" حرّم الله كفّك الحسّاس,عن رمضى يديني "

- بارت 11 -

طلعت سيارة سعد و كانوا البنات بقمة السعاده مشغلين اغاني تعالت ضحكاتهم من رقص سعد و صارو يصورونه انتبه لهم : هيه يا فضيحه انتِ وياها لا ترسلون يشوفونها شيباننا و يفضحوني بين العرب.
وصلوا للمطعم و نزلوا كان جالس بالسياره انتبهت له رَوح : سعد انزل افطر
حك راسه : لا ما ابي بروح اخذ لي شيء من البوفيه.
روح بأصرار : لا والله انزل وافطر عازمينك ترا البنات بيزعلون عليك اذا ما نزلت.
نزل معهم و جلس بطاوله لحاله و طلبوا و بعد ما جاء فطورهم و خلصوا طلعوا و توجهو للمزرعه دخلوا بكل هدوء ما يبون احد يحس ، دخلوا البنات بهدوء لفت عليهم جود : بنات اذا احد سأل ليش ما نمتوا بدري قولوا كنا نلعب
ضحكت ريمان : اخاف يسألوني وانا نايمه والله بقول الصدق
ضربتها ريان : ياويلك بتفصحينا
تعالت ضحكات ريلام وسكرت فمها نجد ونطقت بهمس : اشششش يا حماره
صارو هادين و دخلو ينامون بعد يوم متعب.

-المركز-
بدو يحققون مع المعتقل لكن لا جدوى رافض انه يعرف باللي معه ، عند علي طلع بعصبيه من غرفة التحقيق وتوجه لـ غرفته سحب جواله لقى رسايل من وسن وكان محتوى هالرسائل خوف عليه رد علي ' انا بخير بس كان عندي تحقيق ' و لاحظ رساله من رقم مجهول محتواها ' انا كابوسك ' قبضه قلبه وش ممكن يسوي هالشخص بلع ريقه و توجه للمزرعه.

-يوم جديد -
صحوا كان يوم عادي جداً توجهه تيام لـ جده :يبه تعال معي عند خالتي هنادي
الجد بأستنكار : ليه صاير شيء؟
هز راسه بالرفض: لا تعال
قام الجد معه للجهه الثانيه هنادي كانت مستنكره وجود تيام : يبه وش صاير.
رفع اكتافه الجد بعدم معرفه و نطق تيام :يا خاله ابي القرب منكم.
ابتسمت هنادي بحب :والله ماحنى لاقين ازين منك بس لازم نسأل البنت وابشر بالرد.
تيام بعدم انتظار:اسأليها الحين.
عرفت انه مستعجل تعالت ضحكاتها هي و الجد نطق الجد: روحي اسأليها واضح ولدنا ما عنده وقت.
اتجهت للداخل عند لجين رفعت راسها لجين حست بالموضوع من إبتسامة امها نطقت هنادي:لجين ماما جاء معرس و مستعجل.
انصتت لـ امها بأهتمام اكملت هنادي : تيام يبيك على سنة الله و رسوله
كانت بتصرخ من الوناسه ما توقعت انه صادق بكلامه نزلت انظارها للارض بخجل تعالت ضحكات هنادي : موافقه؟
ما قدرت تمسك نفسها اكثر و تعالت ضحكاتها مع امها حضنتها هنادي بفرح : بروح اقوله
جلست وكانت بقمة التوتر ما تدري كيف اجتمعوا كانت تحبه من طرف واحد بس ما توقعت انه بـ يبادلها المشاعر بيوم دخلت لمى عليها بعدما انتشر الموضوع بينهم : لجيييين طلع يحبكك
تعالت ضحكات لجين و فجأة نزلت دموعها خافت لمى و مسكت اكتافها : شفييك؟
ضحكت بين دموعها : دموع فرح

بالجهه الثاني تقدمت هنادي تمثل الحزن انقبض قلب تيام : سامحني يا ولدي
انكمشت ملامحه و استحلها الضيق ضحكت هنادي : وافقت وافقت
صراخ من الوناسه و حضن جده تعالت ضحكاتهم من فرحه و باركوا له بس صدمهم من نطق : الشيخ بيجي العشاء
هنادي بصدمه : شلون؟
ضحك بورطه ورجع شعره على وراء : انا كلمت الشيخ قلت له يجي العشاء.
ضحك الجد من استعجاله :كانك اخوي عبدالله قرر يخطب و يكتب كتابه بيوم