" حرّم الله كفّك الحسّاس,عن رمضى يديني "

- بارت 1 -

"٧:٣٠ ص ، يوم الخميس "
صحت مفجوعه نفس كل مره تحسب انها تاخرت على الجامعة ، قامت تغسل و تلبس عشان ما تتاخر
الام فاطمة: تعالي افطري يا بنتي عشان ما تدوخين وانتِ تسوقين
نجد: لا ما يمدي متأخره بكلم ريلام اقول لها تجيب لي قهوه معها لانها بالجامعه ، قبلة راس امها و ذهبت ل الجامعه بالطريق اتصلت على ريلام
نجد: ريلاموووه وصلتي الجامعه؟
ريلام: بالاول قولي السلام عليكم ولا صباح الخير مو كذاا ، اي بالجامعه شبغيتي
نجد: صباح الخير ي حلوتي ، اسمعي انا متاخرة وما افطرت يمدي تجيبين لي قهوة و كورسون ؟
ريلام: بشرط.. نجد : اف يا كثر شروطك وش الشرط ، ريلام بضحكة : تجين اليوم للمزرعة
نجد بزعل: لااا وش هالشرط عندي ميد يوم الاثنين
ريلام : تعالي و ذاكري في المزرعة لا تصعبين الامور ، نجد باستسلام: تمام بس جيبي لي الفطور
ريلام : اكيد طبعاً كم عندي نجد انا  ، نجد: بعد ايش حبيبي طلعتي عيوني عشان قهوه انقلعي بس
ريلام ضحكت لان نجحت خطتها.

-بمكان اخر على طاولت الافطار -
خالد : آسيا عبدالله بيدخل ٣٠ وللحين ما تزوج متى ناوي اذا صك الاربعين ؟
آسيا: يا ابو عبدالله ما ابي اضغط عليه، بس ما عليك بحاول فيه و اليوم بالمزرعه بشوف له
دخل فيصل يقبل راس ابوه و جلس يفطر معهم
خالد : هاه يا فيصل كيف الدوام
فيصل : الحمدلله ماشيه الامور  ، خالد: تجي معنا للمزرعة اليوم؟.  ، فيصل: لا عندي قضيه لازم اشتغل عليها
خالد : بالتوفيق يا ابوي

-عند حلال الجد عبدالرحمن-
الجد: يا موسى وين الغالية  ، موسى : تعبانه يا عم داخل و يمكن تحتاج دكتور
الجد بعصبيه : وليش ما تكلمت من اول ما تعبت هذي اغلى وحده منهم ما ابيها تموت
حسن بصدمه: يبه شفيك تصارخ على الضعيف ، الجد: الغالية مريضة وهو توه يقول لي جيب دختور لها
حسن بضحكه: يبه اسمه دكتور وابشرر بجيب
موسى : يا عم ترا الغالية حامل و ممكن هذا الي تعبها ، الجد : الله يهديك يا موسى بس ، حسن كلمت حسين خله يجي للمزرعه اليوم و يجيب عياله معه ما يصلح يسوي كذا هذا قضاء وقدر
حسن : بحاول فيه يا ابوي بس الله يرحم حاله الي جاه مو شوي
راح حسن يتصل على حسين ، حسن : سلام عليكم يا اخوي شخبارك وشخبار الاهل
حسين : نحمد الله و نشكره وانت شحالك ، حسن : باحسن الاحوال ، اسمع يا اخوي تجي للمزرعه اليوم بنجتمع مع عيال عمي عبدالله تعالوا غيرو جو .
حسين : بشوف الاهل يا اخوي
راح حسن عند ابوه يعلمه ان حسين ممكن يجي

-بيت هيفاء-
عند تيام كان فاتح بث و اندق الباب قفل الكاميرا و الصوت وراح يفتح
هيفاء : تيام يا ابوي للحين مانمت ترا هالسهر و الجلوس قدام الشاشة بيتعبك
تيام قبل راسها : ابشري الحين اقفل البث بس كنت واعد المتابعين ف بث وما يصير خاطرك الا طيب الحين اقفله.  راح تيام يودع الي بالبث و قفله وراح عند امه يفطر معها و بعد ما خلص : يمه تبين أوصلك للمستشفى ؟ هيفاء : لا اليوم ماخذه اجازه . تيام بخوف : افا فيك شيء و ما علمتيني؟
هيفاء بضحك : لا يا ابوي بس اليوم بنروح للمزرعه و ما راح يمديني لو داومت
دخل عليهم ثامر : صباح الخير يا اطلق ام بالدنيا ، غريبه وش مجلس ذا للحين ولا توه مخلص بث؟
تيام: لا جالس بطلعك ل دوامك و اروح انام. ، ثامر سفهه و كلم امه : شفيه يا حلوة اللبن ما رحتي ل الدوام ولا الثور ذا عيا يوديك  .  هيفاء بضحكه: الثور قالي اوديك بس انا ماخذه اجازه وقبل ما تخاف أخذتها لاننا بنروح المزرعه تروحون معنا؟
ثامر : ابشري ما طلبتي شيء يالغاليه ، تيام : لا والله بنام يمكن اجي بكرا واجل دامك ما راح تداومين تصبحون على خير بروح انام. هيفاء و ثامر بنفس اللحظة : نوم العافية
ثامر : يمه ما تحسين ان تيام طولت جلسته قدام هالشاشه والله اخاف يجيه شيء وامس ما قدرت انا من صراخه بس خفت اقول له ويصير نفس اخر مره
"فلاش باك"
دخل ثامر على تيام ، ثامر: ولد قصر صوت تحسبنا كلنا فاضين نفسك ورانا دوامات
تيام قفل الشاشه و الصوت ولف على ثامر : ليش ما طقيت الباب كنت فاتح بث ،
ثامر بعصبيه : بكرا لازم اسلم المشروع وانت جالس تصارخ هنا ما قدرت انام منك
تيام :خلاص ابشر اقفل البث الحين
في الليل
تيام : يمه قررت اطلع من البيت  ، هيفاء بصدمة: ليش وش صاير؟
تيام : صرت ازعجكم ف بثوثي ولقي شقه سعرها كويس و مكانها بعد
ثامر: لا ياخوي ما كان قصدي بس اليوم كان عندي مشروع مهم عشان كذا رفعت صوتي عليك
قام ثامر يحضن تيام ، تيام : خلاص دامه كذا ما راح اشتري بس وش اسوي تحمست مع اللعبه و صرخت .