يا شبيهت البدر في ناظريني لا وظني بعد مالك شبيه

البارت العاشر

.
دخل سعود للمجلس  يبشرهم بموافقة الهنوف اللي صدمت الليث ما توقع واخد بالميه انها بتقبل فيه كيف الحين توافق ناظر ابوه يأشر له يبي يتكلم معه على انفراد طلع للخارج مع مشاري
مشاري... شبيك تغومز الناس تبارك لك وانت مو معهم ف....
قاطعه الليث... شلون وافقت
مشاري... من هي
ليث... يبه ماني ورع قدامك انت تعرف اني اتكلم عنها ما كانت تبيني شلون وافقت
مشاري... انت صاحي كيف يعني شلون وافقت لو  رفضت بتكون مبسوط.
ليث بعصبيه... لا ما بكون مبسوط بس انت شفت الموقف بعيونك وشفت انها كانت رافضه  بشده شلون توافق الحين؛ انت قلت لها شي؟
مشاري... صوتك لا ترفعه بوجهي اولاً؛ ثاني شي حنا طلبنا وهي وافقت واللي شفته اكيد ما بسكت عنه وحسابك بوقت ثاني؛ الحين انهي المهزله هاذي وادخل لجدك بنحدد يوم الملكه.
تركه بالخارج مصدوم مو قادر يتصرف بشي او لو يبي يتصرف ما بيطلع بأيده شي لانه هذا قرار ابوه ومستحيل يتراجع كيف الحين بيتعامل معها وهي مو طبيعيه مو الهنوف اللي يعرفها ولا اللي يحبها يشوف بعونها صد يوجع قلبه تصرفاتها نظراتها حركاتها كلامها كل شي متغير ما كانت كذا حتا حدتها بالكلام وكيف تعامله ما كانت كذا أبداً تنهد يتوجه للداخل وباله مو معه أبداً.
.
عند الحريم اللي باركوا للهنوف ومبسوطين كثير الكل كان فرحان لاكن ليلى كانت مستغربه ومصدومه منها كيف تقبل وهي اللي كانت للصباح رافضه مو قادره تستوعب شي قررت تشتت تفكيرها الحين وتنفرد فيها بوقت ثاني ورفيف رغم استغربها من اللي بيصير الا انها انبسطت وباركت لها بكل حب وفرح وغزل كذالك.
.
بيت الجده علياء جناح ثنيان ومها طلعت من الحمام تجهز نفسها رايحه للخيام لبست جمسوت مريح وجلست تسرح شعرها ضحكت من سمعت صوت باب الجناح يفتح وعرفته انه جا... كذا صدفه بوقته دايم!!!
دخل يشوفها جالسه قدام التسريحه والتفتت له ابتسم بخفه من شاف الفرشات بأيدها
ثنيان... دايم بالوقت.
مها ترفع له الفرشاه... بعدني اقول
تقدم يمسك من ايدها يمشط بالشكل اللي يحبه وهي تستلطفه ربطلها ياه او وقفت تلبس عبايتها قرب منها يمسك طرف العباه من جهه العنق
ثنيان... كيف راحوا الصباح شفتهم.
مها بخجل... ثنياااان عيب
ثنيان... وش اللي عيب زوجك ترا
مها... طيب زوجي لاكن مافيه حيا
ضحك بصدمه عليها وهي كملت لبس وطلعت للصالون تشوفوا جالس علجوال.
مها... خلصت انا
ثنيان... انتي دريتي انه ليث خطب بنت خالك
مها شهقت بصدمه تتقدم منه... بنت خالي الهنوف
ثنيان... اتوقع ايه لاكن كيف عرفتي انها هي
مها... كيف يخطبها هي وافقت
ثنيان... ايه وافقت ويبون يحددوا الملكه الليله
مها فزت... قوم قوم ودني لهم والله ما اسكت لهم يحددوا ملكه وانا ما ادري انا اوريهم
بعد وقت قصير وصلت للخيام ودخلت بأندفاع فززتهم كلهم
مها... شلون تبون تحددون الملكه وانا حتا ما أدرري.
الجده مزنه... بسم الله شبيك يا بنت كذا اللي يدخل.
مها... يا جده يرضيك مو باقي غير يتزوجوا وانا ما ادري.
الجده... يا بنتي للحين ما صار شي استهدي الحين
اديم... ثنيان كان هنا وقلت انه بخبرك وانتي كنتي جايه ههههههههه مو طبيعيه
مها... انا لولا ثنيان ادري والتفتت ل رفيف وليلى تتاظرهم بحده... حتا مخبريني ما قالو لي لا أحد يكلمني
ضحكوا كلهم عليها وكملوا يومهم بضحك او وناسه.
.
الخيام الساعه8:33
بجهه الرجال
الجد جراح يكلم أولاده سعود ومشاري... ها يبه متا تبون الملكه على خير
مشاري... والله يبه اللي تشوفه مناسب يصير
سعود... ايه متا ما تبي نعملها
التفت الجد جراح ل ليث يسأله... ها يا ليث متا تبيها
ليث... اللي تشور به يا جدي
الجد جراح... اجل من نرجع للرياض نحدد على خير ان شاء الله.
.
عند الحريم قامت مها تسحب الهنوف معها يتمشوا بعيد شوي
مها... لا تحكمي عليه من كم موقف يا بنت كم مره قلنا لك عطيه فرصه وانك فاهمه القصه غلط
الهنوف... ايه بس شلون يسمح لنفسه يتصرف معي كذا الصباح
مها... انتي ما كان لا م تكلميه خلاص شفتيه ردي للخيام لا تجادليه ابد.
الهنوف... عمي شافنا الصباح
مها...كيف؛ مين عمك؛ وش قال
الهنوف... ما قال شي بس كان يقصد شي انا ما فهمته ابد قال انه مو اول مره يشوفنا سوا او لو انه مو واثق فينا كان ما سكت هلمده.
مها... شلون مو اول مره.
تذكرت الهنوف الموقف بينهم  وخطر لها انه يمكن شافهم ذيك الليله بحفله تخرجها.
الهنوف... بحفله التخرج.
مها بعصبيه... شبيها حفله التخرج هنوف شبيك كلامك الغاز فهميني عدل.
الهنوف... يوم الحفله طلعت ل صقر كان جاي وله كم يوم مو بالبيت وقال لي اطلعي من الباب الخلفي ويومها شافني ليث بس متأكده انه ما كان في احد كيف شافنا.
مها... يمكن انه ما انتبهتي
الهنوف... ياربييييي ما ادري ما ادري وش اسوي الحين
مها... اهدي وتوكلي على الله خلاص اتركيها ل ربنا يسترها.
وانسحبن ل جهه البنات اللي جالسات بعيد عن الحريم شوي تقدمت مها تجلس جانب لورا وتتكلم معهم
مها... من الحين ما ابي نظرات رايحه جايه اللي بقلبها شي تطلعه ولا تظلكم تنغزوا ببعض التفتت ل ليلي والهنوف انتم مافي أقرب منكم ل بعض شنو انا اللي اصغر منكم اعلمكم خلاص درينا انها غلطت بحقه وانها فاهمه كلشي غلط وراح تعتذر منه ماله داعي تقلبوا وجوه بعضكم طيب!!
.
الساعه 12:00
عند البنات تقدمت اديم منهم تكلم مها.
اديم... مها يمه قومي شوفي زوجك يبيك
مها... ثنيان وينه يبي شي.
اديم... ما ادري والله قومي له كاهو خلف الخيام
قامت مها متوجهه لعنده؛ التفت من سمع صوت حركتها؛ ما يشوف شي من العتمه لاكن يعرف حركتها ويسمع حلطمتها ويشم ريحتها عطرها اللي ما بعمره شم له مثيل هي كلها مالها مثيل؛
تقدمت لعندها يقبل راسها
ثنيان... اشتقت لك
مها بضحكه... ايه باين وملهوف بعد
ثنيان يمسك يدها يقربها منه... ابيك ما تغيبي عن عيني اشتاق لك وش أسوي ما يسهى تفكيري الا عليك.
ابتسم من شافها هي ساهيه بوجهه كل ما يكلمها او يعبرلها عن حبه تسرح بملامحه.
ثنيان بضحكه... شبيك
مها بفهاوه...عيونك حلوين.
ثنيان...هههههههههه وش بعد.
مها... انت تشوف نفسك من تضحك.
مصدوم مو قادر ما يضحك عليها اول مره تتكلم بالشكل ذا دايم تقله انها تحب عيونه وضحكته وغمازاته لاكن شبيها الليله تقولها بطريقه غريبه وطفوليه
ثنيان... ما بقى عرق بالقلب ما حبك.
ابتسمت بخجل ومشوا راجعين للبيت تقدمت مها تشوف طريق ل ثنيان اول ما دخلت ضربت بالجازي
مها... لا حول انتم مالكم بيت تقعدون فيه
الجازي...لو سمحتي مشكلتك مع اختي ما تتكلمي معي كذا
مها... وينها ست احسن فيه!!
الجازي... ايه هاذي هي جوا؛ وتركتها متوجهه للداخل
رجعت مها ل ثنيان تسحبه لباب جناحهم
مها... امشي نايمين
ثنيان... وقفي شلون نايمين وصوتهم والاضويه ل برا
مها... خلاص قلت لك نايمين شبيك
ثنيان بعصبيه... انتي اللي شبيك دخلتي محلاك وطلعتي قالبه
التفتوا الاثنين على صوت خلفهم وابتسم ثنيان من لمح بسه الجادل
ثنيان بضحكه... من جدك
مها... ايه من جدي يلا امشي
طلعوا الاثنين لجناحهم ودخلت مها تبدل ملابسها وطلعت بعد فتره بقميص ابيض وروب فوقه تمددت جانب ثنيان اللي يطالعها بحب ويخفي ابتسامته.
لاحظت مها انه قاعد يبتسم وضربت كتفه بشويش
مها... مبسوط انت اضحك اضحك لا تبقى حسره
سحبها من ايدها قريب له... كم مره اقول لك ما تسوى زعلك وما تهمن... قاطعته مها... أدري انها ما تسوى ي حبيبي لاكني اكرها وما اطيقها تغثني من قله حياها وشكلها الماصخ.
ثنيان بلعانه... ماصخ اذكرها حلوه.
ضربته مها بأنفعال... يحلي وجهك قول يارب قوم عني الحين اوريك مين الحلوه فكني.
ثنيان يثبتها أكثر... هههههههههه امزح امزح شبيك
مها بغضب... ثنيان فكني الحين.
ثنيان... وان ما فكيتك وش بتسوين
قربت من عنقه تعضه يبتعد عنها وهو شدها اكثر
قاومته وما قدرت وشده بأسنانها أكثر وأكثر تركها يمسك عنقه بألم
ثنيان... ههههه يا مجنونه وش سويتي وجعتيني
مها تمسك فكه... هاذا درس صغير يا حبيبي بس جرب قول حلوه مره ثاني او تكلم عنها اذبحك واذبحها تفهم.
مسك ايديها يقلب وضعيتهم ويكلمها بخبث
ثنيان... فاهم لاكن ابي حقي بطالبك بنفس اللي سويتيه جات بتتكلم ولاكنه قاطعها كالعاده يقبلها وهي بعد فتره قصيره تنسى غضبها وزعلها بقربه.
.
بعد مرور كم يوم حدد الجد جراح انهم من يرجعوا للرياض تكون ملكه ليث والهنوف يوم سبت بحكم انه ثنيان عنده دوام يوم الجمعه دقوا له أمس يداوم ورجع للرياض وهم لاحقينه الصباح بقى لهم يوم ويرجعوا قعدوا بالديرة اسبوع كامل بطلب من الجد اللي اذا نزل للخيام ما يقبل يتركها الا تايروي شوقه.
الساعه9:28الصباح عند صقر وضاري بلأسطبل يجهزوا الخيل بطلب من جده يبي يجيب البنات لهم.
دق جواله ورد على رياض... صقيررر احنا برا
صقر... هيني جوا ادخلوا انتم
دخلوا الجد جراح ورياض والبنات فقط ما كان في غير ليلى والهنوف ورفيف.
تقدمت الهنوف من صقر تحضنه وتسلم عليه
صقر يهمس لها... ابيك بموضوع الليله باجي للخيام طيب.
الهنوف بأبتسامه... طيب. رفع راسه لجه الجد يقرب منه سلم عليه ولاحظ انها ابتعدت بخطوات متوتره ابتسم بخفيف ورد على جده.
الجد... جهزتهم يبه
صقر... ايه يبه جهزتهم ادخلوا
لف الجد جراح لليلى ورفيف يتقدموا من الاسطبل يختاروا اكصنه يطلعوا عليها ليلى ما كانت تعرف غير الابهر او ما تحب غيره لانه كان ل جدها وكانت تلعب معه وهي طفله صغيره لاكن الجد عطاه ل صقر من زمان وهي كل ما ينزلوا للبر تشوفوا بالسر
تقدمت للأبهر تحت أنظار صقر كان عارف انها رح تختاره يعرف انها تحبه من زمان وانا كانت تقول ل جدها وهي طفله... يا جدو من أكبر بيصير الابهر لي لاكنه صار له هو.
طلع من الاسطبل مع ضاري لجل يوخذوا راحتهم البنات.
واختارت رفيف خيل والهنوف خيل الليث لانه قال لها جدها انه له وتركب عليه.
بعد فتره طلبت رفيف من جدها انها تطلع بالخيل خارج الساحه وقبل الجد لانه مافي احد والوقت بكير وصقر وضاري من الجهه الأخرى.
طلعت بالخيل لبرا وضلت تمشي فيه تا حست انها ابتعدت عنهم وما اهتمت كملت بطريقها ماشيه بشويش.
.
عند صقر وضاري شافوا شاص ثنيان يتقدم منهم لاكن نزل منه نهيان.
نهيان... اوووه استاذ صقر هنا عاش من شافك
صقر... يعني وين بكون اذا ما كنت هنا
نهيان... خير خير بروح للمحطه انا تبون شي
صقر... لا سلامتك وانتبه
نهيان... الله يسلمك
ابتعد عنهم. صار بالجهه الأخري من الأسطبل متوجه للطريق الرئيسي لاكن وقف من شاف الخيل تبعه وش يسوي هنا هو تاركه بلأسطبل فتح الباب بينزل لاكنه تراجع من شاف بنت تركب عليه بمهاره عكس حجمها الصغير او لابسه عبايه سودا طرحتها بدون النقاب حاول يعرف مين هي لاكنها ابتعدت عنه بسرعه جنونيه بالخيل لاكن خيله اذا اسرع ما يوقف بأي شكل من الأشكال الا معه كيف الحين بيوقفها.
اسرع وراها بالشاص يلحقها وصار قريب منها بحيث هي على الشمال وهو يمينها
كانت رفيف مسرعه بالخيل ماخذه راحتها والتفتت من شافت نهيان بالشاص بعيد شوي منها حاولت توقف الخيل لاكنها ماقدرت وخافت بهاللحظه وصار الخيل يسرعه من حس بحركه الشاص جنبه
فتح نهيان القزاز وبصوت عالي يكلمها
نهيان... شدي اللجام
رفيف مو سامعيته وكانت منهاره من الخوف
قرب منها اكثر وبصوت أعلى... شدي اللجام على رقبته
حاولت تشد اللجام قد ما تقدر لاكن ما صار شي
نهيان... شدي بيديك ورجولك قد ما تقدري
عملت اللي قالها عليه وحست بسرعه الخيل تخف تا وقف الخيل علأخر.
نزل نهيان وتقدم منها بسرعه... انتي بخير فيك شي
رفيف... بخير بخير شكراً لك رفعت راسها له وكان كان صاد عنها.
تكلمت... دايم اركبه ما يصير كذا
نهيان ...يمكن لاني من فتره فتره مو مطلعه برا الاسطبل.
رفيف... مو مطلعه ليش؛ هو لك
نهيان... ايه لي هذا خيلي.
تغيرت ملامح وجها للأحراج والخجل.
رفيف... اسفه ما كنت ادري انه لك جدي قال اختاروا اللي تبون وانا اخترته ما ادري انه له صاحب
عرفها نهيان من صوتها انها بنت طلال ونفس اللي اللي كانت واقعه بالبر من إسبوعين.
نهيان... مو مشكله المهم انك بخير وما صار لك شي هو ما يأذي بس لانه له فتره مو طالعه بس كذا.
التفتوا على صوت سياره يتقدم منهم وتوتر نهيان من شاف انه صقر
وصل صقر ونزل من السياره يمشي لهم واستغرب انها واقفه مع نهيان.
صقر... نهيان!  والتفت ل رفيف يكلمها ليش تبعدي عن الاسطبل جدي والبنات يدوروا عليك.
رفيف... كنت ماشيه بالخيل وما عرفت اوقفه وساعدني نهيان مشان كذا تأخرت.
صقر... طيب اطلعي بالسياره
تركتهم رفيف تصعد بالسياره والتفت صقر ل نهيان
صقر... مشكور يخوي
نهيان... اقل واجب
صقر... يلا حرك لا تتأخر.
ورجع صقر للسياره وصلوا باب الاسطبل وجات رفيف بتنزل وقفت من سمعت صوته يتكلم
صقر... رفيف هاذي اخر تبعدي انتي بنت لحالك الحمدلله انه نهيان موجود ولا ما كان وقف الخيل بيك هاذ خيبه وحد يعرف يتصرف معه غيره انتبهي مره ثانيه.
رفيف بتوتر... ان شاء الله.
حرك صقر يبعد بالسياره ودخلت رفيف عند الهنوف وليلى قامت ليلى بسرعه عليها
ليلى... وين كنتي ليش بعدتي صار لك شي.
رفيف... مو وقته قلبي بيوقف ابي مويه
جلست جنب الهنوف ناولتها مي وشربت.
الهنوف... ايه وش صار معك وين كنتي اختفيتي فجأه جدي ما يدري عنك بس قلنا ل صقر.
رفيف... ايه صقر جابني وانا بخير
ليلى... وش صار لك
قالت لهم رفيف وش صار معها وعن اخر حديث من صقر.
رفيف... بنات حسيت بشي غريب تمنيت لو لي اخو انتم عندكم خوان الله يحميهم بس لما كلمني حسيت اني ببكي ابوي يهتم فيني ويرعاني لاكن انه يكون عندك اخ غير والله اهنيكم وحرام كنت ضالمه.
الهنوف... يا حبيبي صقر هو كذا حنون واعرفي انه مثل اخوك وعزوه وسند لك كلهم يعتبرونك مثل اختهم الصغيره انتم بس ما تعرفون خواني زين.
ليلى؛ مبتسمه بخفيف تحس انها تعرفه من راسه لأخر رجوله وانه مو اللي يتكلموا عنه دايم عصبي وقاسي ومو نفس كلام ابوها انه يعامل ابوه بغرابه فيه شي غريب علاقته مع ابوه وكيف يترك البيت وما يرجع لهم وانه درس وتخرج وما توظف وكل وقته بالخيام له جوه الخاص فيه عندها فضول تعرف حياته كلها تحب تدخل بكل شي غامض وهو شخصيه بالنسبه لها ظلام وغامض.
.
منزل الجده علياء الصباح نزلت مها من جناحها بعد صراع مع ثنيان انها تصحى وما صحيت الا لمها قال لها اهلك بيرجعوا للرياض.
تقدمت من المجلس تسمع أصواتهم وصوت الجادل اللي ضحكتها عاليه وتغثها
دخلت مها...صباحكم خير انا جيت
الجده علياء... هلا وغلا صباحنا عسل من شفناك علا يمه ادخلي
دخلت وسلمت عليها وجلست بدون ما تسلم على الجادل والجازي التفتت مها للجازي تبتسم بوجها ابتسامه خفيفه لأنها تحسها احسن من الجادل ومحترمه ومالها حركات ماصخه زي اختها.
ردت لها الجازي الأبتسامه والتفتوا على صوت الجده علياء تسأل عن ثنيان
مها... كاهو فوق يا جده نايم
الجده... نايم شبيه الولد كان يقعد مثل القرد من الصباح
دخلت لورا من برا تتكلم بضحكه... فيه اللي ما تنيمه ما يجده وبغمزه ل مها يمكن يتأملها طول الليل وما ينام
الجده... يا بزر وش هل كلام استحي
لورا... ههههههه امزح والله
مها صار لونها احمر من الخجل وتتحلف ل لورا تمسكها.
كملوا جلستهم بضحك او وناسه وسمعوا صوت ثنيان من الخارج ينادي قامت المها بتشوفوا لاكنها رجعت جلست من حست بدوخه قويه
الجده... بسم الله عليك فيك شي يمه
مها...لا يا جده بخير بخير ما فيني شي
رجعت قامت متوجهه ل ثنيان بالخارج ومعها لورا تمسكها
تقدم بسرعه منهم ثنيان... شفيها وش صار؛ مسك وجها حبيبتي فيك شي
مها بضحكه... والله ما فيني شي انتوا شبيكم
لورا... لا ترد عليها داخت علينا جوا خذها للطبيب
مها...لا كذا اوفر مو لهل درجه شبيكم بس قمت بسرعه ودخت تصير عادي من زمان تصيبني
ثنيان... يمكن نقص حديد
مها... ما ادري يمكن ها قول تبي شي
ثنيان... ايه بقول لك انه بكره اهلك راجعين للرياض ما تبي تشوفيهم
مها... الا ابي خذني لهم
ثنيان... جاهزه انتي
مها... ايه جاهزه بس بدخل اسلم على جدتي
دخلت معا تسلم عليها وتعطيها خبر انها طالعه للخيام
الجده... انتبهي لنفسك يمه وقولي لهم انا بنزورهم كلنا الليله نودعهم
مها... من عيوني يمه ابشري تبون شي
لورا... سلامتك انتبهي ل نفسك
طلعت مها تاركيتهم بالمجلس وتكلمت الجازي
... جده شبيها  داخت ل تكون حامل
دقتها الجادل بأيدها وبعصبيه... شدخلك فيها انتي
الجده... والله اني حسيت انها حامل اخر كم يوم وجها شاحب
لورا... ما اضن يا جده هي قالت إنها من زمان تصير معها ومعها نقص حديد.
الجادل... ايه اكيد نقص الحديد يعمل كذا
الجده... لا يارب انها حامل وافرح فيهم يارب.
انقهرت الجادل وطلعت ل برا البيت تاخذ نفس وتكلم حالها... كيف حامل ما يصير ما ابيها الله يلعنها ايش دخلها حياتي كنت انا بتزوجه وانا بصير ام عياله الله ياخذك يا مها.
.
بالليل الساعه10:26 عند البنات اللي جوهم فله رقص وغنا كانت مها محتله القعده كالعاده ترقص وتغني هي ورفيف ولورا انا ليلى كانت جالسه وتغني وتصفق بأيدها فقط والهنوف نفس الشي
حست مها بدوخه خفيفه وجلست بسرعه ما تبي احد يحس فيها.
رفيف...مها قومي شبيك
مها... خلاص لا تعبت هاذي لورا معك
تقدمت منها لورا تجلس جنبها
لورا... معا متأكده انك بخير شكلك مو طبيعي شوفي جدتي تناظرك من اول ما جلست
مها... والله اني بخير مافيني شي
لورا... طيب
بعد فتره طلعت مها ل ثنيان تكلمه
ثنيان... لا طبعاً خلاص انا بوديك
مها... والله ماله داعي ثنيان بروح مع ابوي
ثنيان... مها حبيبتي انتي الحين زوجتي يعني انا مجبور فيك خلاص انا بوديك وبجيك انا
مها... لعاد خلينا نمشي لأنهم طالعين للرياض الفجر
ثنيان... طيب رايح اسلم وراجع لك شوفي جدتي ولورا اذا يبون يرجعوا.
رجعت مها لعند الحريم وتقدمت من الجده ولورا تسألهم اذا بيرجعوا مع ثنيان
الجده... ايه ايه بنرجع خلاص يلا يا بنات
طلعن للسياره كلهن وجلست الجده مزنه جنب ثنيان ومها ولورا والجادل والجازي بالخلف.
ثنيان يبوس ايد جدته... علا بنور عيوني ما اشتقتي لي.
الجده...شلون ما اشتاق يا روح جدتك لاكن زعلان عليك اكيد انك مو مهتم بالمها البنت تعبانه.
ثنيان... والله اخسي ما اهتم فيها هاذي حبيبت الروح
لورا... اوووووه اوووووه اخ ثنيان صاير رومانسي
ضحكت مها بخفه وانبسطت من لفت نظرها للجادل وشافتها شاده ايدها عالعباه وباين قهرها.
كملوا الطريق كلهم ونزلوا من السياره طلعت مها لفوق تجهز ملابسها وحست بيدين على خصرها
مها... ما بطول كلهم كم يوم
ثنيان... كم يوم من جدك انا اتركك بالبيت كم ساعه ما اقدر اتنفس كيف وهو بيننا ديار.
مها... تعال معي
ثنيان... ما اقدر لاكن بصبر وبعد الدقايق والساعات بعد بس ابي منك قبل كل شي تنتبهي ل نفسك انتي مو طبيعيه اخر فتره وخايف عليك نروح للطبيب.
مها...يا حبيبي انت كم مره اقول انها عاده قديمه والله ما فيني شي لا تخاف بروح وبرجع مثل ما انا.
ثنيان بتنهيده... اهخخخ يا قلبي ما ادري وش يصبرني.
.
عند البنات بالخيام طلعت لحالها تتمشى غرامها هالجو تحب الليل وسماه وقمراه ونجومه كملت مشي لحد ما لفت انتباهها اللي جالس عند النار ويغني كان وبيده عصاه يحركها بالأرض ويده الثانيه تحت راسه يناظر السما كالعاده دايم وبكل موقف تشوفه لابس ثوب اسود وغتره ولاكن هالمره ما كان وحيد كان جالس معه ضاري اللي كل العيله تعبره فرد منهم عمومتها وجدها خصوصاً صقر يعتبره مثل ولده وهو اللي رباه كان ليث يكلمها عن علاقه صقر وضاري لاكنها ما كانت تتعمق ولا تهتم بس كان يعجبها حبهم ل بعض وتحس الحين تبي تتعمق بحياته أكثر ابتسمت من سمعت صوته يغني.
.
كان يغني ويناظر بالسما وبس كل قلبه مشاعر هو بنفسه مستغرب منها يستغرب صاير يفكر كثير اللي ما كان يغريه شي او شي بالنسبه اله يستاهل التفكير صارت هي كل تفكيره وهو يدندن يتذكرها.
.
"ودي بشوفك ما تهم الطريقه"
"لو يحكموني من بعد شوفك اعدام"
"عايش وقلبي تشتعل به حريقه"
"واليوم يمضي في غيابك شهر عام"
.
رجعت بخطواتها للخيام وكل تفكيرها عنده دخلت تنسدح مكانها وسمعت صوت رفيف تهمسلها
رفيف... وين كنتي
ليلى... كنت اتمشى برا الجو حلو كنت باخذك بس نمتي.
رفيف... ايه حلو بس مالي خلق اطلع تعبانه وغير كذا الفجر فاشيين.
ليلى... ايه يلا تصبحي على خير.