يا شبيهت البدر في ناظريني لا وظني بعد مالك شبيه

ألبارت الثاني

الجهه الخلفيه الأخرى من القصر
واقفه قبال المرايا تتصور على ما يصل الليث حست بحركه خلفها والتفتت وما لقت احد سكرت الجوال او وقفت تصوير وما انتبهت للمقطع اللي صورته مع وصول الليث بوجه مخطوف.
ليلى...همست بأذنه وليث مو حولها أبد للأن ما تخطى لقاءه بالهنوف انتبه على ليلى من مسكت كف يده وحركتها كفيله تجيب آخرته ذكرته بملمسه الأيدها وملمسها الناعم تذكر شكلها تذكر لون فستانها الي كان واضح لعينه بشكل كبير تفاصيلها كل شي فيها جت كثيره عليه كثيره على قلبه اللي يحبها تمنى لو انها له تمنا لو يقدر يلمها يخبيها جواته وما يشوفها غيره حس بل غيره لو احد ثاني كان مكانه لو احد ثاني لمسها وشم عطرها شاف عيونها شعرها شفايفها عنقها لون فستانها الاحمر .
استوعب أن أخته واقفه حده من فتره تناديه
ليلى بأستغراب من حاله وشكله ...ليث فيك شي وين سرحان
ليث...ها لا ..لا ما فيني شي ليش طالعه برا
ليلى...بحواجب معقوده لا انتا فيك شي مو طبيعي مين ليه ساعه يدق عليك لجل جوال ابوي وما كنت ترد وليش تأخرت كذا
ليث بعجقه لسا مصدوم ومو قادر يتخطى ابد ...أي أي جوال ابوي هاتيه أخذه منها وقلها فوتي لا يجي احد يشوفك هنا ونسحب من عندها

حطت أصابعها ورا أذنها نهايه شعرها حركتها يوم تتوتر أو تفكر بشي حتا وهي سرحانه تعملها وبينها وبين نفسها...شبيه مو طبيعي اليله وسحبت حالها ودخلت مجلس الحريم .
عند الهنوف...اللي سرحانه لسا تفكر بالليث صحت على حالها من حست بمسكت أحد لكتفها شافت صقر واقف ويناطرها بحواجب معقوده سألها فيك شي ليش لون وجهك مخطوف الهنوف مسكت وجها وبلعثمه ..اااا.الالا وش صاير ما صار شي انت فيك شي.
صقر بأستغراب ... لا ما فيني شي انتي مو طبيعيه أحد كلمك
الهنوف وهي ميته من الخوف وتشكر الله أنه انسحب الليث قبل ما يجي صقر ويشوفهم سوا تكلمت ...لا حبيبي انا بخير بس مشتاقه لك وحضنته تنهي النقاش لأنه يعرفها من شكلها إذا صاير معها شي
صقر حس أنها مو طبيعيه لاكن ما حب بضغط عليها وباس رأسها
ابتعدت عن حضنه وشافت هديه بيده ضحكت وسئلته
الهنوف بدلع ... هاذي لي
ضحك صقر ومدها لها ... إذا مو لك لمين؟
مسك جوانب وجها وتكلم ...مبروك يا روح اخوك أن شاء الله كل ايامك الجايه نجاح وفرح فخور فيكِ يا دنيتي وتذكري اني دايم واقف معك وجنبك ومو مخليك .
الهنوف ...كون طيب وما ابي شي ثاني من الدنيا ابد
جلسوا بل جلسة الموجوده قدام الباب يكملو سوالف وهو يطمن عليها وعلى العيله وأمه بعد وقت
صقر ...يلا أجل أنا بروح تبي شي
الهنوف بضيق ... ما بتيجي البيت الليله امي تحاتيك ومشتاقه لك حتا هناي وهادي كل الوقت يسألو عنك
صقر ...جاي جاي بس بروح اشوف اليث دقلي من الصبح مو مطول يلا ادخلي لا تبردي

رجف قلبها وبان توترها من لفط اسمه سحبت حالها ودخلت بعد ما لف صقر لمجلس الرجال .

دخل بهيبته وثوبه الأبيض والغتره فوق رأسه رد السلام
وتقدم يبوس راس جده وأبوه وردو عليه كل الموجودين
بعد سوالف طويله بينه وبين جده وعمامه وأبوه سئله جده ...وين هل غيبه يا صقر لك مده ما جيت مختفي لهدرجه الديره وحلالك اغلا منا ؟
صقر ...افا عليك يا جدي محشومين وحقكم علي وبأبتسامه بس انت تدري ما اقدر على فراق الديره ولحلال هو لك قبل ما يصير لي.
الجد ... والله انك صادق يابوك الديره وهوا الديره غير يسوا مليون مدينه وبنص عين مير انت لا تزودها بل قطعه .
صقر ...ابشر يا جدي لك الي تبي .
طلال ... شرايكم ننزل احنا بعد الديره والله اني ملهوف لهواها
الجد ... والله انك جبتها يا ابو رفيف التفت لصقر وتكلم الليله خذ معك الليث ورياض اسبقونا جهزو الخيام
صقر ... أبشروا بعزكم والله الديره بتنور ..أجل أنا بتوكل وباخذ الشباب معي الجد فمان الله .
بل خارج وقف صقر على صوت أبوه يناديه التفت له
صقر ... هلا يبه
سعود ...بأصرار لمن يرد الجميع من الديره ابيك قبلهم كلهم بتجي البيت وما ابي اعتراض تفهم
صقر ... ابشر يبه تبي شي ثاني ؟
سعود ...أي فوت اطمن على امك لها يومين خايفه عليك شوفها وبعدين توكل
صقر ... أبشر ونسحب للداخل بعد ما كلم الهنوف تشوفله طريق يسلم على أمه يدري زين وش تبي بيه كل مره يصرف كلامها ما يبي يجادلها ويزعلها ابد تذكر حديثه معها قبل يومين اللي خلاه يروح الديره يختلي بنفسه .
قبل يومين بيت سعود آل نايف
بالصاله جالس صقر مع أمه يتقهوى بعد ما روح من المسجد
صقر بقهر ...يمه الله يخليلي ياك انسي هالموضوع مو ناويه تسكريه
منيره بزعل ... يا حبيبي ما ضل شي وتفوت الثلاثين وانت عزابي متا بتتزوج وافرح فيك بنات خالاتك مزيونات ومحترمان وسنعات فكر يا يمه
صقر بتصريفه ...طيب يمه يصير خير
الهنوف نازله من الدرج ...خير وش من الصباح يا وجوه الخير
منيره بأبتسامه ... بدور لصقر عاروس أخيراً
الهنوف بصدمه ... صقر وعروس هو وافق لفت له انت موافق مين العروس من جد تتكلمون
منيره ... اي شبيك انا بشوفله وحده من بنات خالاتك اولى من بنات الغريب .
الهنوف شهقت ... بسم الله على اخوي يمه وينه أوين بنات خواتك لا تزعلي مني مو لايق ابد
منيره بعصبيه خفيفه ... ليه مهو لايق حلوات أو أدب واخلاق وش ناقصهن
الهنوف ... مو ناقصهن شي يعني انتي بس ما ادري يمه ما يصير كلهن دلوعات وم.....قاطعها صوته
صقر ... انا موجود إذا يهمكوا
الهنوف ... تدرين يمه ما يلوق الا المها بنت عمتي أديم قويه وقد حالها ماهي دلعه ولا مدلله .
صقر حس أنه لازم ينهي الموضوع لا يتعمقو أكثر ... خلاص الله يرضى أنا بس ابي اتزوج بكلمكم الحين انسو موقته
وطلع تارك لهم القعده .
الحين ... فتحت الهنوف الباب له ودخل شاف أمه مقبله عليه بابتسامة مزينه وجنتيها حضنها وباس رأسها ويدينها
منيره ... هلا يمه هلا بعيوني
صقر ... هلا بل غاليه هلا حبيبتي كيفك يمه
منيره ... بخير يا بعد قلبي انت شخبارك وينك فيه من يومين يمه والله اني خفت عليك وبزعل لا تعيدها مره ثانيه
صقر ... امرك يا منيرتي هاذا انا قدامك بشحمي ولحمي لا تخافي
بمزح شايفيتني ورع
الهنوف ... نحن هنا يا عالم انا شفافه قدامكم ولا ايش
صقر ... انتي الدنيا ولي فيها
انا بروح الديره وباخذ اليث  ورياض معي جدي يبي يبيت هناك بل خيام .
الهنوف بفرح ... احلف صقر من جد بننزل للديره لنا فتره طويله ما نزلنا بروح أخبر البنات
صقر ... اي جهزو حالكم وشاف طريقه لبرا البيت وفاتت الهنوف ركض للمجلس الي فضي من لضيوف حتا بنات العيله خلصوا احتفال وغيرو لبسهم وقاعدين ببجايم البيت
الهنوف بصراخ ..بصراخ فجع البنات ... بناااااااات بننزل للديره كلنا جدي قال جهزو حالكم
صرخو البنات كلهم من الفرحه جوهم الديره والبر والخيام رغم حياتهم المتحضره الي عايشينها لكن يحبو قعداتهم بل بر ولكشتات
المها ... يا سلام يا بنات من الحين اقلكم بنفلها هناك وبنفحط بالدباب
ليلى ... والله وناسه كان بخاطري من زمان ننزل .