المسبحة (تراث الاجداد)
بقلمي انا حوراء حسن
لاتنسون التعليق على الفقرات والتصويت
اضافة حسابي انستا its_ho0rr
اضافة قناة تلي بأسم "خاص بحاء "
___________________
حان وقت الوداع ياعزيزي
أمضيت معك ايام جميلة
لكن يجب ان نبتعد عن بعض
وكل شخص فينا يعود الى عالمه الخاص
انتَ الي عالمك
وانا اليك.
حوراء حسن .
_____________________
«قطر الندى»
انصدمت من كلام جدي وقراره فحجيت وياه
قطر الندى:- جدو شنو هذا الكلام تتشاقة وياي اكيد مو ؟
رد عليه بجمود وبوجهه جامد واردف بقسوة اول مره يحجي وياي بهالنبره
الشيخ رضوان :- من شوكتت اني اتشاقة بهالسوالف هااا !!
كلامي وسمعتيه ماعندي غيره حضري نفسج هذا الاسبوع العقد والعرس بنفس اليوم مانريد نطول السالفة
وكفت على حيلي مصدومه من كلامه لا إراديًا صرخت بوجهه
قطر الندى:- شنووووو هذاااا قراركككك جدوووو معقولة تبيعني برخيص !!
الشيخ رضوان:-صوتجججج ندى مو انطيتج مجال كمتِ تصيحين بوجهي هااا !!
قطر الندى:-جدو الله يخليك لا تسوي بيه هيج لاتكسرني فوگ كسره ابوي الي شلون تزوجني من شخص بدون لا تأخذ رأيي !!
الشيخ رضوان:-اني اعرف بمصلحتج وهذا الزواج هو القرار الاحسن الج
قطر الندى:-جدو الله يخليك يعني غير افتهم شلون من مصلحتي واني ما رايدته شلون تجبرني على الزواج وانتَ الي جنت ما تجبرني أكل أكله ما احبها شلون ماجاي افتهم شلون !!!
الشيخ رضوان :- الزمن هو الي راح يثبت الج ان هذا القرار الي اتخذته هو احسن قرار بحياتج
قطر الندى:-احسن قرار اتزوج واحد ما احبه ولا اطيقه !!
الشيخ رضوان:-الحب مو مهم المهم الأمان والاحترام وهذا الشي موجود عند نور الدين متأكد ما راح يقصر عليج بشي
ردت ارد عليه بس غمز الي ديان حتى اسكت وهو ادخل يحجي
ديان :-جدي نور الدين ونعم منه خوش رجال واصلي بس جدي ندى ماتريده واعتقد هذا السبب كافي حتى ترفض طلبه ماعرف شلون انتَ وافقت عليه بدون لا تأخذ رأي ندى ماتوقعتها منك والله
صاح جدي بوجهه ديان وهذه اول مره يسويها ماعرف ليش بس احس جدي حيل متغير مو نفسه جدي الي نعرفه
الشيخ رضوان:-انتَ تسكت وما تدخل محد يدخل بهذا الموضوع قراري اخذته وغصبًا ما على الكل يتقبله مفهوممم
كام قبيل من مكانه وكال
قبيل :- العفو منك جدي بس ما اعتقد ندى مجبوره توافق على زواج ما تريده حتى لو انتَ جدنا بس مو من حقك تجبرها توافق على شخص هي ما تريده !!!
الشيخ رضوان:-قسمًا عظمًا بذات الله اذا قطر الندى ما توافق على هذا الزواج لا اني جدكم ولا اعرفكم ويحرم عليه احجي وياكم حرف ليوم الدين
أنت تقرأ
المسبحة (تراث الاجداد )
Actionعمليه اغتيال تنفذ بأحد بأبن اڪبر شيوخ العشائر في محافظه ميسان جريمه بشعه تنفذ بحق هذا الشاب الحكيم القاتل غامض ومجهول الهويه والمثير للريبه اڪثر هو اختفاء احدى اهم مقتنيات الشيخ الاثريه ماذا يمكن ان يفعل القاتل بمسبحه الشيخ المتوارثها من اجداده...
