_
ضحك شُجاع وابتسمت شموخ : من جيت وانت مناشبني ،
شُجاع : وعاد اول مره اشوفك تضحكين و تبتسمين زي الناس،
شموخ : تراي احب الحياة و احب اضحك مو نفسيه بس كل اللي صارت بحياتي خلتني كذا ،
شُجاع : وشصار؟
شموخ اخذت نفس ونطقت : اشياء كثيررره ،
شُجاع سكت لثواني و رفع نظره : اسالك سؤال ؟
شموخ هزت راسها بالايجاب ونطق شُجاع : مين أمك؟
شموخ : ما تعرفها انت محد يعرفها الا انا ،
شُجاع : شلون امك هناك وانتي هنا و ابوك مجهول؟ وش يصير معاكِ؟ ليه ما تتكلمين ؟
شموخ التفتت عليه بهدوء : ابوي اللي باعني وضحى فيني ،
شُجاع عقد حواجبه : شلون فهميني!
شموخ : ما اعرف بس كبرت وهذا اللي فهمتها ،
شُجاع : اي علميني وش فهمتي؟
شموخ : فتحت عيوني على هالدنيا وانا عند انسانه اناديها امي وكبرت وصارت عمري عشره سنوات و اخذوني منها عند انسانه ثانيه و قالوا هذي امك عجزت اصدق كنت ابكي ابغى امي اللي اعرفها بس للاسف قالوا ماتت واللي قالوا هربت وتركتك يعني سكتوني وعشت حياتي وانا ماغير ابكي كيف تركتني و ربتني وحده مربيه وكبرت وفهمت الحياة و استوعبت اني وحيده مالي ام وانها تركتني وهربت والى الان ماعرفت وش القصه و ايش اللي حصل وهي فعلًا هي تركتني وهربت؟
سكت شُجاع بصدمه وهمس : و ابوكِ؟
رفعت كتوفها شموخ : ما أعرف بس بعد كل السنين ذيك جاء جدي عبدالمحسن اخذني وقال انه هو جدي و ان ...اخذت نفس وبلعت ريقها ونطقت : و ان عمك يوسف هو ابوي و ان رماني و امي هربت عشان جابوني بطريقه غير شرعية ومن وقتها كرهت كل شي بحياتي كرهت كل اللي حولي كرهت هالانسان هو سبب العذاب بحياتي عجزت اتحمل كل هالاشياء لين صوت انسانه بايعه حياتي اطلع مع هالبنات ادخن امشي معاهم ما همني شي بس ابغى انسى كل اللي صار ،
كان شُجاع ساكت ويسمع ومصدوم من كل كلمه منها وهمس بصدمه : مستحيل كيف اقتنعتي ان القصه كذا وانتهى؟
شموخ عقدت حواجبها : شلون؟
سكت شُجاع وهو متاكد ان الحقيقه مو كذا و شموخ عايشه حياتها بكذب والكلام اللي انقال لها كلها كذب لاجل تسكت و ان انغدر فيها وسكت يناظر فيها بصمت ،
وهمست شموخ : يوم صار عمري بالعشرينات جيت هنا ترا ،
شُجاع بهدوء : عشان كذا كنت مستغرب كيف يوم رجعت لقيتك وفجاة جدي يقول بنت عمك!
شموخ سكتت وكمل شُجاع ...
#يا_عذابي_لا_دنى_الليل_من_رووس_الجبال
-
وهمست شموخ : يوم صار عمري بالعشرينات جيت هنا ترا ،
شُجاع بهدوء : عشان كذا كنت مستغرب كيف يوم رجعت لقيتك وفجاة جدي يقول بنت عمك!
شموخ سكتت وكمل شُجاع : متاكده هذا اللي حصل فقط!
هزت راسها شموخ بالايجاب وسكت شُجاع يطالع فيها وهز راسه يتوعد انه يعرف الحقيقه من الجد عبدالمحسن ولانه الجد عبدالمحسن كذب على شموخ و خبى الحقيقه ،
ونطقت شموخ بدموع : حياتي تدمرت من ذيك الساعه ،
رفع نظره شُجاع يناظر بعيونها يلمح دموعها بمحاجر عيونها واخذت نفس شموخ بتعب : ابغى انهي حياتي و ارتاح ،
اخذ نفس شُجاع : ما ينفع كل هالكلام باقي قدامك حياة وباذن الله تعيشين حياة افضل وتنسين كل شيء ،
التفتت عليه شموخ : ما انسى يا شُجاع مستحيل انسى كل شي،
ابتسم شُجاع يغير الجو ونطق : اذا تزوجتي وخلفتي عيال بتنسين وتنشغلين بحياتك ،
هزت راسها بالنفي تصد : مستحيل اتزوج مستحيل ،
عقد حواجبه شُجاع يناظر فيها وبلعت ريقها شموخ تناظر اتجاه المسبح ونطقت : انخطبت من قبل بس رفضت وقلت ل جدي مستحيل اتزوج ولو اجبرني ف راح انهي حياتي ،
عقد حواجبه شُجاع بصدمه : ليه؟
شموخ ناظرت فيه بدموع : ابوي تخلى عني و امي تخلت عني ما ابغى بكره اجيب عيال و يصير فيهم نفسي ،
تنهد شُجاع وهمس : ما بيصير نفس الشيء! استوعبي ان...لكنه سكت من صدت شموخ ونطقت : لا تفتح هالطاري معي ،
هز راسه شُجاع واخذت نفس شموخ وشدت على كفها بصمت تناظر بهدوء والتفتت عليه تشوفه ساكت ويفكر وسرحان ونطق شُجاع يناظر فيها : الوقت تاخر نامي ،
هزت راسها بالنفي : ما انام بدري ،
شُجاع سكت لثواني و ابتسم : بنروح مكان اخذك انتي وحنين والبنات كلهم ،
شموخ باستغراب : وين؟
شُجاع : قد رحتي لمزرعة جدي ؟
ابتسمت شموخ وهزت راسها بالايجاب : احب اروح دايم ،
شُجاع : من جيت ما رحت انشغلت ف اروح و اخذكم ،
شموخ هزت راسها بالايجاب و ابتسمت وناظر فيها شُجاع لثواني و بادلها الابتسامة وتركها ومشى يدخل لداخل ،
-
#يا_عذابي_لا_دنى_الليل_من_رووس_الجبال
