-
~ شهر العسل هولندا عمر و شادن ~
كانوا جالسين باليخت التفتت تشوف منظر البحر وابتسمت ترجع تلتفت عليه : اعشق منظر البحر ،
عقد حواجبه : يعني تعشقين حاجه غيري؟ اجل برميك ،
ضحكت وكمل كلامه : خل نرجع و اقول لامي اخترتي لي وحده تعشق كل شي بالدنيا الا انا ،
شادن : اي وانا بلوم ابوي عطيتني واحد ماغير يقمعني ،
رفع نظره بسخرية : صادقه انتي! انا اقمعك ؟
ضحكت تهز راسها بالايجاب و ابتسم : ياكثر ما تكذبين ،
ابتسمت بخفه ونزل نظره من رن جواله و رد : هلا ،
ماجد : وشو هلا؟ نسيت ان وراك اهل؟ ما صدقت انك تتزوج؟
عمر : يخي انتم ما تخلون احد يستانس ناشبين ناشبين ؟
ماجد : اقول تراك فليتها ارجع بس ابوي يسال عنك ،
عمر : شفتوا خليتكم تشتاقون لي وانا جالس اتهنى هنا ،
ماجد : صدقني محد يشتاق لك الا ابوي وامي ،
عمر : وانت ليه متصل؟ مو اشتقت؟
ماجد : لا طبعًا تخسى اتصلت عشان ابوي سال مني عنك ،
عمر : يخي تراك مفضوح اعترف ،
ماجد : طب اذلف ، وقفل بوجهه ،
ونطق عمر بصدمه : يلعن شكله طلع صادق ما اشتاق ،
التفتت عليه شادن : محد يشتاق لك الا انا و امك طبعًا حاليًا فقط امك كثر ما ناشبتني ،
رفع نظره بصدمه : قد كلامك؟
ضحكت شادن تهز راسها بالنفي : لا والله مو قد كلامي ،
-
~ بيت تركي ~
كان جالس تركي شايل دانه يلاعبها و عبدالمحسن و احمد حوله يسولفون معه وبكت دانه ،
نهى ضحكت وهمست : حنان تعالي شيلي دانه قاعده تبكي ،
خرجت حنان من غرفتها ومشت تاخذها من ابوها : حرام ،
تركي : وشو حرام هي بكت فجاه ،
حنان ناظرت فيه بنص عين : متاكد انك ما قرصتها ؟
تركي ضحك بصدمه : منجدك؟
ضحكت حنان : امزح بس هذي ما تسكت الا معي ،
-
#يا_عذابي_لا_دنى_الليل_من_رووس_الجبال
-
~ بيت يوسف ~
وقف سيارته شُجاع والتفت عليها : ارجع اخذكم في الليل ،
شموخ باستغراب : ما بتنزل انت؟
شُجاع : لا اروح عندي و وليد جاي هناك اجلس معاهم شوي و اروح للدوام اذا تحتاجين شيء اتصلي ،
هزت راسها شموخ بالايجاب : يلا بنات انزلوا ،
نزل شُجاع قبلهم فتح الباب للبنات ينزلهم من السياره ومشى عند شموخ يفتح لها الباب ابتسمت بخفه لانه ما ترك حركاته
ونطق : انتبهي على نفسك والبنات ،
هزت راسها : من عيوني وانت كمان ،
مشت لداخل والبنات معاها وقفت تدق الباب وعقدت حواجبها تلتفت وضحكت من وقف سيارته ماجد ونزلت غايه ومشى شُجاع يحضن ماجد ومشت غايه وشهقت : شموخ!
شموخ ضحكت تحضنها : وحشتيني! ليه ما علمتيني انك جايه!
غايه : ما عطاني فرصه اخوك فجاه سحبني هنا ،
التفتت شموخ من نوره فتحت الباب وابتسمت من شافت البنات هناء و نجد و انحنت تحضنهم : ياهلا ياهلا ،
ابتسمت شموخ تدخل و دخلت غايه معاها و وقفت حنين وقعدوا يحضنون بعضهم و يصافحون بعد دقايق تجمعوا يجلسون بالصاله ،
ونطقت غاية : غريبه البيت هدوء وين عيالك الوحوش؟
حنين بضحكه : رسلتهم عند ابوي وترا جيت امس ،
غايه : احلفي! شكله اجل زوجك اتصل على زوجي عشان يجي،
حنين : اي صح عبدالهادي قال ناوي يقابل ماجد اليوم ،
نوره ابتسمت : والله الحين صرت احس بالحياة في البيت خلوني اسوي القهوة للعيال واجيكم ، ومشت تتركهم ،
والتفتت غايه على البنات : يناسووو يهبلون ،
حنين : شفيها هناء كيف ضعفت ؟
شموخ : مغروره ما غير تهاوش وتنفس علينا ،
غاية بضحكه : طالعه على عمتها حنين اجل ،
حنين بنص عين : خير ماني كذا!
ضحكت شموخ وفزت من صوت الباب : يمه مين!
حنين : عيالي الشياطين مين غيرهم ،
غايه : من شفت عيالك غسلت يديني ما ابغى ولد يازين البنات كيف مؤادبين ما شاء الله عليهم ،
-
#يا_عذابي_لا_دنى_الليل_من_رووس_الجبال
