" حرّم الله كفّك الحسّاس,عن رمضى يديني "

- بارت 19 -

-بعد يومين-
اتصل ثامر على نيّار وخبره بأنه بيجيهم اليوم مع ابوه توجه نيّار لـ المطبخ لقى لمياء : يمه ثامر بيجي اليوم مع ابوه جهزوا القهوه الله يطول لي عمرك.
هزت راسه بالموافقه و طلع من عندها يتجهز بعد ما بلغ ابوه و اخوانه وهو عارف سبب الزياره ، مر غرفة ريلام : ريلاموه.
كانت حاطه السماعات و ترسم بأندماج مشى بخفه وارعبها صرخت بفزع : نيّار يا حيوان.
تعالت ضحكاته و سحب السماعات من راسها : من اليوم اناديك.
قلبت عيونها بانزعاج : ما تشوف اني مشغوله!
رفع كتوفه بتهكم : مو مشكلتي.
اخذت الفرشه و رمتها عليه :انقلع برا غرفتي.
هرب و نطق وهو متوجه لـ غرفته : ترا جاي يخطبك.
عقدت حواجبها مين ؟ بلعت ريقها بخوف ، بعد اذان المغرب وصلوا ثامر و ابوه و كان بأستقبالهم حسن و عياله :يالله حيهم ارحبوا.
نطقوا : البقى.
و بعد السلام و القهوه نطق حمد : اي والله اليوم زيارتنا غير نبي القرب منكم نبي كريمتكم لـ ولدنا ثامر.
ابتسم حسن برحابة صدر : والله ما حنا لاقين ازين من ثامر يصون بنتنا بس انت عارف لازم ناخذ راي البنت.
زفر ثامر بأرتياح لانه واثق بانها تحبه و واضح من حركاتها و طول الجلسه الابتسامه ما فارقته من طاريها عصفت بداخله ولعبت بـ اوتار قلبه وهي للان ما صارت حليلته و ينتظر هالشيء بفارغ الصبر لف على نيّار من نطق : بشويش وش هالبسمه.
تعالت ضحكاته ما يقدر يخفي بسمته الي كانت هي سببها : يا اخوي شفقان لـ شوفتها.
وسع عيونه نيّار : ولد مب قدامي تراني اغار وبعدين للحين ما صارت زوجتك يمكن ترفض.
عقد حواجبه من هالطاري ونطق: من غير شر.
وبعد ما انتهوا طلعوا لف سامي على ابوه : والله ما ياخذها.
انصدم حسن وكذالك نيّار ومهل : سامي شفيك؟
سامي بغضب ما قدر يسيطر عليه : انا عارف نيته يبي ياخذها يقهرني فيها بس.
نيّار بضحكه صدمه :شدعوه سامي ترا ثامر ولد عمتك!
لف علي نيّار والشرار يتطاير من عيونه : انا سامعه وهو يقول والله لا اقهرك اكذب اذاني؟ و بيرد الي سويته بأخته فيها انا ما اقدر اشوف اختي مكسوره !
نطق مهل بحزم : اذا هذي نيته ماله نصيب عندنا.
نيّار كان مشتت ما بين اخوه و صديق عمره : ما اتوقع ثامر نجس لـ هالدرجه.
نطق سامي : يوم طلقت اخته قال لي بالحرف الواحد والله لا اقهرك بـ اغلى ما تملك وانا عارف زوجتي مو لامسها ما فيه الا ريلام
-فلاش باك-
قال الجد للكل بأن ملكة سامي و ريان تكنسلت و قررو الانفصال اتفاق منهم ، اشتط غضباً ثامر و توجهه لـ سامي سحبه من ياقته ونطق بصراخ : اختي مو لعبه بيدينك! منتب رجال الي تلعب بين الحريم.
ابعدوه عن سامي ونطق سامي : رح اسأل اختك وش هي مسويه.
طلع سامي لـ سيارته وقبل ما يوصل لحقه ثامر بدون ما احد ينتبه دفه على السياره بكل قوه تأوه سامي بألم : ثامر وش تحس فيه ؟
اقترب منه ونطق بكره : والله لا اقهرك بـ اغلى ما تملك.
بلع ريقه سامي : وش تقصد.
ابتعد عنه ونطق : مع الايام بتعرف.
عقد حواجبه ما قدر يفهم ثامر هو وش سوى ليش مو مصدقه كلهم يدرون بحُب سامي لـ هاجر و مستحيل يخونها ليش ثامر مو راضي؟
-الواقع-
نطق نيّار : يبه اذا الوضع كذا ما نبي نعطيه اختي.
حسن بهّم : الله يعين ما توقعتها من ثامر.
كان كل هذا تحت مسامعها و كل ضعف العالم صار فيها مصدومه كان يبين حُبه لها طلع كل هذا كذب ونيته انتقام ! ليش هي وش سوت له وش ذنبها ، ذنبها انها اخت سامي ! كانت تتوقع هالشي من الكل الا ثامر ما قدرت تمسك دموعها اكثر توجهت لـ غرفتها بخيبه تبكي وتندب على حظها ، ما كانت تدري ان الخذلان قاسي لـ هذي الدرجه صارت تحس بالشفقه على نفسها.