-
~ في الرياض يوم جديد ~
كانت في المطبخ تسوي بان كيك على السريع و رفعت نظرها على عمر اللي نطق : اوه الريحه تشهي الصراحه ،
شموخ ابتسمت بخفه وتقدمت : وين العسل؟
عمر ابتسم : هذاني قدامك ،
رفعت نظرها بسخرية : عمر! برفسك ترا وخر عني ،
ضحك عمر وعقد حواجبه يسمع صوت الباب : شكلهم وصلوا،
شموخ ابتسمت تخرج قبله ومشت فتحت الباب وضحكت من شافتهم واقفين وبيدهم باقة الورد وتقدمت تحضنهم وتبتعد وهمست : وحشتوني ،
ماجد : والله البيت بدونك ولاشي ،
خرج عمر وناظر فيهم : اعترفوا وحشتكم صح؟
عبدالهادي بسخرية : لو بيدنا بنقولك انت اجلس بناخذ شموخ،
عمر ضحك وتقدم يحضنهم ويصافحهم وقفلت الباب شموخ وتقدموا يجلسون وهمست شموخ : كيفها ماما؟
رفع نظره ماجد و ابتسم لانها من فتره صارت تنادي نوره ب ماما لانها اثبتت لها بالفعل انها تصير لها الام وكل شيء ،
وهز راسه ماجد : بخير والله ، تنتظرك ،
عبدالهادي : عادها قايله ما بتاخذ فستان العرس الا ع ذوقك ،
شموخ تنهدت : والله عندي شغلي مقدر اترك كل شيء وراي،
عبدالهادي بسخرية : اول مره اشوف اخت ما همها عرس اخوها وهمها شغلها! يا بنت الحلال زواجي!!
شموخ : صحيح زواجك بس عادي اذا ما حضرت المهم اني مبسوطه لك و ادعي لك بكل خير ،
عبدالهادي : خلي دعواتك عندك واخلصي بتمشين يعني بتمشين و انتهى النقاش ،
عمر : طب اتركوا عنكم الهواش ترا جعت خلوها تقوم تكمل تسوي الفطور ، ضحكت شموخ توقف و ترفع شعرها لفوق وتتوجه تدخل المطبخ وتكمل تسوي البان كيك ،
-
~ بيت تركي ~
كان منسدح يناظر بالسقف غفى وهو يفكر فيها وصحى وما زال يفكر فيها اخذ نفس من سمع صوت الباب و دخل وليد وعقد حواجبه يشوفه صاحي لكنه ما خرج : ننتظرك على الفطور!
شُجاع هز راسه بالايجاب : جاي ،
تقدم له وليد : اساعدك تقوم؟
هز راسه بالنفي يرفع كفوفه على جوانب السرير ويضغط بقوته ويقوم يجلس على السرير : كيف صارت نهى؟
وليد : بعد شوي بيجون من المستشفى ،
هز راسه شُجاع يسحب اللحاف عنه و يستوقف ويتوجه يدخل لدورة المياه وخرج وليد من عنده و رفع نظره يشوف حنين في المطبخ و دخل لعندها : العروسة وش تسوي؟
-
#يا_عذابي_لا_دنى_الليل_من_رووس_الجبال
-
و رفع نظره يشوف حنين في المطبخ و دخل لعندها : العروسة وش تسوي؟
حنين بهدوء : اسوي لكم الفطور ،
عقد حواجبه وليد من ملامحها وتقدم لها : زعلانه ؟
حنين هزت راسها بالنفي : لا ،
وليد : ترا محد يعرفك كثري قولي وشصاير وشفيكِ؟
حنين : صرت اشك الكل متعمدين يخربون فرحتي وقت الملكه بسبب شموخ والحين بسبب نهى انها ولدت ابوي يركض وراها ولا همه ان بعد كم يوم زواجي والمفروض يكون معي! ويسالني وش احتاج ووش لا!
تنهد وليد : محد متعمد صدقيني بس طبيعي ابوي انشغل عشان ولادتها وتراه بنفس الوقت عقله معاكِ ،
حنين صدت بسخرية : صحيح واضح ،
تنهد وليد ونطق : شُجاع صحى لا تتاخرين ، ومشى خرج و رفع نظره من صادف شُجاع كان خارج من غرفته ويقفل ازرار ثوبه ونطق بهدوء : وشصاير؟
وليد : ولاشي تفضل اجلس بكلمك شوي ،
توجه شُجاع يجلس على الكنب بالصاله وجلس وليد قباله وسكت لثواني ونطق : فاضي اليوم ؟
شُجاع هز راسه بالايجاب : اي فاضي ماعندي شي بس افطر و اروح ل جدي قال يبغى يكلمني ،
وليد : اذا ممكن تعطي شوي من وقتك ل حنين ناخذها تشتري فستان زواجها و اغراضها الناقصه مع انها راحت مع بنات عمتي بس شايله بقلبها اننا مو مهتمين ،
تنهد شُجاع وهمس : ابشر ان شاء الله مو مشكله اخذها ،
تنهد وليد ونطق : شُجاع ،
رفع نظره شُجاع عليه وكمل وليد : اذا تحتاج شي او تحتاج مساعدة تكفى كلمني ولا تسكت كذا ،
ابتسم شُجاع وهز راسه بالنفي : مابي الا سعادتكم ،
وليد سكت لثواني ونطق : برفض زواجي من ايلين او بالاصح حتى هي رافضه وهالزواج على اي حال ماراح تتم ولا صار لي خاطر بهالزواج كرهت كل شيء من بعد ذيك الليلة ،
شُجاع : انت حبيت البنت! وكان بينكم علاقه مو حل ابدًا انك ترفض هالزواج بسبب كل اللي حصل خلاص صار اللي صار ،
وليد تنهد : حتى هي رافضه مو بس انا ،
شُجاع : تكابر مسالة وقت وبترضى من جديد عمومًا انت المطلوب منك تتمسك فيها ، ووقف يطبطب على كتف وليد ويخرج لكنه وقف من سمع صوت الباب و دخل تركي شايل حنان بحضنه ونهى خلفه و ابتسم شُجاع وتقدم بحضنه ونطق وهو مبتسم : مبروك ما جاك يا ابوي تتربى بعزك يارب ، والتفت على نهى وكمل كلامه : مبروك تتربى بعزكم يارب ،
ابتسم له تركي ونطق : انت كيف صرت ؟
ضحك شُجاع ونطق : أسد ، شوفني واقف قدامك ،
هز راسه تركي مبتسم وكمل شُجاع : اشوف جدي و راجع ،
ومشى يخرج من عندهم ،
-
#يا_عذابي_لا_دنى_الليل_من_رووس_الجبال
