𝕃𝕆𝕍𝔼 𝕄𝔼 𝔻𝔸𝕐 𝔹𝕐 𝔻𝔸𝕐

𝕋𝕨𝔼𝕟𝕋𝕪𝕊𝕚𝕏

Morning sickness ကလည်း ချက်ချင်းကြီးရတာလား။မနက်မိုးလင်း အိပ်ယာကထတာနဲ့မူးနောက်ပြီးအန်ချင်နေသည်။jisoo ပေးတဲ့ဆေးကိုသောက်ပြီး ခဏနားကြည့်သည်။မရ။စောင်ကိုအသာမဖယ်လိုက်ကာအိပ်ပျော်နေသေးတဲ့ Lino ကိုတစ်ချက်ကြည့်ပြီး ရေချိုးခန်းထဲဝင်ကာ ထိုးအန်ချလိုက်သည်။

     "ရရဲ့လား Jennie"

ဘယ်တုန်းကရောက်လာဝာာလဲမသိ။သူ့ကိုလည်းပြန်မဖြေအားပါ။အန်နေရလို့လေ။

    "ဘာစားမိလို့လဲ ရင်ပြည့်တာလား ဆရာဝန်သွားပြကြရအောင်လေ"

   "ရတယ် မပြတော့ဘူး"

    ရတယ်ပြောပေမဲ့ ခွေကျချင်နေတဲ့သူ့ကို Lino ဆွဲထိန်းထားရသည်။

    "မဖြစ်သေးပါဘူး ဆေးရုံမသွားနိုင်ရင် အိမ်ပဲဆရာဝန်ပင့်လိုက်မယ်"

ပြောပြီးတာနဲ့ ထွက်သွားတဲ့ Lino ။

Jennie ဘယ်လိုပြောရမယ်တောင်မသိပါ။ခေါင်းထောင်တာနဲ့မူးသည်။ချာလည်ပတ်လည်ရမ်းနေတာမျိုး။ဆိုဂျူမူးတာတောင်ဒီလောက်မဆိုး။

    "Jennie ငါပေးတဲ့ဆေးမသောက်ဘူးလား"

Lino က Jisoo ကိုခေါ်လိုက်ပုံရသည်။ရောက်တာနဲ့ အသံကအရင်ဝင်လာတာ။

   "သောက်တယ်လေ"

    "ဟဲ့ အဲ့တာတောင်အန်သေးသလား"

  "ငါအခုမျက်စိတောင်မဖွင့်ချင်ဘူး Jisoo ငါ့ကမ္ဘာကြီးက ရိုလာကိုစတာလိုပဲ"

   "အင်း သွေးပေါင်ကျ အားလည်းနည်းနေတာကိုး ငါအားဆေးထိုးပေးခဲ့မယ် သေချာတော့နားမှဖြစ်မယ်"

ထိုအချိန်lino က မုန့်ဗန်းကိုင်ကာဝင်လာသည်။

    "ဆေးထိုးမှာဆိုရင်လည်း ထိုးပေးခဲ့လိုက်ပါ Jisoo shi "

    "ငါ ဆေးမထိုးချင်ဘူး"

   "လိုအပ်လို့ထိုးရတာပဲ Jennie..ဒါနဲ့ ဘယ်လိုဖြစ်လို့ တအားမူးပြီးအန်နေရတာလည်း Jisoo shi အစာမကြေ ရင်ပြည့်လို့လားး"

   "အာ အဲ့တာက  ကိုယ်ဝန်ကြောင့်လေ"

ဗုဒ္ဓေါ ...နားကလေထွက်နေတာလား။ငါဘာတွေကြားနေတာလဲ ကိုယ်ဝန်တဲ့လား။