යෂ් අහන්නකෝ රත්තරං , දැන් රියා ඉන්නවානේ මොකුත් වෙලා නෑ එයාට ම්ම්.. මේ කෙල්ලත් කරන පිස්සු වැඩ.. කෝ දැන් අපි යං බෝඩිමට..
ඔයා හරියට උදේට කෑවෙත් නෑ..
ම..මට බෝ..බෝඩිමට යන්න බෑ..
ඒනම් කොහෙද යන්න ඕන ම්ම්.. අයියට කියන්නකෝ..
ම.. මට නිදහස් තැනකට යන්න ඕන..
වැස්ස නිසා ගාර්ඩ්න් එකට යන්නත් බෑනේ.. ම්ම්.. හරි තැනක් තියෙනවා යමූ..
කොහෙද ...
කටුගස්තොට අපේ අම්මට අයිති එපාට්මන්ට් රූම් එකක් තියෙනවා ඒකට යං..
එපාට්මන්ට් රූම් එකක්...
ඔව් ඇයි..
එපාට්මන්ට් රූම් එකක් තියෙනවා නම් ඇයි අයියා බෝඩිමක ඉන්නේ.. ඒකේ ඉන්න පුළුවන් නේ..
ආ.. මේ.. ඒක අපේ අම්මාගේ එකක් නේ.. ඒක මේ.. ඒක මං වෙන අය පාවිච්චි කරනවට ආස නෑ.. මාත් නිදහසේ ඉන්න එතනට යන්නේ.. ඒ තැන දන්නේ මායි අම්මයි විතරයි .. ම්ම්.. මේ ඉරෝවත් දන්නෑ..
ආහ්.. ම්ම්.. ඒනම් යමු..
ක්‍රිෂ් යෂ්වත් එක්කන් එපාට්මන්ට් එකට ගියත් යෂ් හිතුවා වගේ තැනක් නම් නෙමෙයි ඒක..
යෂ් නම් හිතුවේ පාළුවට ගියපු තැනක් කියලා වුනත් මේක හැමදාම වගේ පාවිච්චියට ගන්න තැනක් විදියට ඕන කෙනෙක්ට පේන්න තිබුනා..
කිව්වා වගේම නිස්කලංක පරිසරයක පිහිටලා තිබ්බ එපාට්මන්ට් එක වැහි ගතිය නිසාම අමුතුම වටපිටාවක් එමොහොතේ නිර්මාණය වෙලා තිබ්බා..
ඒ වගේම මොකක්දෝ ගුප්ත බවක් හැංගිලා නොතිබ්බාම නොවේ..
