" خلف السجون "

part 18

....

وصل عدنان للمقر ونزل من سيارته ودخل مُسرع

وتوجه لغرفة الإستخبارات فتح الباب ودخل وشاف سعد جالس عند جهاز التعقب عقد حواجبه وقال:  متى جيت؟

تنهد سعد وقال:  قبل شوي.

عدنان تقدم منه وجلس على الكرسي وقال:  وش تسوي عند جهاز التعقب؟

سعد بضيق:  بشوف وين سلطان راح مني واحد لا يروح الثاني..

عدنان تنهد بحزن وهمس:  الله يرحمه ويغفر له

سعد:  الله يرحمه  .

عدنان برجفه: سعد... بنتي أرسلت لي..

التفت سعد بقوه وقال:  أرسلت؟!
عدنان اومئ ومد الجوال لسعد وأخذه سعد بسرعه وهو يشوف الصورة وقال: أكيد تبي توصل لنا شي من هالصورة..

عدنان:  انا متأكد لكن الحين ابيك تتعقب الرقم وتشوف مكان إرسال الصورة ونتعقب كاميرات المراقبة من هناك..

سعد:  لازم تدخل من الشرطة هناك.

عدنان: علمهم يا سعد علمهم.

سعد اومئ وهو يناظر الصورة ومسح عدنان وجهه وقال: ما ودي يصيبها شي يا سعد..

سعد بهدوء:  بإذن الله ما بيصيبها شي، بدق على سلطان وببلغه يجيني الحين وبنسئله عن مكان إرسال الصورة إذا يعرف أحد يسكن هناك..

عدنان: خير ما تسوي...

مد سعد الجوال لأحد الرجال الجالسين على الأجهزة وقال له يطلع مكان الإرسال..

عدنان:  الحين وش السواة مع سلطان؟

سعد بهدوء  : خلاص سمعت القرار، سلطان بيطلع من الفريق.

عدنان:  الولد بينجن إذا علمته..
سعد:  أساساً مخالفته للأوامر ذريعه لجل يطلع من الفريق.
عدنان:  بتتركه يتحرك بشكل فردي؟

سعد بهدوء  :  سمعت وش قال لنا (****)  .

تنهد عدنان واومئ وقال:  كلامه صحيح..
سعد:  سلطان من اليوم خارج الشغل بنسئله عن المكان وبس..

عدنان:  خير إن شاء الله، الحين سلطان ما يقدر يسافر لأن الأوامر تقول ممنوع نخرج له جواز جديد و سلطان ما يقدر يسافر بجوازه الأصلي لأن كوزا يتتبعه ومعمم أسمه في كل مكان وعند كل رجاله وممكن ينقتل لو سافر..

سعد:  أساساً هذا الي يبونه، سلطان يبقى هنا ممنوع يسافر لأن حياته في خطر وهو مستهدف رأساً من كوزا..

عدنان اومئ بضيق وهو يتذكر وعد سلطان له انه بيرجع بنته:  أجل أنا الي بسافر.

سعد: تسافر!  أساساً هذا الي يبيه كوزا يبيك تسافر له لجل ينهي أمرك..

عدنان:  اجل وش أسوي يا سعد بنتي ماني تاركها عندهم بنقذها أكيد..

سعد:  بتنقذها ولكن حسب خطة الفريق تتحرك لحالك ممنوع..