"මොකද උඹ කුකුලත් අතේ අරන්?"
මං උදේ ඔෆිස් ඇවිත් ලිෆ්ට් එක පැත්තට යනකොටත් ලිෆ්ට් එක පහලට එනකම් බලාගෙන හිටපු දේශ් මගේ දිහා බලලා ඇහුවා...
"කෝ කොහෙද?"
"මොනවද?"
"කුකුලා?"
"අනේ මේ රන්දු!! කියපං මොකද උබ අද උදේම ආවේ?"
දේශ් ඇස් දෙකත් හීන් කරගෙන අහනවා...අම්මපා මේකා නං විසාල කරදරයක් වෙලාවකට....
"අද අපේ අලුත් ලෝයර් එනවනේ ඒකයි!!"
යන්තමින් ඔලුවට ආපු එක මං කිව්වා... ඇත්තටම අද අපේ අලුත් ලෝයර් එනවා...කලින් අපිත් එක්ක හිටපු ලෝයර් සපරමාදු ලංකාවෙන් යන නිසා, මිස්ටර් සපරමාදු එයාගේ හොදම ගෝලයා ව එතනට රිප්ලේස් කලා... අලුත් මෑන් අද එනවා කියලා මේල් එකක් දාලා තිබුනේ ඊයේ....අද උදේ තමයි මං දැක්කේ හැබැයි... මොකක් හරි වෙලාවට දේශ් ගෙන් ෂේප් වෙන්න ඒක උදව් වුනා.....
"ලෝයර් කාරයා කීය වෙද්දි එනවා කිව්වද?"
"අට වෙද්දි එයි!!"
මං වොච් එක දිහා බලලා කිව්වා....දේශ් කලේ හ්ම් කියලා ඔලුව වනපු එක.....
වෙලාව හතයි පනස් නවයයි... මං මාපටැඟිල්ල හපන ගමන් වොච් එක දිහාම බලාගෙන හිටියා.... එක පාරටම මගේ රූම් එකේ දොර ඇරුනා...මං එහෙමම ඔලුව උස්සලා දොර දිහා බැලුවා....
"මොකද උබ ඔහොම බලන්නේ?"
දොර ඉස්සරහා පපුවට අතකුත් තියාගෙන හිටගෙන හිටියේ දේශ්...
"කොහොමද?"
මං ඔරවගෙන ඇහුවා... වෙලාව අටයි තුනයි...පන්සිළු තාමත් නෑ... එක අතකට ඇයි මං ඒ ගැන ඕනවට වඩා වදවෙන්නේ.....දේශ් දොර වහගෙන මං ලගට ඇවිදගෙන ආවා....
"උබ මොකද ලෝයර් කාරයා එනකම් ඔච්චර උනන්දුවෙන් මග බලාගෙන ඉන්නේ"
දේශ් ටේබල් එක ලගට ම ඇවිදගෙන ඇවිත් ටේබල් එකට අත් දෙක තියලා මගේ මූනට එබිලා ඇහුවා....
"මං පිස්සුද බන්!!"
මං ටයි එක හදන ගමන් අහක බලාගත්තා....ඒත් එක්කම දොරට නොක් කරන සද්දේ ඇහුනා.....
YOU ARE READING
🖤පහන්සිළු 🖤 ( 𝑻𝒂𝒆𝑲𝒐𝒐𝒌 𝑵𝒐𝒏𝒇𝒊𝒄𝒕𝒊𝒐𝒏)
Non-Fiction"පහනක් ලස්සනම පහන් සිය ගානක් දැල්වෙන මලුවක දැල්වෙනකොට නෙවෙයි පන්සිළු, එක හුදෙකලා අදුරු මලුවක දැල්වෙනකොට.." -අශ්වින්- 24/05/30 RAYA
