Us Two [Completed]

10

UNI

❝ စဥ်းစားမရတာကို စဥ်းစားမနေပါနဲ့တော့။ သွားရအောင်လေ အစ်ကို ❞

❝ အာ..အင်း အင်း ❞

❝ နေဦး..❞

❝ ဘာဖြစ်ရပြန်ပြီလဲ ❞

❝ အင်္ကျီအိတ်ကပ်ပါတယ် မဟုတ်လား ❞

❝ ပါတယ်လေ ❞

❝ ဒီကိုပေး ❞

လက်ထဲကိုင်ထားသည့် ပိုက်ဆံအိတ်နှင့်ဖုန်းကို ယူကာ ပိုင်စိုးပိုင်နင်းဖြင့် စံလင်းသူ၏ အပေါ်အင်္ကျီ အိတ်ကပ်ထဲ ပိုက်ဆံအိတ်ကိုထည့်၍ ဖုန်းကို ဘောင်းဘီအိတ်ထဲထည့်သွားသည်ကြောင့် စံလင်းသူ မျက်လုံးပြူးသွားသည်။

❝ ဘာလုပ်..❞

❝ သွားမယ် ❞

ရန်တွေ့ခြင်းသည် မအောင်မြင်။ လက်ဆွဲကာ ခေါ်သွားသူကြောင့် ပါသွားရပြန်သည်။ ဇိုးကနဲဇက်ကနဲ ပြုမူသွားသည်မှာ ဘာပုံစံပါလဲ။ သူဖြင့်သဘောမကျပါ။

ကမ်းစပ်ရောက်သည့်အခါ စံလင်းက ကျန်ခဲ့ပြီး မင်းခန့်က ရေထဲဆင်းသွား၏။ ခပ်လှမ်းလှမ်းတွင် အသင့်ရှိနေသော Jet Skiနား၌ လူတစ်ယောက်က စောင့်ပေးနေပြီး မင်းခန့် ထိုနားရောက်သွားသည်နှင့် ထွက်သွားလေသည်။

❝ မင်းခန့်ပိုင်ဖြိုး..သတိထားဦး ❞

ရေနက်သည့်အပိုင်းဘက်က မောင်းမည့် မင်းခန့်ပိုင်ဖြိုးကြောင့် စံလင်းသူ လှမ်းသတိပေးလိုက်သည်။ မင်းခန့်ပိုင်ဖြိုးက ခေါင်းတော့ညိမ့်ပြပါသည်။ စကားနားထောင်မလားကတော့ ခနနေမှသိရမည်။

မကြာလိုက်။ စက်နှိုးကာ မောင်းထွက်သွားသော မင်းခန့်ပိုင်ဖြိုးစီးသွားသည့် Jet Skiသည် ကမ်းခြေနှင့် ဝေးသွားကာ ရေနက်ပိုင်းလောက်ထိ ရောက်သွားမှ လမ်းကြောင်း၏ ညာဘက်ခြမ်းကိုခေါင်းတည်ပြီး စံလင်းသူ ရှိနေသည့် ကမ်း၏အစွန်းဘက်ဆီ မောင်းသွား၏။ စံလင်းကလည်း သူ့စကားအတိုင်း ကမ်း၏အစွန်းဘက်ဆီ ပင်လယ်ကိုကြည့်ရင်း ပင်လယ်ထဲမှ Jet Skiစီးနေသူကိုလည်းငေးရင်း အနောက်ကလိုက်သည်။ နည်းနည်း အလှမ်းဝေးသွားသည်ဟု ခံစားရသည့်အခါ ခြေလှမ်းကိုမြန်လိုက်သည်။