عاجزه وهذا الشي امقُنه كلش
دخل للغرفه وكف كدام المرايا يمشط بشعره ابتسمت على شكله وحمدت رب العالمين لان رجع الي بالسلامه تقدم عليه وباسني بخدي
حسن :- ابوس عيونك الي ماتفارق مخيلتي
باسني من عيوني هم ضجت كلش وخرته
سمره :-وخر حسن لاتبوسني بعيني
حسن :- هاي شبيج ليش ؟
سمره :- مو حلوه واصلاً بوس العين فراق
حسن :- شلج بيها هاي
سمره :-كافي حسن اني مقتنعه بهذا الشي ولا تضل كلساع بايسني منها اضوج منك وعلي
حسن :- عمي كلشي ولا سمرتي تضوج براحتج
سمره :-عمه راحت ويه فاطمه ؟
حسن :-اي راحت
سمره :-منو راح يحط الكم عشه انتَ وعمو ؟
حسن :- زهراء موجوده
لزمته من ياخه قميصه وسحبته عليه وحجيت بتهديد
سمره :- والله اذا تنزل وتاگل وياها على نفس الصينيه اذبحك فهمت او لا !!
ضحك بصوت عالي وتدنه مني اكثر بس ماشمر حيله عليه
حسن :- شنو الي يمنعني ؟
سمره :-اني امنعك ماقبل زوجي يفتر كدام بنات عمه انتَ مو هم من يجون ولد عمك ماتخليني انزل تغار عليه واني نفس الشي ماتخطي خطوه وبنت عمك الحيه الصفره موجوده جوه خوش ؟
أنت تقرأ
المسبحة (تراث الاجداد )
Actionعمليه اغتيال تنفذ بأحد بأبن اڪبر شيوخ العشائر في محافظه ميسان جريمه بشعه تنفذ بحق هذا الشاب الحكيم القاتل غامض ومجهول الهويه والمثير للريبه اڪثر هو اختفاء احدى اهم مقتنيات الشيخ الاثريه ماذا يمكن ان يفعل القاتل بمسبحه الشيخ المتوارثها من اجداده...
