" حرّم الله كفّك الحسّاس,عن رمضى يديني "

- بارت 9 -

كانت نجود تحس بتعب توجهت لها جود : نوني شفيك؟
ناظرتها : احس بأرهاق لي كم يوم.
وفجأة حست بغثيان و اتجهت لـ دورة المياه لحقتها جود ، وانتبهت لهم فاطمه و راحت تطق الباب : نجود شفيك؟
بعد لحظات طلعت نجود بتعب ناظرت فاطمه شحوب وجه بنتها : نجود عندك تحليل حمل؟
خافت نجود و نطقت برجفه : لا ، ماما تكفين لا تقولين هذا حمل.
نطقت فاطمه بعبوس : يمكن ما ندري ، نروح للمستشفى تكشفين ازين.
دعت بداخلها انها ما تكون حامل ولا يربطها شيء فـ راجح.
توجهت جود للمطبخ تجيب مويه لـ نجود دخلت وما انتبهت صقعت هُذام وناظرت كفوفه وصرخت قرب لها راس الخروف بخبث ابعدت عنه و نطقت بصراخ : يا حيووان لا توسخ فستاني !
تعالت ضحكات هُذام و نطق : من زين فستانك و وجهك ذا الي ملطخه فيه خرابيط و للحين شكلك خايس و شعرك شوشه.
رغم انه اغرم بشكلها لكن لابد من مناقرتهم يحب يشوفها معصبه ، عبست وجهها وطلعت من عنده خاف انها زعلت عليه حط الراس فوق الطاوله و طلع بس كل تفكيره فيها زعلت ولا لا.

بعد ما اكلوا و خلصوا قررو ينامون و اهلاً بغيبوبة العيد ، صحوا العصر و كان عندهم اول عزيمه من عزايم العيد جو اقاربهم و اجتمعوا كلهم وكل وحده من البنات تقول الزود عندي كانوا جميلات يلفتون الانتباه.
تقدمت وحده كبيره بالعمر لـ نجد : انتِ بنت مين؟
انصدمت نجد و نطقت بفهاوه : بنت ابوي
ضحكت عليها : ونعم ، مين ابوك؟
استوعبت فهاوتها و نطقت بفشله : محمد آل رشيد.
ابتسم لها : اي وحده من بناته انتِ؟
ابتسمت نجد : نجد.
ابتعدت عنها المرأه و حطتها فـ بالها لكن نجد ما فهمت شيء قربت من عندها ريلام : وش تبي؟
نطقت بعدم معرفه : مدري تسألني انا بنت مين.
ضحكت ريلام بشماته : بتخطبك.
ناظرتها و ابعدت عنها صارت تكره طاري الزواج و الرجال والحب ، لقت قطوتها تركض لحقتها بتمسكها لكن طلعت القطوه من الباب للخارج لحقتها : كيارا تعالي هنا.
ما انتبهت كانت عيونها على القطوه و فجأة انسحبت خلف الجدار كانت بتصرخ بس سكر فمها : اشش قصري حسك ، وش جايبك هنا ما تستحين انتِ؟
توها تستوعب انها جت قسم الرجال ناظرته بعيون بريئه نطق : ولا ما لقيتي احد يضفك و جيتي هنا تدورين لك احد؟
انصدمت كيف كذا يتهمها بدت تضرب صدره بحركات متتاليه حاول يمسك كفوفها بس كانت حركتها سريعه و تجمعت الدموع بمحاجر عيونها لفها و حضنها من ورا : اهجدي
نطقت بنبره مخنوقه : نيّار فكني بعد عني
ابتعد عنها و اتجهت للداخل ركض وكانت تبكي كيف كذا يشك فيها و ليه ما كان كذا فجأة تغير عليها !
نيّار ندم على كلامه بس بنظره تستاهل ،حتى ما حاول يفهم الموضوع من عندها خلاص حلل انها قليلة ادب وراعية عيال. 
راح عند الرجال وسحبه ثامر نطق نيّار : ولد شفيك ؟
ثامر بطفش : ياخي والله سوالفهم تطفش امش نجلس هنا و شوي نرجع داخل.
تنهد نيّار بهم ولا ارادي نطق :
...
‎همومي بحر وابحرت وغرقت بغبة آحزاني
أثر بَر الأمان الي رجيته ماهو برك

‎حبيبي ماهقيت انك حبيب لواحدٍ ثاني
وانا الي مستعد آضر روحي قبل ما ضرك
...
لف ثامر وهو ملاحظ شرود نيّار الفتره الاخيره : صح لسانك.
لف عليه وابتسم : صح بدنك 
دخلوا عند الرجال بعد ما حطو العشاء.