يا شبيهت البدر في ناظريني لا وظني بعد مالك شبيه

البارت التاسع عشر

.
المساء كل الحريم الكبار والرجال مع الجد جراح والجده مزنه وعلياء، كانوا مجتمعين ببيت مشاري، لجل البنات ياخذن راحتهم باخر ليله قبل الزواج، جالسات يحتفلن بالهنوف وعاملات حفله حناء صغيره وبالحفله كلها بنات فقط صديقات الهنوف وليلى حتا رفيف والمها كانوا لما يصاحبوا اي بنت كلهن يتعرفن عليها، كان جوهن صاخب بالأغاني والرقص والضحك الكل كان موجود الا ليلى اللي اعتذرت منهم وقالت انها بكره من الصباح بتكون عندهم،
نرجع بالوقت شوي الساعه1:54بعد الظهر، دقت رفيف ل ليلى،
ليلى... هلا.
رفيف... هلا بالعروس اسفه إذا ازعجتك بس هم طلبوا مني اسألك اذا بتكوني موجوده الليله وبالحفله.
ليلى... قولي لهم اني ما اقدر اجي الليله بكره من الصباح اكون عندكم.
رفيف... طيب سلام.
فصلت منها ليلى ووجهت نظرها ل صقر المتمدد على الفراش وكانت تحط على راسه كمادات، ما كان فيه شي قبل ساعه بالزبط الا انها كانت تحس بحراره جسمه عاليه، لاكنه تعب بعد فتره،
كانت جالسه تقرا الرسائل والمسجات وهو يناظر فيها لاكنه حس بعدها الدنيا تدور فيه ورجع راسه للخلف يغطي عيونه بكفوف ايديه، التفتت له ليلى وكان على نفس الوضعيه.
تقدمت منه بخوف تنزع ايده وتقيس حراره عنقه،وكانت عاليه جداً.
ليلى... صقر. صقر شبيك.
صقر... جيبيلي مي.
قامت بسرعه للمطبخ ورجعت بكأس ماء بارد، سندته يشرب وهي حاسه بحرارته زايده.
ليلى... صقر قوم لازم تتحمم، حرارتك عاليه.
صقر... مافيني شي الحين تخف.
ليلى... لا مارح تخف قوم معي، وقفت تسحبه معها وسند ايده حول كتافها ودخلت معه لحمام الغرفه تساعده بنزع تيشيرته، شغلت الماء وسكبت عليه بشويش، تحت انتفاضاته بعد فتره طلعت معه للغرفه.
ليلى... صقر بدل ملابسك وانا بروح اجيب لك دواء.
طلعت متوجهه للمطبخ وهو بدل ملابسه وتمدد على السرير، دخلت بعد عده دقائق وهو على وضعيته.
تقدمت تجلس جانبه وباشرت بوضع الكمادات على جبينه بعد ما أخذ الدواء،
حست فيه غفي واستمرت بعملها ونا حست على نفسها كيف غفت بعده، ونا صحيت الا على جوالها يدق وكانت رفيف.
الوقت الحاضر.
نزلت جوالها ورفعت كفها على جبينه وعنقه وتنفست براحه لما حست انه حرارته خفت بشكل كبير.
وسحبت حالها للمطبخ تحضر عشاء.
.
منزل الجد عند البنات.
التفتت الهنوف على وحده من البنات من اقتربت منها، وكانت صديقتها من الدمام.
الهنوف بفرحه... البندري يا حيوانه كذبتي علي.
البندري... ايه حبيت اعملك مفاجأة.
الهنوف... اشتقت لك والله، وتقدمت تحضنها بفرحه صديقتها من ثلاث سنوات تعرفت عليها بالجامعه وصارت صحبتهم قويه جدتً، لدرجه انها الهنوف تعرف كل العيله.
استمرت حفلتهم وبعد وقت كلهم جلسوا بتعب بالصاله وصارت احاديثهم جانبيه، والبعض من البنات غادر من وقت.
مها... رفيف ياروحي جيبي لي مي.
قامت رفيف... من عيوني.
وكانت البندري تناظرها بأعجاب،والتفتت بعدها على مها اللي كلمتها.
المها... البندري كم عمرك.
البندري... 23سنه
مها...ما شاء الله مو باين عليك.
البندري...انتي اللي مو باين عليك انك صرتي ام.
المها بمزح... حلوه صح.
البندري بضحكه... ايه اسم الله عليك تهبلي.
والتفتت ل الهنوف تهمس لها.
البندري... من هذي البنت اللي قامت.
الهنوف... رفيف، بنت عمي طلال.
البندري... كم عمرها.
الهنوف... 19قريب ال20.
البندري... ايه ما شاء الله عليهم كلهم حلوين.
المها... بنات عن اذنكم ثنيان برا ينتظرني، تبون شي.
الكل... سلامتك، لبست وتوجهت للخارج
كان واقف امام سيارته ينتظرها وابتسم من شافها متوجهه له.
مها... ثنياني.
ثنيان بحب... يا عيونه وضي عمره.
تقدمت منه تحضنه... تدري اني صايره اشتاق لك كثير واحبك.
ثنيان يفتحها باب السياره... نيالي.
التفت للمرتبه الثانيه... يا هلا تو ما نور يومي بسمار وأمها.
مها... انت مصّر يعني.
ثنيان... ايه حاس انها بنت، لا متأكد.
مها... بعد كم شهر نعرف.
تحرك بالسياره وتكلمت مها... حاسه انه رفيف بتلحقنا.
ثنيان بأستغراب... ويب تلحقنا.
مها... ههههههههه مو انا وانت قصدي بتتزوج، اليوم جات صديقه الهنوف من الدمام، وما شالت عينها عنها ابد وحتا انها سألت عنها وكم عمرها.
بلع ريقه بتوتر انصدم ما يدري ايش يتكلم
ثنيان... بس احسها صغيره.
ناظرته المها وبضحك... يعني انا الكبيره قبل ما نتزوج بكم اسبوع طبقت ال عشرين.
ثنيان... هاذي تختلف، أنا شفتك حبيتك وجربت حظي وزبطت معي الحمدلله.
مها... ما ادري يمكن انا فاهمه غلط.
.
عند ليلى جهزت السفره ودخلت للغرفه عند صقر وما كان موجود بالسرير، عرفت انه بالحمام من صوت الماء، واقتربت من الباب.
ليلى... صقر العشاء جاهز.
صقر... شوي وجاي.
ليلى... أحظر لك ملابس.
صقر... إيه.
تقدمت من الخزانه وشافت كل ثيابه العاديه لونها اسود وكحلي فقط، واختارت تيشيرت بلون الأسود بأكمام طويله مع بنطلون اسود.
وطلعت للصاله تنتظره، والتفتت عليه بعد شوي وابتسم لها وتقدم يبوس راسها يجلس أمامها،
ليلى... كيف صرت الحين.
صقر... بفضلك احسن الحمد لله.
ليلى... ما عملت شي واجبي.
صقر...تسلم يديك.
كملوا اكل وبعدها جلسوا بالصاله تقدمت منه ليلى تقيس حرارته ونزلت ايدها لعنقه.
ليلى... ما ضل حراره الحمدلله.
مسك ايدها يقربها من ثغره يبوسها وبأستغراب...صح اليوم في حفله للهنوف.
ليلى... ايه.
صقر... قومي تجهزي بوديك.
ليلى... ههههه ما ضل حفله خلصت شوف الساعه.
ناظر جوالها وكانت الساعه11:13
صقر... كل هذا الوقت وانا نايم.
ليلى... ايه من الظهر.
صقر...انا بقوم اصلي وانتي جهزي نفسك نطلع شوي.
ليلى... وين تطلع للحين تعبان.
صقر... هيني قدامك مافيني شي، يلا قومي.
قامت بسرعه تدخل الغرفه لبست جمسوت مريح وفوقه عبايتها وشوز اسود مريح طلعت لخارج البيت كان ينتظرها بالسياره، انتبهت انه فصل مكالمه لما شافها تتقدم منه، وخطر على بالها اخر مكالمه سمعته فيها بالمزرعة.
صقر... وش ببالك.
ليلى... ابي قهوه بارده.
صقر... بارده بهذا الجو.
ليلى متعوده اشربها كل وقت مع روايتي.
ابتسم بخفه لما تذكر الكلمات اللي وقعت عينه عليهن يوم مسك كتابها.
صقر... من هذيك الليله قرأتي شي.
ليلى... ايه انا استغل اي فرصه اكون فاضيه فيها وأقرأ.
صقر... رجع لها.
فهمت مقصده وانه اخر شي يعرف فيه انه ترك والبطله.
ليلى...ايه رجع وصار عندهم ولد لاكن علاقتهم معقده مو مثل قبل.
صقر... بتكمليها لي لما تنهيها.
ليلى بأبتسامه... ايه من عيوني.
صقر التفت يناظر عيونها... أحبهم.
ابتسمت بخجل تناظر الطريق أمامها.
.
عند نهيان كان مع رعد ورياض بحديقه بيت مشاري،دق جواله وكان ثنيان.
نهيان... هلا.
ثنيان... وينك فيه.
نهيان... بيت ابو ليث مع رعد ورياض.
ثنيان... انا برا اطلع لي.
نهيان بأستغراب... طيب.
استأذن منهم وطلع متوجه للخارج وكان ثنيان واقف بالسياره امام المنزل، طلع جنبه وتحرك ثنيان.
نهيان... ولد شبيك.
ثنيان... ما ادري، ابي اقلك شي بس مو متأكد منه.
نهيان... وش هو تكلم.
ثنيان... تقدم لبنت طلال.
نهيان... استغفرالله العظيم، فكرت في شي ثاني، تستهبل انت جايبني بهاذي الطريقه واللي يشوف وجهك يقول ميت له أحد بعيد شر.
ثنيان... يمكن في جماعه يخطبوها كمان كم يوم انت ليه ما تخطبها وش تستنى تروح من يدك.
نهيان بصدمه... كيف يخطبوها، من هم
ثنيان... ما ادري مو اكيد بس ولا ادري اذا لازم اقلك او لا بس اللي شايفه انك عاشقها، اطلبها قبل ما تروح من يدك.
سكت نهيان يناظر أمامه بأستغراب ثنيان ما يجيب السوالف من عنده يمكن مها قايله شي قدامه.
نهيان... ياخي ما ادري بس ابي يخلص هالزواج وانزل للديره.
ثنيان... بكره بتنزل للديره لاكن إذا سمعت خبر خطبتها بعدين لا تتحسر.
.
منزل ابو صقر عند الهنوف بغرفتها روحت ميته تعب تحممت وبعدها توجهت للسرير تفكر بالصباح وزواجها.
بكره حلم حياتها بيتحقق بتتزوج حب حياتها اخر فتره كانت تكش من الموضوع لاكن هم الحين متراضيين وحبه بقلبها زاد، بعد آخر موقف خوفه حبه لها تصرفاته تظهر انه يموت فيها لاكن هي اللي كانت مزودتها طلعت من شرودها على صوت جوالها كانت البندري تدق لها.
الهنوف... هلا حبيبتي.
البندري... اسفه يا قلبي إذا ازعجتك.
الهنوف... لا جالسه بروحي بالغرفه.
البندري... الصراحه دقيت لك ابيك بموضوع.
الهنوف... ايه وش.
البندري... اليوم شفت رفيف وحبيتها كثير هي لطيفه وحلوه أسم الله عليها، وما اخبي عليك كلمت اهلي عنها.
الهنوف بصدمه... كيف يعني مو فاهمه.
البندري... يعني يا قلبي كلمت اهلي يخطبوها لأخوي محمد.
فتحت عيونها بصدمه مو عارفه وش ترد عليها.
الهنوف... يعني والله ما ادري وش اقول لك يعني ما ادري.
البندري... يا حبيبتي انتي، اللي ابيه منك بس تعطيني رقم جدك ل ابوي.
الهنوف... ما ادري عادي يعني.
البندري... ايه عادي وش فيك اللي يشوفك يقول مسويين جريمه.
الهنوف... طيب الحين ابعثه.
سكرت منها الهنوف بصدمه مو عارفه ايش تسوي عادي تعطيها الرقم او مو عادي ليلى اكيد مو فاضيه لها الحين وطبعاً ما بتكلم رفيف، مها الوحيده اللي تقدر تساعدها.
دقت للمها اللي جالسه بحديقه منزلهم مع ثنيان وردت عليها المها.
مها... هلا.
الهنوف... اهلين اسمعي بقلك شي.
مها بأستغراب... ايه وش فيك.
كلمتها الهنوف عن كل اللي صار وردت بفرحه مها.
مها... عطيها يا غبيه عادي ترا بتجمعي راسين بالحلال.
التفت ثنيان بصدمه كان صوت جوالها عالي وقدر يسمع السولافه من اولها لأخرها، وبسرعه سحب الجوال يفصل المكالمه تحت استغرابها.
مها... ثنيان شبيك.
ثنيان... ابعثي لها انه شوي وبتكلميها.
عملت اللي طلبه تحت صدمتها.
مها... ايه وش فيك.
ثنيان... سمعت حديثكم، يعني مو بقصدي بس الصوت عالي.
مها... ايه طيب وبعدين.
ثنيان بأندفاع... انا بطلب رفيف.
ناظرته بصدمه وسرعان ما وضح مقصده.
ثنيان... ايه بطلبها ل نهيان لا تعطوهم رقم احد قولوا لهم مخطوبه، أنا بخطبها لخوي.
مها تناظره بصدمه... حبيبي شفيك وش قاعد تقول.
ثنيان... نهيان يحبها ويبيها وانا بطلبها له بكلم جدتي تطلبها وجدتي حسنه.
مها بصدمه... يحبها متا كيف وين مو فاهمه شي.
كلمها نهيان شوي شوي وفهمها القصه.
ما تنكر نها فرحت وعجبها الموضوع.
مها... انتظر لحظه.
رجعت تدق ل الهنوف وردت بسرعه.
مها... اسمعي قولي لها رفيف مخطوبه لأنها مستحيل تقبل وانتي لجل تكوني طلعتي منها وما تنحرطي قدام البنت ورفيف.
الهنوف... واذا عرفت انها مو مخطوبه.
مها... يا شيخه وش بعرفها انتي قولي لها كذا وخلصي نفسك.
الهنوف... طيب الحين بشوف.
ثنيان... من جدك مها بتساعديني.
مها... ايه وين بتلاقي مثل نهيان زوج لها، ما عليك انا بقيس نضبها وبرد لك خبر.
حضنها بسرعه يشد عليها... تدري اني اموت عليك، واحب مخك اللي يشتغل عالطاير.
مها بغرور... ايه ادري احمد ربك حبيبي وبكره رح تعيد كلامك لما ابشرك بموافقتها.
.
عند صقر بالسياره كانوا راجعين للبيت وليلى نامت بالطريق وصل للبيت وفتح بابها يحملها حست عليه.
ليلى... خليني امشي صاحيه.
صقر... كملي نومتك.
رجعت تسند راسها على صدره ودخل فيها للبيت نزلها على السرير،مسح على راسها يصحيها.
صقر... ليلى قومي بدلي بعدين كملي نوم قامت من جانبه تتوجه بلخزانه وبدلت ملابسها ل بجامه شتويه ثقيله حاسه ببرد شديد طلعت من الحمام وكان متمدد على السرير دخلت جنبه تنام من شده نسها ونفس حركه امس سحبها لحضنه تنام، ابتسمت تحاوطه بيديها تحس بشعور جميل وفراشات معدلتها يرقصوا.
وهو بحركته ذي يحس بسكينه مو طبيعيه ما عمره نام مثل نومه امس رغم تعبه ومرضه الا انه يحس نفسه مرتاح داخلياً اول مره بحياته.
.
نرجع للهنوف قبل وقت فصلت مكالمتها مع مها ودقت للبندري بتوتر.
البندري... هلا حبيبتي.
الهنوف... اهلين يا قلبي الصراحه والله ما ادري وش اقلك قبل شوي من الصدمه نسيت اقلك انها رفيف مخطوبه قاجأتيني والله، واعتذر منك اني ما خبرتك بنفس الوقت.
البندري... ولا يهمك يا قلبي مو بينا نيال اللي بياخذها والله ما شا الله عليها، ما علينا الحين نصيب.
الهنوف...الله يرزقه بنت الحلال أن شاءالله.
البندري...أمين يارب، يلا يا عروس روحي نامي بكره يومك.
الهنوف... ماشي يا قلبي تصبحي على خير.
البندري... تلاقي الخير.
فصلت المكالمه الهنوف بحرج كبير ورجعت دقت ل المها.
مها... شتبي انتي مو بكره زواجك نامي.
الهنوف... يناموا اليهود بجهنم قولي آمين.
مها... أمين.
الهنوف... الله يصبرني عليك يا مها، فهميني هسه وش بيصير،خلاص نقفل على الموضوع.
المها... انا بقلك لما دقيتي لي كان ثنيان جنبي وصوت جوالي عالي وسمع كلامك وهو اللي قفل بوجهك.
الهنوف باستغراب... ليش ما فهمت.
مها... قال لي انهم يبون رفيف ل نهيان.
شهقت الهنوف بصدمه... أحلفي كيف ومن متا.
مها... والله ما ادري، اللي عرفته انه نهيان قايل ل ثنيان انه يحبها ويبيها وقال لي ثنيان انه بيكلم جدتي علياء تطلبها ل نهيان.
الهنوف...مو قادره استوعب قسم بالله.
المها... ولا انا لاكن اللي اعرفه انها النتفه بتصير كنتي.
الهنوف... يا ويلكم من الله كلكم بتتزوجوا بالديره وانا ايش اعمل لحالي بالرياض.
مها... هاذ حبيب القلب معك.
الهنوف صادقه وش ابي بيكم.
مها... يلا روحي روحي نامي بكره زواجك لا تزعجيني بنام بكره من الفجر ثنيان بيصحيني خلني افصل عليه.
الهنوف... الله يعينك يا ثنيان ما بقول غير كذا بس.
مها... يا حيوانه روحي نامي.
الهنوف... ههههه تصبحي على خير.
مها... وانتي من اهل الخير.
بعد ما فصلت مها بعثت ل رفيف رساله.
ذكريني بكره بعد الزواج اكلمك ابيك بموضوع مهم، ولا تنسي لاني نازله للديره بكره الفجر.
.

انتهى⭐

.

Note.

البارت الجاي مارح اتعمق بتفاصيل زواج ليث والهنوف فقط المواقف المهمه.
Instagram.
oc_tober19.