" حرّم الله كفّك الحسّاس,عن رمضى يديني "

- بارت 17 -

-يوم جديد-
صحت و بدلت و صلت الي فاتها و طلعت عندهم شافتهم يتقهوون نطقت الجده مزنه: نجوده تعالي جنبي.
ابتسمت و تقدمت لـ جدتها تجلس بجانبها نطقت الجده:صبوا لها قهوه يالله بسرعه.
تعالت ضحكاتهم و صبوا لـ نجد قهوه لفت الجده حصه : وجيبوا لها من هالحلى.
كانت بين الجدات و متحفين فيها ، اخذت الجده حصه حبه من الحلى و حطتها بـ فم نجد : كولي.
ضحكت و اكلتها ، قامت ريلام بغيره وجلست بجنب جدتها : يمه وانا وكليني بيدك!
ضحكت الجده حصه عليها واخذ حبه و حطتها بـ فمها : خوذي لا تبكين.
ناظرت نجد ورفعت حواجبها تعاندها ضحكت نجد عليها و على خبالها.
بعد مرور وقت و بعد اذان المغرب اجتمعوا الرجال لـ يصلون جماعه ، كان يتوضى لان توه صاحي و مو منتبه للي وراه جايبه القهوه غسل رجلينه و لف متجهه عند الرجال لـ يلحق على الركعه الاولى فز بخوف و زلق بالارض شهقت بخوف و حطت الجلال على راسها : فيك شيء انادي احد؟
كان اسفل ظهره يألمه هز راسه بالنفي : لا اطلعي لحد يشوفك بسرعه.
حطت القهوه و طلعت من المجلس بسرعه ، وهو ما قدر يقوم من الالم بس تحامل و قام وقف معهم و كبر وبدا يصلي.
بعد انتهاء الصلاة اقترب لافي من جده و نطق : يبه عادي املك اليوم؟
عقد الجد حواجبه بعدين ابتسم : وافقت؟
هز راسه بالايجاب نطق الجد : خلاص اكلم ابوها يجي الحين و نعقد لكم.
قبّل راس جده و راح يكلم ابوه : هلا يبه تجي اليوم؟
نطق ابوه بأنه بيجي و ارتاح لافي و انتشر الخبر و اتجه لـ الداخل يلبس ثوبه و كلم امه تجهز له البخور ، ارسلت له امه يجي بعدما جهزت البخور و كانت محاجرها مليئة بالدموع : واخيراً بشوفك معرس.
ضحك و حضنها : يا بعد قلبي.
مسحت دموعها وبدت تبخره دخلت لجين : لافييي.
حضنته ونطقت : العروس داخل شوي و يغمى عليها من الحياء.
خاف يوم قالت يغمى عليها بعدين تعالت ضحكاته من خجلها : اقدر اشوفها اليوم صح ؟
نطقت هنادي:لا اذا ما تبي لا مو غصب.
وسع عيونه و تقدم لـ امه : لا تكفين وش الي اذا ما تبي مو غصب والله لا اخذها و اطلع.
تعالت ضحكات هنادي بصدمه :خلاص نحاول فيها تقابلك.
ارتاح و اتصل ابوه يعلمه انه على وشك الوصول قفل منه : ابوي قرب و انا متصل على الشيخ بروح اشوف جهزوا القهوه ولا توهم
تعالت ضحكات لجين : متحمس اول مره اشوفك كذا.
قبّل وجنتها و طلع من عندهم يشيك على الاوضاع ، وصلوا مساعد و حمد و بعدهم وبمده وصل الشيخ وبدا عقد القِران وانتهى بتوقيع ريمان ، قام لافي مع تيام ليقابل ريمان نطق لافي : خلاص انا ادل الطريق ارجع.
تعالت ضحكات تيام: لا تذكر يوم انك بتنشب لي؟ انا بدخل معك دقيقتين و اطلع اختي خجوله.
دفه لافي وتقدم قبله سحب تيام عضده : ترا بحرمك منها.
ضحك لافي : ولد و ترا بحرمك من اختي.
تعالت ضحكاتهم وكانت بالداخل متوتره و ودها تهرب انفتح الباب نزلت انظارها دخل تيام قبّل جبينها ونطق : إذا ضايقك علميني بجلده لك.
ابتسمت و سحبه لافي : يالله يا حبيبي انتهى دورك.
ضحك و طلع ، تقدم منها و قبّل جبينها : مبروك.
نطقت بهمس : يبارك فيك.
جلسوا و كان يتأمل طلتها اللطيفه لا ارادي نطق: حلوه.
رفعت عيونها و احمرت وجنتيها بخجل شديد ، ابتسم و مسح على وجنتها.