" حرّم الله كفّك الحسّاس,عن رمضى يديني "

- بارت 12 -

انتبهت لها لبنى وبغت تطيح صرخت نوره ، كان عمر يكلم برا انتبه لـ صراخ نوره و اسم لبنى تردد بباله لف لـ مكان الصوت ولفت انتباهه شيء فوق رفع راسه وانصدم قرر يصعد من ورا و بهدوء و كانت لبنى ملتزمه الصمت و تتمشى على طرف السطح فجأة احد سحبها من وراء صرخت و صرخت نوره و مسكت قلبها بخوف وجلست بالارض سمعت طرقات باب مستمره اتجهت للباب بدون ما تفتحه : مين؟
نطق بخوف : نوره شفيك يا ابوي؟
ابتسمت بحب و نطقت برجفه : ما فيني شيء.
نطق بتردد: اكيد؟
نزلت انظارها : اي.
سمعته يقول الحمدلله و ابتسمت نطق: اخبارك.
ردت بصوت خافت : بخير ، عبدالله لازم اروح ما يصلح اوقف اسولف كذا كأني مجنونه.
تعالت ضحكاته : لا والله محشومه ، يالله اجل فمان الله.

-السطح-
بعد ما سحبها طاحت عليه كانت فوقه قامت و كانت ملتزمه الصمت عمر بخوف عليها : ليهه ؟ مو قلت لك اذا فيك شيء كلميني؟
ابتسمت من خوفه عليها و نطق بعصبيه : تبتسمين على ايش.
عقدت حواجبها و نطقت : شتبي جاي انت؟
قامت بتبعد عنه و جذبها له طاحت بحضنه و لفت عليه بصدمه كانت تحس بأنفاسه على وجهها نطقت بهمس : ما صار عندي رغبة في وصف الي داخلي لأحد.
صار يتأملها و نطق بهدوء : انا معك حتى لو ظروفك تتعبك بتعب معك ، بس لا تلجئين للانتحار لانه مو حل وانتِ قويه و تقدرين توقفين بوجه مشاكلك.
ابتسمت له و بـ هاللحظه استوعب مكانها وقامت من عنده بخوف ونطقت بهدوء : اسفه ، بس ترا ما كنت بنتحر بس لازم اجلس لوحدي احياناً.
ارتاح بشكل كبير و زفر :الحمدلله ، و مثل ما قلت لك اي شيء بخاطرك علميني اياه.
قام وصار امامها بالضبط تأمل عيونها و نطق : يمكن ما ودك تفضفضين بدون حضن.
وسعة عيونها تعالت ضحكاته و نطق : لا تفهميني غلط اقصد اخطبك فتره و متى ما ارتحتي و طلعتي الي بخاطرك ننفصل وتعيشين حياتك مثل ما ودك.
نزلت عيونها نطق : موافقه؟
رفعت اكتافها بعدم معرفه : تمام.
ابتعد عنها متجهه للاسف : انزلي لا تجلسين فوق.
ضحكت و لحقته للاسفل راح لـ جهة الرجال بعد ما تأكد انها دخلت.
دخل وراح عند ابوه جلس بجانبه : يبه
لف محمد : شعندك؟
تنحنح : بخطب
ابتسم محمد بسخريه : تخطب؟
هز راسه بالموافقه ونطق محمد: فيه احد ببالك ولا امك تدور لك؟
نطق : اي ابي بنت عمي حسين لبنى
رفع حواجبه بأعجاب : زين ما اخترت تبيني الحين اكلمه؟
هز راسه ولف محمد تنحنح لـ يلتفت له الجميع نطق بصوت جهوري : حسين.
لف حسين بأستغراب وخاف من نظرات عمر الي كلها ترقب : سم ؟
نطق محمد : نبي القرب منكم نبي بنتكم لبنى لـ ولدي عمر.
ابتسم براحه و نطق : والله ودي اعطيكم بس فيه بنتي نوره اكبر.
رفع حاجبيه بصدمه هو يبي لبنى ، وبالجهه الاخر كان مصدوم نطق بسرعه : لا يا عم نوره انا ابيها وناوي اخطبها.
تعالت ضحكات حسين بفرحه و شاركه الجد عبدالرحمن نطق الجد : الله يبارك لكم يا عيالي
ابتسم عبدالله براحه و كذالك عمر لف عليهم حسين : ابشروا كلكم اكلمهم و ارد لكم خبر.
قاموا يقبّلون راسه احترام.