_
~ عند شموخ ~
خرجت من الغرفه وسحبت الشال وحطتها بين كتوفها ومشت تنزل من الدرج و رفعت نظرها تشوف الجده هيله جالسه واخذت نفس من اعماقها وتقدمت تجلس على طرف الكنب قبالها وهمست : غلطت بشيء انا؟ ليه مو قادرين تحطون عيونكم بعيوني و تكلموني ليه تعاملوني كذا فجاة؟
التفتت عليها الجدة هيله ونطقت : مافي شي كذا ،
شموخ بهدوء : والله اني ما سويت شيء غلط اذا ما تثقون فيني طب اسالوا منه هو ! والله ما سويت شيء غلط ،
الجدة هيله هزت راسها بالايجاب : واثقين فيكم حنا ،
رمشت شموخ وكملت الجدة هيله : بس مو عارفين كيف نكلمك بموضوع مهُم ،
عقدت حواجبها شموخ باستغراب : اي موضوع؟
الجدة هيله اخذت نفس وسكتت لثواني والتفتت تناظر فيها ونطقت بهدوء : الحين انتي صرتي في سن الزواج وانا وجدك فكرنا بالموضوع و ...ما كملت كلامها قاطعت شموخ وهي تناظر بصدمه وهزت راسها بالنفي : مستحيل جدتي! مستحيل اتزوج تكفين جدتي امنعي جدي من هالموضوع ،
الجدة هيله عقدت حواجبها : وليه ما تتزوجين؟ البنات اللي بعمرك متزوجين وجايبين بدال الواحد عشره طفل وش ناقصك انتي؟ ما نثق ب اعمارنا انا وجدك ما نعرف متى نمشي من هالدنيا ف نبيكِ تتزوجين وتشوفين حياتك ،
هزت راسها بالنفي وهمست : مستحيل جدتي م..سكتت تلتفت على صوت الباب و رفعت نظرها من دخل شُجاع وحالته حاله وسرحان يناظر بالارض و بكفه الاخر يقفل الباب وما رفع نظره ولو ثانية كان يناظر بالارض ومتوجه يمشي لغرفته لكنه وقف يسمع صوتها وبكائها : ما ابغى اتزوج تكفين جدتي تكفين حاولي تمنعين جدي راضيه اموت ولا اتزوج ،
التفت شُجاع بصدمه على كلامها و رفع نظره يطالع فيها بصمت يشوف دموعها تنهمر على خدها وبلع ريقه وهو يناظر،
وصدت الجدة هيله وهمست : هذا قرار جدك ،
تنهدت شموخ بضيق : ليه ترموني بالجحيم بيدينكم ،
رفعت نظرها الجدة هيله : اذا ما تصرفنا حنا بهالوقت ف صدقيني بيجي ابوكِ بياخذك من هنا ،
#يا_عذابي_لا_دنى_الليل_من_رووس_الجبال
-
تنهدت شموخ بضيق : ليه ترموني بالجحيم بيدينكم ،
رفعت نظرها الجدة هيله : اذا ما تصرفنا حنا بهالوقت ف صدقيني بيجي ابوكِ بياخذك من هنا ،
شموخ رفعت نظرها بصدمه : مو جدي وعدني مستحيل يسمح له انه يجي ياخذني! مو انتم وعدتوني ان رفضت شي مستحيل تجبروني طب ليه الحين تسون فيني كذا!!!
رفعت نظرها الجدة هيله على شُجاع اللي واقف عند الدرج واخذت نفس تصد ما ودها تقول بسبب شُجاع كل هذا ،
-
~ عند شُجاع ~
دخل غرفته بهدوء وقفل الباب خلفه وهو يناظر بالارض ومد يده يفتح ازرار ثوبه لكن غمض عيونه بتعب من عرف حقيقة شموخ وكيف عايشه بكذبه وكل حياتها كذب في كذب الحقيقه يوجعها ويكسرها ومستحيل انه بيوم هو يعلمها ويكون السبب! لكن بنفس الوقت مصدوم كيف عاشت بكذبه نفس كذا! والسبب عمه وجده هز راسه بقهر وقلة حيل ومشى يجلس على الكنب وينزل راسه ويمسك راسه بتعب من التفكير عجزان يستوعب كل هذا الصدمه من هول الصدمه ماهو عارف كيف يتصرف كيف يمنع زواجها من انسان ثاني كيف يستوعب الانسانه اللي حط عينه عليها مستحيل تصير من نصيبه والكل يوقفون ضده لو حاول او فكر مجرد تفكير! انحط ب اسواء الظروف وصعوبة الامر ما تنوصف شد على كفه بغضب و حرك رجوله بتوتر وهو يفكر لكن عقد حواجبه يسمع صراخ شموخ فز من مكانها و فتح باب غرفته يركض ينزل تحت مصدوم ،
-
~ الصاله ~
كان واقف الجد عبدالمحسن و شموخ تبكي وتلومه على كل شيء وليه تغير فجاة ويبغى يرميها على اي انسان ويفتك!
نطقت بصراخ : ليه تسوننن فينييي كذااا كلكم!!! ليهه ؟؟
رفع نظره شُجاع وهو يناظر بصمت ،
الجد عبدالمحسن : لين متى اقعد اركض وراكِ انا؟ كل اللي ابيها انك تتزوجين وتعيشين حياتك وتنسين الماضي ،،
شموخ نزلت دموعها : انت يا جدي سرقتني من حضن امي ذيك اللحظه عيوني ما شافت الا انت ! كنت بعمر العشرة سنوات يا جدي كنت استوعب كل شيء وشفتك وانت تاخذني منها رغم اني بكيت حاولت اوقفك حاولت اقول لا تحرموني منها بس محد سمعني حتى هي ما سمعت صراخي وبكائي ونفس الشيء اليوم محد منكم قاعد يسمعني ولا يسمع بكائي عشت في هالجحيم وتحملت كل شيء وبرجع اعيش مره ثانيه،
#يا_عذابي_لا_دنى_الليل_من_رووس_الجبال
