රියා ,.. දැන් ඔය කෝස් එකට කොළඹ යන්නම ඕනද..?
අනේ අම්මේ මං සෙනූට පොරොන්දු වුනා එක්සෑම් එකෙන් පස්සේ එයා එක්කම කෝස් එක කරනවා කියලා..
ඕන එකක් , මට සෙනූගේ අක්කත් කතා කරා , පරිස්සමින් වැඩ ටික කරගන්න.. මෙහේ වගේ නෙමෙයි එහේ..
ඒ රියානාගේ ගෙදර .. රියානා එයාලා තෝරගත්ත ඉංග්‍රීසි අයිටී කෝස් එකයි ගෙදරට හොරෙන් කරන කොරියන් කෝස් එකයි කරන්න තෝරගෙන තිබ්බේ කොළඹ.. මොකද රියානාගේ හොදම යාළුවා සෙනූට වෙච්ච පොරොන්දුව නිසා..
.
.
.
පුතා.. මට උඹව කොළඹ යවන එක ප්‍රශ්නයක් නෙමේ.. ඒත් උඹ ලොකු මාමලාගේ ගෙදර නවතිනවටනම් මං ආස නෑ.. ලොකු මාමා හොද වුනාට අර අම්මණ්ඩියි වුගේ පුතයි නම් මට පේන්න බෑ..
අයියෝ අම්මේ.. මාස 2ක් 2 1/2ක් විතරයි නේ..
උඹ ගියාට කමක් නෑ.. අර නොසන්ඩාලයා එක්ක රස්තියාදු ගහලා එක එක ජරාව බොන්න තියා ගත්තොත් නේ..
අනේ අම්මේ මං ඒම කෙනෙක් නෙමෙයි කියලා දන්නවනේ..
හරි හරි උඹ ඔය කරන කෝස් ටික කරගෙන පරිස්සමින් ඉන්නවනම් මට ප්‍රශ්නයක් නෑ.. ඒ කොළඹ .. මෙහේ වගේ නෙමෙයි..
