" حرّم الله كفّك الحسّاس,عن رمضى يديني "

- بارت 5 -

-المزرعه -
عند الرجال سأل الجد لؤي : لؤي وين لافي اخوك
لؤي بصوت عالي عشان يسمعه جده: يا يبه عنده مباراة اليوم يمكن يجي بعد المباراة.
دخل عليهم علي و الابتسامه شاقه وجهه : السلام عليكم
رحبوا فيه كلهم الجد : يا هلا بـ ابو فهد
توجه للجد وسلم عليه بحراره بحسبة جده عبدالله : ارحب يا جدي شالخبار ؟
الجد ببتسامه : بخير يا ابوي شخبارك وشخبار عيالك ؟
ضحك علي صار ينسأل عن عياله : بخير بأحسن حال
الجد : يالله لك الحمد
صارو يسولفون وصل راجح مع نجود دخل راجح عليهم : السلام عليكم
ردو عليه و قامو يسلمون وصل عند فيصل وجلس بجنبه ، فيصل ماكان متطمن من زواجه على نجود ابداً يحس فيه شيء بس مع الايام بـ تبان الحقائق .

داخل عند البنات دخلت عليهم نجود وصرخوا و قامو يسلمون عليها ويحضنوها زينه بكره : الله وكبر تراكم امس شفتوها
لمياء بهدوء : خليهم مستانسين شفيك حاسدتهم على هالفرحه البسيطه!
زينه حبت تكبر الموضوع : وش قصدك يعني انا حسود ؟ كلكم تسيؤون لي بس انا اسكت ولا اتكلم لان اذا تكلمت كلكم تقلبون علي
فاطمه تحاول تهدي الموضوع : اذكري الله يا زينه ما قالت شيء لمياء ليش تكبرين الموضوع
زينه بكره لـ فاطمه : انتِ مالك دخل انتبهي لعيالك وبس
انصدمت فاطمه من اسلوبها و قامت زينه من الجلسه و اتجهت لـ جناحها و جالسه تفكر كيف تخرب علاقتهم ببعض .

بعد مرور وقت طويل و بعد العشاء فاز فريق لافي وكان هو نجم المباراة رجع بعد المباراة لـ المزرعه كلهم مجتمعين و ينتظرونه عشان يحتفلون بـ فوزه دخل سيارته بالباركنق و دخل فز من صراخهم ' مبروووووك يا وحش ' ضحك بصدمه و بدا يسلم عليهم اتصل جواله و طلع يكلم كان مندمج بالمكالمه و مو منتبه للي تراقبه صار يناظر بشكل عشوائي لين ما طاحت نظراته عليها ، فز قلبه عرفها و لا ارادي مشى ب اتجاهها خافت هي بس ما يمديها تهرب حطت الطرحه على راسها و نزلت عيونها قرب من عندها و بغيره : وش تسوين هنا لا يطلع احد و يشوفك.
توترت ما تدري وش تسوي : ط. طيب بعد شوي بروح. 
رجع خطوه بعدين تقدم مره ثانيه : ممكن اعرف ليش جايه هنا ، عشاني ؟
حست انها انفضحت : لا لا شدعوه جيت كنت بكلم ثامر
حس انه بيضحك و بخبث : بروح اناديه لك
لف بيروح مسكته خافت لانها بتنفضح كذا : لا خلاص بروح .
ضحك عليها و جلس يتأملها بدون وعي : عادي تقدرين تقولين جايه تشوفيني.
حاولت تنكر بشتى الطرق بس ما تقدر التزمت الصمت ، كسر الصمت بعد ما طلع سوارتها من جيبه ومدها لها فرحت انه لقاها بس سحب يده ورجع السواره بجيبه : قبل ابيك تعلميني حروف مين ذولي ؟
انصدمت من حركته : حرفي و حرف صاحبتي ليه ؟
زفر براحه وطلعها من جيبه : بس كذا ، خوذيها بس ترا اذا نسيتي شيء ثاني معي ما راح ارجعه .
صدت عنه وابتعدت عن المكان و عيونه تتبع خطواتها ، بعد ما اختفت دخل عند الرجال.

اجتمعوا البنات بعد ما راحت نجود و ناموا الكبار عشان يتابعون فيلم قررو يكون رعب ، بعضهم قاموا يجهزون الشبسات و المشروبات و بعضهم يجهزون الجلسه خلصوا و فتحوا الفيلم و كان الوضع عادي بعد ساعه من الاندماج سمعوا صوت شيء انكسر صرخوا كلهم وقامت لمى تشوف وش فيه اتجهت للمطبخ ما لقت شيء رجعت لهم و وجها لونه مخطوف :  بنات ما فيه شيء منكسر ، يمكن الصوت من الفيلم
رجعوا فتحوا الفيلم و نجد لصقت بـ ريلام و ريلام مسكتها طقطقه لانها خوافه بعد كم دقيقه سمعوا صوت المويه مفتوح سكروا الفيلم و تأكدو انه من عندهم قامت لمى و اخذت لجين معها راحوا للمطبخ و الحمام ما لقوا شيء مفتوح رجعوا عند البنات نجد بهدوء : ما لقيتوا شيء صح ؟
ريلام ناظرتها : شفيك خايفه ما فيه شيء يمكن احد صحى و فتح المويه ورجع ينام عادي !
رجعوا يكملون الفيلم اول ما شغلوه سمعوا طرق الدريشه الي وراهم هنا صرخوا ولصقوا بـ بعض و اتجهت ريلام ل الدريشه تشوف مين طلع سعد و هرب بسرعه لفت عليهم : طلع سعد شفتوا مو جني !
اتصلت حور عليه : الو سعيدان تعال بسرعه دام النفس طيبه عليك.
جاء  سعد وطلعت له ضربته و مسكت اذنه : خير وش ذا الحركات ؟
حاول يفلت منها بس ما قدر : والله هم قالوا لي العيال وش اسوي فيهم يعني !
اتصلت على عبدالله تشوف وش السالفه : تحدو سعد يخوفهم اذا خوفهم يفوز بالتحدي حقهم ، انا مالي دخل بس مشتاق لك شرايك تجين عندي!
احمرت وجنتيها وانتبه لها سعد اخذ الجوال منها : هيه انت وش قايل لاختي قلبت طماطه
تعالت ضحكات عبدالله واخذت الجوال من سعد طلعته برا : ترا يكذب لا تصدقه العبيط
لا زال يضحك: طيب تعالي عندي
سكرت منه وراحت تتعطر لتقابله اقبلة عليها و ابتسم من زولها جلسوا مع بعض لين شروق الشمس كانت من امتع اوقاته اذا جلست معه لين الشروق