_
~ صباح يوم جديد ~
لبس ثوبه شُجاع وعدل شعره وخرج من غرفته وعقد حواجبه يسمع صوت حنين معصبه وخرج بحركه سريعه ،
سلمان وقف عند التلفزيون : انا جيت قبلك وشغلت ،
حنين بحدها : لا صار بيت ابوك وقته قل هالكلام وخر بس بتابع مسلسلي ،
سلمان : ماراح اوخر انا جيت قبلك ،
حنين بتهديد : قسم بالله لا اصفقك ولا علي من احد ،
سلمان بعناد : ماراح اوخر ،
شُجاع توجه لهم ونطق : وشصاير !
سلمان : انا جيت قبلها وشغلت التلفزيون تبي تغير القناة ،
حنين : بتابع مسلسلي وهذا بيت ابوي مو بيت ابوك ،
شُجاع بصدمه : حنين وش حركات الاطفال هذي؟
حنين : لا تتدخل انت يا شُجاع يكفي انه هالثور هنا بسببك،
سلمان : انتي الثور مو انا ،
شُجاع التفت على سلمان بصدمه : ولد عدل لسانك!
سلمان سكت يناظر ب حنين بعناد ،
وخرج وليد وضحك يناظر : وش فيكم تتهاوشون ؟
شُجاع تنهد بقلة حيل يناظر فيهم بصمت ،
حنين : وليد بالله اسحب منه الريموت يحسب بيت ابوه ،
وليد التفت على سلمان : هييي انت حدك على اختي!
شُجاع رفع نظره على وليد بصدمه : حتى انت!
وليد ابتسم : والله معليش اوقف مع اختي ،
سلمان بصراخ : مامااااا ،
حنين : لا بالله! تحسب امك تقدر توقفني!!
شُجاع بهدوء : حنين عندك جوالك وعندك اللابتوب اتركي الولد يتفرج ليه تحطين راسك براس الطفل!
حنين بحدها : ابغى اتابع هنا ،
سلمان بصراخ : ماراح اخليك ،
حنين : هيييي لا تصارخ والله اصفقك !
وليد بضحكه : والله مو صاحين ،
شُجاع : عمومًا انا بمشي اشوف جدتي وبعدين اروح للدوام ،
وليد : تمام وانا بلبس ثوبي وبخرج و خل ابوي يجي يتفاهم مع البزران هذول ،
شُجاع ناظر ل حنين ونطق : مدري شقول ، وصد يخرج ،
-
~ بيت يوسف ~
ماجد : هات هات طلع الفلوس ،
عبدالهادي : قسم بالله مدري وش كتبتوا البنت ماعاد لها حس ولا حتى كلمتني !
عمر : وحنا شدخلنا يمكن ما تحبك ،
عبدالهادي : لا يا شيخ!!
ماجد : حركات تاخذ اللي تبغى وبعدين تجحد ماهيب عندنا والله لا افضحك عند امي ،
عبدالهادي : طب يالكلب اصبرو خلني استلم الراتب ،
عمر : اي كذا وعاد استعجل ما نبغى ننتظر ،
عبدالهادي : اهخ لو ادري بس وش كاتبين ،
-
#يا_عذابي_لا_دنى_الليل_من_رووس_الجبال
-
~ قصر الجد عبدالمحسن ~
كانت الجدة هيله جالسه تفطر مع الجد عبدالمحسن والتفتت من دخل شُجاع ونطق : السلام عليكم ،
رفع نظره الجد عبدالمحسن : وعليكم السلام ،
الجدة هيله : وعليكم السلام ، تقدم شُجاع يقبل جبينها ويجلس جنبها : عاد جدي خلاص اصير اشوفه في الشركه كل صباح جاي هنا عشانك انتي ،
الجدة هيله ما ردت وكملت تاكل وسكت شُجاع وعرف انها زعلانه منه ونطق : طوينا صفحة الماضي كلنا الا انتي يعني؟
الجدة هيله : ما كلفت على نفسك تجي تعتذر عن افعالك ،
شُجاع : جدتي انتي عارفه والله اني مو لاقيه وقت اتنفس حتى يادوب انام كم ساعه و اصحى اروح الدوام واخلص مشاويري،
الجدة هيله : حتى ما تقدر تتصل!
تنهد شُجاع : لو تدرين كنت ناوي اجيكِ امس الليل بس قلت يمكن انك نايمه ف جيتك الحين ،
-
~ بيت تركي ~
حنين : كريه هالولد يا وليد كيف نتحمله !
وليد : مو مشكله ما يحتاج تتحملين قدك راح تتزوجين ،
حنين بصدمه : زواج وش؟؟
وليد : بتعرفين بعدين اذا ابوي رد لهم والظاهر انه يرد لهم من الليله بعد حركاتك مع سلمان ،
حنين : اي زين وانا بنفسي اوافق عشان افتك من نهى ،
وليد بضحكه : ميته على الزواج انتي!
حنين صدت : لا يا حبيبي بس ابغى ارتاح من هالحية وولدها،
وليد : عاد حاطين شُجاع محامي دفاع لهم ،
حنين : مدري هذا وش صاير لعقله! مو طبيعي يا وليد ،
وليد : بيني وبينك تراه يحاول يضبط العلاقات عشان يقنعهم بشموخ وانه ما وده يطلقها ،
حنين بصدمه : منجد؟؟؟
وليد بضحكه : مدري عاد بس اتوقع يعني بعد ما دخلت بحياته صاير عاقل و يكسب رضا الكل ،
حنين سكتت تناظر وضحك وليد وخرج و رفع نظره يشوف سلمان اللي وقف : بجي معاك ،
وليد : وش الي بجي معاك ترا رايح الدوام مو ملاهي ،
سلمان : ادري بس بجي ،
وليد : اي تعال عشان تنجلد من ابوي ،
حنين كانت واقفه وراهم ونطقت : اي تكفى خذه غثني ،
ضحك وليد وخرج ومشى سلمان يخرج خلفه نزل وليد يتوجه لسيارته لكنه وقف يرفع نظره اتجاه بيت حليمه وتنهد من تذكر إيلين قاطعت علاقتها فيه من ليلة المزرعه و حظرته من كل مكان وتنهد والتفت من نطق سلمان : نمشي؟
هز راسه وليد يركب سيارته ومشى سلمان يركب قدام ،
-
#يا_عذابي_لا_دنى_الليل_من_رووس_الجبال
