" University of Peradeniya " කියලා ගහපු ටී ෂර්ට් ඇදගත්ත ළමයින්ගෙන් අද සදානා ගේ මුළු ගෙදරම පිරිලා..
ගෙදර වත්ත විතරක් නෙමෙයි ගෙදරට හැරෙන තැන ඉදන්ම කැම්පස් ලමයිගෙන් පිරිලා..
මෙච්චර යාළුවෝ ගොඩක් සදානව බලන්න ආවාමද කොහෙද..
ඒත් අද එයාලාගේ සදා සාලේ මැද පෙට්ටියකට වෙලා ලස්සන සුදු ඔසරියක් ඇදන් තද නින්දක..
මුළු ගමක් රටක් අඩවලා සදානා අද මොකුත් නොවුන විදියට එයා සැනසීම හෙව්ව ලෝකෙට ගිහින්..
ගමක තරම් කැම්පස් ළමයි පිරිච්ච සදානාගේ මළගෙදර ඔක්කොම වැඩ සිද්ද වුනේ සදානාගේ ආදරණීය කැම්පස් යාළුවොන්ගේ අතින්..
මුළු ගමක් පුදුම වෙන්න ඇති..
මෙච්චර සෙනගක් මීට කලින් මළගෙදර ක දැකලා නැතුව ඇති..
ඒ තමයි කැම්පස් යාළුවො.. කැම්පස් එක ඇතුලේ බෙදිලා
කොච්චර ගහමරා ගත්තත් ඕනම වෙලාවට
දුකේදි සැපේදි හැමදාම එකට ඉන්න වුන්..
අද සදානා හිටියනම් එයා හිතයි එයා තනි වෙලා නෑ කියලා..
ක්‍රිෂ්ලා යද්දිත් කැම්පස් එකේ කොල්ලෝ ටික බැනර් දානවා..
සමහරු සව්කොළ වලින් රැළි පාලම් අලවනවා..
ඒ අස්සේ කෙල්ලෝ කුස්සියට බැහැලා ..
තේ හදනවා , තේ අල්ලනවා..
සූ ගාලා සෙනග ..
ගොඩක්ම කැම්පස් ළමයි ..
