يا شبيهت البدر في ناظريني لا وظني بعد مالك شبيه

ألبارت التاسع

مشاري...يبه بما انك فتحت الموضوع ابي اكلمك فتره بس ما صح لي
الجد…وش موضوعك تكلم
مشاري…الموضوع يخص ابني ليث ابي اطلب ايد الهنوف من سعود على سنه الله ورسوله
كل الموجودين ما استوعبوا اللي انبسط منهم واللي كان مصدوم
الجد…والله الساعه المباركه لاكن هاي البنت وابوها قدامك رايهم اهم من رأيي
سعود…لا بالله محشوم يبه كل الرأي الك وليث مافي منه وين بنلاقي للهنوف احد مثله بس رأيها هي مهم كمان.
اما عند الهنوف اللي مصدومه كيف بتستوعب الحين ما توقعت واحد بالميه انه يصير اللي تحلم فيه من طفولتها الحين يصير بعد ما نسيته او قاعده تتناساه اخرجوها كيف كلهم قاعدين يناظروها بهاللحظه تتمنى انها تكون جدار ولا تكون قاعده قدامهم تكلم ابوها بعد ما حس انها تحت الضغط كيف الكل ينتظر اجابتها الحين…مو مستعجلين يبه تتكلمي الحين فكري واستخيري وبعدين هاتي رأيك
وتكلم عمها مشاري…وتذكري يا بنتي انه ما احد بيجبرك ولا احد بيضغط عليك خذي راحتك يابوك .
ما تدري هي كيف طلع صوتها وقالت وتكلمت.
الهنوف…إن شاء الله، وقامت من مكانها تسحب ليلى ورفيف اللي مصدومات مثلها بالزبط لاكن الاختلاف انهم مبسوطين وهي لا، ما تبيه تحبه وما يحبها ليه توافق عليه ياما تمنت يكون حبيبها زوجها علن قدام الناس تبي تفرج عن قلبها اللي حابسه عشقه فيه من سنين تبي كل الناس تدري انها تحبه لاكن بالنسبه لها بعد ايش طلع ما يحبها يحب غيرها هي سمعته سمعته بأذانها يكلم حبيبته ويقلبها انها حبه الاول كيف بتتزوجوا وهو وش بتكون رده فعله اللي بالنسبه لها متأكدة مليون بالميه انه مستحيل يوافق بما انه يحب وهي قرارها النهائي والاخير الرفض.
دخلت الغرفه تتنفس بسرعه…كيف كيف يقرروا مالهم حق اكيد ما بيزوجوني بكيفهم
رفيف…مين قلك انه غصب همه قالوا لك فكري استخيري محد جابرك من وين تجيبي الكلام انتي
الهنوف…لو انتي مكاني بتقولي لهم ما ابي بيكون لك عين حشروني بينهم كلهم يناظروني ما قدر ارفع عيني بعينهم
ليلى…يعني انتي ما تبي ليث
الهنوف…لا ما ابيه
ليلى بضيق…تقدري تقولي ما ابيه لاكن مالك الحق تقولي انهم قاعدين يحشروك ويجبروك
الهنوف…ما كنت قادره اقول شي واكيد ما بفشل عمي قدامكم كيف اقول لا ما ابيه كذا
ليلى…ليش ما تبيه ايش شفتي عليه او وين بتلاقي زيه اصلاً انتي هبله
الهنوف…ايه هبله انتي بتاخذي احد ما تبيه وعفتيه اكيد ل…..سكتت تستوعب ايش قالت
رفيف بتساؤل تحت صدمه ليلى مثلها…عفتيه
الهنوف…لا اقصد ما ابيه
ليلى…احنا مو صغار قدامك وسمعنا صح ايش تقصدي
الهنوف…ما اقصد شي شبيكم انتوا
ليلى بعصبيه…لكن ليش ما تبيه وليش بتفرضي وش شايفه عليه انتي عارفه من هو ليث ،وش عيبه ست هنوف !تكلمي قلل ادب معك كلمك بدون احترام طول عمره يحترمك ويحترم رفيف والمها وش شايفه عليه تكلمي
الهنوف بأنفعال…مو شايفه شي ايه ولا عمره قلل ادب معي واعرف انه يحترمنا كلنا لاكنه ما يحبني يحب غيري وانا زي الهبله مصدقه انه يحبني من سنين لاكن لا طلعت فاهمه غلط لاني غبيه غبيه ما افهم .
ليلى ورفيف مصدومات ومو مستوعبات ايش تتكلم
ليلى بأستغراب…يحب مين وتحبي مين مو فاهمين وش تخربطي انتي
رفيف…تحبيه؟؟؟
ناظروها الثنتين وتنهدت الهنوف تقعد على التخت وتبكي تقدمن منها جلست ليلى قدامها علأرض ورفيف جنبها
ليلى…تكلمي ليش تبكي تحبيه انتي فهميني بنجلط قسم بالله
رفيف…كلمينا قولي اي شي اذا تحبيه ليش ما تبيه
الهنوف…احبه لاكنه ما يحبني انا سمعته بأذني يكلمها ويقلها احبك وانها اول حب بحياته
ليلى…استني استني كيف سمعتيه ومتا ومين كان يكلم مو فاهمه ليث ما يعملها وانتوا عارفين اللي ما يرضاه علي ما يرضاه على بنات الناس
الهنوف…واحنا بالديره يوم رحت اجيب علبه الاسعافات لما نجرحت رفيف سمعته يومها…..
وقالت لهم كل اللي صار معها تحت صدمتهم
وقفت ليلى…من جدك انتي بس حكمتي عليه من مكالمه وحده افرضي يومها كان يكلمني او يكلم امي اي وحده فينها او يمكن صحابه اخوك صقر بس لجل كذا حكمتي عليه انه يكلم بنات هاذ وانتي تحبيه لو ما تحبيه ايش بتفكري بعد عنه.
الهنوف…ما ادري ما ادري من صدمتي حتا مها شكيت فيها ما ضل بي عقل لو انكم حبيتوا من قبل بس بتعرفوا شنوا شعوري.
رفيف…مشان كذا عاملتي مها بهذي الطريقه يومها
الهنوف…ايه لانه نفس ما كان يتكلم هي ترد ناظرتهم حتا المكالمه مع بعض نهوها وقالت انه ليث معبي عينها ما تبي صقر .
ليلى…انا اعرف من هو اخوي ولا تزعلي مني أبدًا ما اسمح لك انك تشكّي فيه ما يعملها متأكده او واثقه وخلاص ماله داعي تبكي تقدري تقولي ما ابيه او استخرت وما ارتحت ولا تكبري الموضوع اكثر من كذا سحبت حالها تطلع من الغرفه او وقفت تمسك الباب تلتفت لها
ليلى…تفكيرك ذا بعديه عن اخوي،، طلعت وسكرت الباب وراها
رجعت تبكي الهنوف بقهر فوق كل الضغط تزعل منها ليلى
رفيف…موقفك كله غلط يا حبيبتي حتا تفكيرك غلط اذا انتي تحبيه مثل ما تقولي لا تفكري فيه بالشين خذي وقتك وستخيري عطيه فرصه يمكن انتي فاهمه غلط مثل ما فهمتي مها غلط.
الديره الساعه٨:٤٨ المساء قاعدين ثنيان والمها ولورا بالقعده الخارجيه للبيت تتكون من مجلس بدوي جميل تكلم ثنيان…وش رايكم نروح للبر
لورا بفرحه…ايه بالله عليكم قوموا نخنقت من قعده البيت
لف ثنيان لمها…تروحي
مها…ايه ليش لا
ثنيان…اجل بروح اجيب الشاص جهزوا نفسكم واللي تبو تاخذوه معكم
لورا…ابشر
ثنيان…مها ابيك تجهزيلي ثوب والفروه البر برد الحين ودفي نفسك زين
مها…ان شاء الله
راح ثنيان يجيب الشاص حقه يقربه من البيت وطلعت مها تجهز له ثوبه والفروه طالت له ثوب اسود مع غتره حليبيه ولبست هي ودفت نفسها دخل ثنيان للجناح وشافها تمشط بشعرها اقترب منها ومسك من ايدها الفرشاه
ثنيان…ادري انه صاير معك شي قولي شبيك
مها…لا ما تدري لانه مو صاير شي
ثنيان مستمر يمشط بشعرها وهي جالسه علتسريحه
…لنا تقريبًا ثلاث ايام متزوجين بس لاكن اعرفك
افهمك بدون ما تتكلمي احس فيك يوم تكوني زعلانه متضايقه او فرحانه حتا وما ابيك تخبي عني شي ما ابي علاقتنا يكون فيها اسرار ابيك صفحه مفتوحه بحياتك واكثر شخص احبه واثق فيه ما احب تخبي عني شي صاير معك ابد.
مها…حتا انا ما ابي تكون علاقتنا كذا لاكن بهالمده المده القصيره ضاق صدري مخنوقه مو قادره اتحمل كل العقد والصعاب والمشاكل بحياتي ما كنت اهتم لها ادوسها وامشي ولا كنها صارت معي وانا نا ابي نخبي على بعض شي وما ابي اسمع عنك شي من غيرك واذا كان في احد بحياتك قبلي او اذا انت مجبور علي قلي ما تخبي شي اذا اجبروك ليش تقبل انا ما اقبلها لا عليك ولا على نفسي تعبت تقدمت تسند راسها على التسريحه تبكي.
فلت شعرها وتقدم يرفعها يصير جالس قدام رجولها يمسح دموعها
ثنيان…مين قلك اني ما ابيك شلون يضيق صدرك وانا موجود ما خبيت عليك شي من اول يوم عرفتك فيه لو ما ابيك ما كلمت الحكيمه عنك حبيتك من اول مره شفتك فيها ودي بك وابيك واباك وأبغاك.
مها ببكاء…هي قالت لي هي تعبي براسي انا ما صدقتها لاني اعرف مين انت لاكن نار بصدري تحسسني انها تعرفك اكثر مني ما يحق لها مين هي تكون مو زوجتك ولا حبيبتك تقدمت تسند جبينها على جبينه وتبكي مها…ليش تبي تقهرني فيك
ثنيان…انسيها مو انتي اللي ينزلوا دموعك على شي تافه ما فيه منك والله ما تقهرك فيني بس انتي صدقيني انا انا احبك واموت فيك وش لك بكلام الناس خليها تقول اللي تبيه قلبي ما يسكنه الا انتي الاولى والاخيره انتي ما افكر الا فيك ولا احلم الا فيك وما حسيت بالسعاده الا يوم دخلتي حياتي وصرت قربك وما اتخيل الا انتي.
ساكته مو قاده توفيه حقه تحبه لاكنها اكتشفت انه حبه لها يفوق حبها له بمراحل ما تدري كيف ترد على كلمه وحده من الكلمات الكثيره اللي قالها ما تبي تتكلم لا كنها بتفعل إذا مو بالكلام بالأفعال مسكت جوانب وجهه تتقدم منه تقبّله بحب كأنها ترد على كل كلمه قالها لها كذا بس يمكن انها تساويه باللي قاله جات بتبتعد لاكنه منعها يقربها له هي كانت هاديه ورقيقه كلها حيا لاكن هو كله حب وشوق ولهفه قبّلها كأنه يعلمها كذا يكون الرد وقام يحملها معه يتقدم من السرير بقى مستمر باللي يسويه لانه ما يشوف منها الرفض أبدًا.
لاكن ابتعد من سمع صوت جواله والأصح انها هي ابعدته من تذكرت لورا اللي تنتظرهم دفته عنها بخجل وضحكه من سمعته يتحلطم على مها
رد ثنيان…خير ست لورا شتبي
ضحكت مها بصوت عالي تضربه بخفه وتأشرله بأيدها بمعنى بشويش عليها.
لورا…بسم الله الرحمن الرحيم شبيك انت تلبسوك الشياطين اللي بالبر قبل ما نروح لهم لي سنه ادق لك وينك انت.
ثنيان بقهر…والله العظيم يا لورا ما انساها لك
لورا بغضب…يا حيوان وش اللي ما تنساها لي انت اللي قلت باخذكم للبر والحين خمس دقايق ما كنت قدامي طالعه لكم.
تكلمت مها بضحكه…جايين يا حبيبتي بس تا يبدل ملابسه بننزل لك.
قام ثنيان بضحكه خفيفه يتوجه للحمام"يكرم القارئ"
يبدل ملابسه…اضحكي اضحكي
وبعد مده نزلوا للورا اللي معصبه تضرب اجرها بلأرض
لورا بغضب…بكير انت وهي
ثنيان مشى من جنبها يناظرها بطرف عينه…انطمي
لورا كلمت مها اللي فارطه ظحك…شبيه ذا
مها تحرك ايدها بالهواء وبس تضحك.
وطلعن الثنتين يلحقنه وهنه يضحكن
.
جالسين حول النار يضحكوا على سوالف المها تكلمهم عن حياتها ومواقف كانت تصير معها وهي تسمع مواقفهم مع بعض وكيف حياتهم جالسين جلسه هاديه مع اكواب شاهي ،ليل ،عتمه ،هدوء ،وهواء خفيف،
وانتقل موضوعهم عادي للجن بسبب لورا اللي قالت موقف حاصل معها هي والبنات بيوم كاينين بالبر ، مها اللي كانت منسدحه على رجول لورا وثنيان مقابلهم مرتكي وبيده عصاه يلعب بالنار
فزت مها بخوف تضرب لورا بخفيف…يا كلبه هو له داعي تتكلمي الحين عن الجن
لورا…اذا ما تكلمنا طلعتنا مالها طعم شوفي شوفي بكلمك عن الموقف
مها…جب مابي اسمع حرف والله يا لورا لو تتكلمي اروح الحين او اخلهم يتلبسوك
حس ثنيان انها خافت وأشر ل لورا بمعنى تتكلم لجل تقرب وتجلس عنده المها
لورا…خليني اكلمك والله انه الموقف يوقف شعر الراس
مها وهي تقوم من جنبها تتحلطم…انا الغبيه اللي ايدتك الراي وجينا اعوذ بالله منك ومنهم تخيلي يطلعون لنا الحين
ثنيان بلعانه…اسكتي اذا سمعوك تتكلمي عنهم بييجوا الحين.
فزت من مكانها تتقدم تجلس قريب منه بخوف…يلا خلاص اكتفيت مابي اضل هنا بروح ،وبعصبيه طول عمري انزل البر مع اهلي ما صار معي كذا شلون انتم تشوفوهم اعوذ بالله
ثنيان يفتح فروته لها…تعالي تعالي يمي كذا ما يخسون يقربوا منك.
تقدمت تدخل معه بنفس الفروه يحاوطها بأديه وهي تترك راسها على كتفه.
لورا…ثنيان غني لنا اغنيه
ثنيان…وش اغني لك
لورا…لا تغني لي غني لها
ثنيان…تكرم عيونك وعيونها وضحكت مها بخجل
.
"إنتي اجمل حب واحساس وشعور"
"الغلا اكبر من اني اوصف"
"انتي اكبر هم عشته في سرور"
"والأسى ما كان قلبي يعرفه"
"انتي اجمل"