"සර් බාගයක් බීලා දෙන්න!!"
තාමත් මගේ ඉස්සරහට මග් එක අල්ලගෙන පන්සිළු කියනවා....
"ඉතුරු බාගේ?"
මං ඇහිබැමක් උස්සලා අහනකොට මගේ දිහා ම බලාගෙන හිටපු ඒ ඇස් බිමට හැරවුනා..
"මං බොන්නම්..."
බිම බලාගෙන ම කියනවා...මට හිනා යන්න ආවත් මං බුම්මගෙන ම ඔලුව වැනුවා....
"ඕකේ මෙතන ඉදලම බොන්න ඕන!!"
මං කොල්ලට සැර බැල්මක් දාලා මග් එක අතට අරගෙන උගුරු දෙක තුනක් බිව්වා...
"මගේ මග් එකට දාගෙන බොන්නම්!!"
"මට බෝවෙන ලෙඩ නෑ!!"
මං කියන පරක්කුවට මගේ අතින් මග් එක අරගත්ත පන්සිළු තේ උගුරක් බීලා ඇස් බෝල කරගෙන මගේ දිහා බැලුවා...
"කෝ මට තව ඕනේ!!"
මං මග් එකට නැවිලා පන්සිළු ගේ අතේ තියද්දිම තේ උගුරක් බිව්වා... ඊලගට ඇස් වලින් බොන්න කියන පරක්කුවට පන්සිළු මග් එක තොල් අතරේ තියාගද්දි මං හිනාවෙවී බලාගෙන හිටියා.....
එදා ඔෆිස් එකෙන් පටන් ගත්ත ඒ පුරුද්ද ගෙදරටත් ආවේ මං බීලා තේ බාගයක් ඉතිරි කරන්නත් පන්සිළු ඒක බීලා සෝදන්නත් පටන් ගත්ත නිසා.. .. දැන් දැන් පන්සිළු අපි දෙන්නටම එක තේ එකක් විතරක් හදනවා. . මං මතක ඇතුව බීලා පන්සිළු ගේ තේ බාගේ ඉතිරි කරනවා....
විශේෂ දේවල් මොකුත් ම නැතුව වැඩත් එක්ක දවස් ගෙවිලා ගියා.... හැම හවසකම මමත් පන්සිළු එක්ක පුංචි කොලු පැටියා බලන්න හොස්පිට්ල් යන්නත් අමතක කලේ නෑ.....
"සර්, මට දවස් දෙකකට නිවාඩු ගන්න පුලුවන් ද?"
ඩිනර් එකෙන් පස්සේ මගේ අතට කොෆි එකක් දීලා පන්සිළු අහනකොට මං ඔලුව උස්සලා බැලුවා....පන්සිළු ඔෆිස් ඇවිත් මාස දෙකක් ගෙවිලා ගිහින්....මේ ගෙවුන මාස දෙකටම කොල්ලා කවදාවත් අමතර නිවාඩු අරගත්තේ නෑ...ඒ නිසාම මං කොෆි එක අතේ තියාගෙන ම පන්සිළු දිහා බැලුවා....
"පාට් ටයිම් ජොබ් එකෙනුත් එක්කම සර්..."
පන්සිළු කියනකොට මගේ ඇස් වල ප්‍රශ්නාර්ථයක් තියෙන්න ඇති... ඒ නිසාම කොල්ලා ආයේ උත්තර දුන්නා....
YOU ARE READING
🖤පහන්සිළු 🖤 ( 𝑻𝒂𝒆𝑲𝒐𝒐𝒌 𝑵𝒐𝒏𝒇𝒊𝒄𝒕𝒊𝒐𝒏)
Non-Fiction"පහනක් ලස්සනම පහන් සිය ගානක් දැල්වෙන මලුවක දැල්වෙනකොට නෙවෙයි පන්සිළු, එක හුදෙකලා අදුරු මලුවක දැල්වෙනකොට.." -අශ්වින්- 24/05/30 RAYA
