_
سكتت شموخ تناظر فيه ونطق شُجاع : انتي انسانه جاحده تجحدين الانسان بيوم وليله تجحدين كل وقفاته ، اللي زيك المفروض ما ينعطون وجه ولا ينوثق فيهم ،
سكتت تناظر فيه بصمت وكمل شُجاع : ما جيتك ادور شي عندك ولا بغيت منك شي ولا عشقتك حتى بس اني وقفت معاكِ لاني شفتك محتاجه لاني كنت اشوفك مظلومه بين يدينهم وكنت متوقع انهم اهلي ظالمينك وانتي مظلومه ويغلطون بحقكم بس للاسف طلع معاهم حق ،
شموخ بهدوء : في ايش معاهم حق؟ جدك وش ما سوا!!
شُجاع بحده : انتي ليه انسانه جاحده كذا؟ بحياتي كلها ما قابلت انسان جحود كثرك انتي ، رغم ان امك سبب تدمير كامل حياة عائلتي ما جيت الومك! ولا جيت الوم امك!
رفعت نظرها شموخ تناظر فيه بصمت وعيونها بعيونه ،
وكمل شُجاع : امك كانت السبب في هدم علاقة امي و ابوي وعلاقتي في ابوي و سنين وانا اعاني ولا ادري بالحقيقه! ولا حتى احد من اهلي علمني الحقيقه وعمي اللي صار مجرم بسبب امك محد علمنا ! اذا تلومين احد ف روحي لومي امك حطي كل اللوم على راسها مو على راسنا حنا!
شموخ بهدوء : ما جيت الوم احد فيكم غير جدك هو السبب لانه كذب وعيشني حياتي كلها بكذب ولا علمني الحقيقه ،
شُجاع : وهذا جزاته بالاخير يلبس بشته و يروح يرفع كفوفه ويتعذر من الناس لانه الانسانه اللي كان يربيها سنين حاولت تهدم له كل شغله وتسرق كل الفلوس صح!
شموخ بحدها : انا فقط ابغى جواب واحد ليه ما علمنا الحقيقه! ليه ما علم احد فينا؟؟؟ ليه؟؟
شُجاع بصراخ : لانه كان خايف احد من عيال عمي بيدري او خالتي نوره بتدري وتترك عياله الصغار وتترك البيت وهذا هم كبروا وعرفنا كل الحقيقه اللي متخبي سنين ،
غمضت عيونها شموخ بتعب وصدت تاخذ نفس من اعماقها ،
وكمل شُجاع : سنين و ابوي ساكت بسبب انه ستر على امك وقعد يعاني كل هالسنين من امي ومني! بس ما نطق بحرف واحد والسبب جدي كان يمنعه وتحمل ابوي سوء افعالي ، مين المفروض الوم انا؟ الومك انتي؟
رفعت نظرها شموخ وكمل شُجاع : جدي اللي طول عمري ما اقوله الا سمعًا وطاعة و اركض خلف رضاه و اضرب العالم بعرض الحائط وبسببك كسرت كلمته ولا اهتميت ل رضاه لاني كنت مفكر انهم ظالمين بس الحقيقه عكس كل هذا! وانتي بعيونك شفتيني وقفت بوجه جدتي وبوجه عمتي وبوجه الكل عشانك! بس وش تسوين يا شموخ؟ تركتي الكل وجيتي توجعيني انا؟ ولانك عارفه اني كبيت كل سر بعائلتي عندك ووثقت فيكِ وانتي اخذتي كل هالاسرار ووقفتي ضدي؟
ما ردت عليه تناظر بصمت ،
-
#يا_عذابي_لا_دنى_الليل_من_رووس_الجبال
-
رفعت نظرها شموخ وكمل شُجاع : جدي اللي طول عمري ما اقوله الا سمعًا وطاعة و اركض خلف رضاه و اضرب العالم بعرض الحائط وبسببك كسرت كلمته ولا اهتميت ل رضاه لاني كنت مفكر انهم ظالمين بس الحقيقه عكس كل هذا! وانتي بعيونك شفتيني وقفت بوجه جدتي وبوجه عمتي وبوجه الكل عشانك! بس وش تسوين يا شموخ؟ تركتي الكل وجيتي توجعيني انا؟ ولانك عارفه اني كبيت كل سر بعائلتي عندك ووثقت فيكِ وانتي اخذتي كل هالاسرار ووقفتي ضدي؟
ما ردت عليه تناظر بصمت ،
وكمل شُجاع : جاوبيني ليه مالقيتي الا انا توجعيني و تلوميني!
شموخ بهدوء : ما جيت اوجعك ولا ج...قاطعها شُجاع بصراخ وقهر : الااا يا شموخ الا جيتي توجعيني ب اختي وحاولتي تلوين ذراعي يوم جبتي طاري عمتي وعلمتك حقيقتها وحاولتي توجعيني يوم هددتي انك راح تدمرين بيت عمي يوسف!
شموخ هزت راسها بالايجاب وهمست : وسويت شي واحد منهم! كان بإمكاني اهدد حنين ب اشياء كثيره و بصورها و اجسد شخصية ذكر من مواقع التواصل و بإمكاني اهدد عمتك و اوصل لطليقها و اعلمه الحقيقه و بإمكاني اهدد جدي يفصل ابوك من الشركه و اخليه يعيش تحت ضغط نفسي و بإمكاني اخلي نوره تهدم بيتها بيدينها بعد ما تعرف حقيقة زوجها وتترك كل عيالها وتهج بس ما سويت ولاشي من هذول! عشان مين؟ مو عشانك انت! مو عشانك وقفت معي وما ابغى اوجعك! كذبت عليك بدقيقه و عيشتك بالرعُب وخليتك تتراكض حول اهلك بس اني ما سويت ولاشي ولاني مو راعية جحود نفسكم.
سكت شُجاع يناظر فيها وكملت شموخ : ماعندي شي اخسرها يا شُجاع صدقني ماعندي شي انا وقفت بوجه اللي حملتني تسعه شهور و صديت عنها ووقفت بوجه جدك بعد مُر الحقيقه وشوفني الحين واقفه وعايشه حياتي طبيعي بعد ماعرفت الحقيقه رغم وجعي ما اشتكيت لاحد قاعده انزف من داخلي و فيني قهر الدنيا كلها بس ما جربت اوجع احد! حتى يوم فكرت اوجع جدك واسرق فلوسه و اخليه يخسر كل شي ما قدرت! جيت بنفس اليوم رجعت له كل ريال بداخل الخزنه! يوم لبس البشت على كتوفه و راح يتعذر عن اللي خسروا فلوسهم بسببه رحت مسكته وجيت خلفه للشركه صح ولا لا!
اخذ نفس شُجاع وهمس : صحيح ومقابل هالشيء قاعده تهددين كل من فينا يا شموخ انتي تحاولين تستقوين على ظهرنا بس ضميرك يوقفك ،
شموخ : انا قادره ادعس على ضميري ولا يوقفني شي بس ما ابغى اصير جاحده نفس ما تقول انت ، وما وقفني عن جنوني الا انت ، رفع نظره شُجاع بصدمه يناظر فيها ،
وكملت شموخ : لانك وقفت معي ،
سكت شُجاع يناظر فيها بصمت وصدت شموخ ترفع راسها تاخذ نفس من اعماقها ونزلت راسها بعد ثواني من تقدم شُجاع ونطق وهو يناظر فيها : ....
#يا_عذابي_لا_دنى_الليل_من_رووس_الجبال
