"තොපි දෙන්නට මාත් මේකේ ඉන්නවා කියලා චුට්ටක් වත් මතක නැද්ද යකුනේ, මගේ ඔලුව අවුල් වෙනවා තොපේ වැඩ නිසා "
දේශ් ඩ්රයිව් කරන ගමන් ම සද්දෙන් කෑ ගහනකොට මං පන්සිළු ගේ තොල් අතෑරලා ඔලුව ඉස්සුවා....
"උබ මොකටද අපි ගැන හිතන්නේ, උබ තනියම යනවා කියලා හිතාගෙන යමන් "
පන්සිළු මගේ බෙල්ල අස්සේ මූන හංග ගද්දී මං කිව්වා....
"හිතන්න දෙයක් නෑ, කොහොමත් මම තනියම තමයිනේ, තොපි දෙන්නා මේ ලෝකේ නෙවේනේ ඉන්නේ..."
"ආපෝ කියවන් නැතුව හිටපං, තව පැයක් විතරනේ යන්න තියන්නේ...."
මං කියනකොට දේශ් මගේ දිහා බලලා කට ඇදකලා...
අපි හිටියේ රංගගේ ගෙදර යන ගමන්...බදුලු බන්ඩාරවෙල ගමන කියන්නේම ඇස් වලට හරි නිදහස් ගමනක් වුනත්, මගේ පපුව අස්සේ ගුලිවෙලා හිටපු පන්සිළු ඒ හැමදේටම වඩා මගේ අවදානේ එයාලග තියාගත්තා....
බ්ලැක් කලර් කාගෝ පෑන්ට් එකකට වයිට් ඕවර් සයිස්ඩ් ටීෂර්ට් එකක් ඇදලා හිටපු පන්සිළු උරහිස ලගට දිග කොන්ඩෙ කඩලා දාලා ඔලුවට හෙඩ් බෑන්ඩ් එකක් දාලා තිබුනා....
වෙනදට තියන දගපාට වෙනුවට අමුතුම හුරතල් පෙනුමක් කොල්ලට ඒකෙන් ඇවිත්... ඊටත් එන්න එන්නම වැඩි වෙන සීතල එක්ක ඒ රෝස කම්මුල් රතට හැරිලා තිබුනේ මගේ ඉවසීම චෙක් කරන්නම හිතලා වගේ.....
"රන්දු බඩ ඉරිඟු කනවද?"
පාර අයිනට වෙන්න තිබුන පොඩි පොල් අතු කඩයක් ලග ස්ලෝ කරලා දේශ් අහනකොට පන්සිළු ගේ කම්මුල් වලින් ඇස් අහකට අරගත්ත මං ඉස්සරහ බැලුවා...
"කමු, මං අරන් එන්නම්...!"
පන්සිළු මගේ ලගින් මෑත් වෙද්දි කෙලින් වුන මම දොර ඇරගෙන කා එකෙන් බැස්සා....පින්පාට වයසක සීයා කෙනෙක් එක්ක ආච්චි කෙනෙක් කඩේ ඇතුලේ හිටියා....
ඒ මිනිස්සුන්ට නම් සීතල හුරු වෙලාද කොහේද.... නෝමල් ජර්සි ඇදලා බාටා දාගෙන කඩියෝ වගේ වැඩ..... පහේ කොලයක් දීලා බඩ ඉරිඟු කරල් තුනකුයි, ලුනු මිරිස් මැදට දාපු දුම් දාන උලුදු වඩ පාර්සලේකුයි ඉගුරු දාපු ප්ලේන්ටි තුනකුයි අරගත්ත මං අතින් කටින් එල්ලගෙන කා එක ලගට එනකොට බර කථාවක හිටපු දේශුයි පන්සිළු යි එක සැරේටම කථාව නැවැත්තුවා මං දැක්කා.....
YOU ARE READING
🖤පහන්සිළු 🖤 ( 𝑻𝒂𝒆𝑲𝒐𝒐𝒌 𝑵𝒐𝒏𝒇𝒊𝒄𝒕𝒊𝒐𝒏)
Non-Fiction"පහනක් ලස්සනම පහන් සිය ගානක් දැල්වෙන මලුවක දැල්වෙනකොට නෙවෙයි පන්සිළු, එක හුදෙකලා අදුරු මලුවක දැල්වෙනකොට.." -අශ්වින්- 24/05/30 RAYA
