-
كان واقف وليد بالخارج عند سيارته وسرحان يفكر والتفت من مشى عبدالهادي لعنده : وش تسوي انت هنا؟ و وين شُجاع؟
وليد : افكر لو عرف ابوي بشيء وش راح يصير! ولو درا جدي! الموضوع اصعب من توقعاتنا يا عبدالهادي ،
عبدالهادي تنهد : ما بيدنا شيء هذا اخوك عنيد يسوي اللي براسه بس خوفي يتعب جدي ،
وليد التفت عليه : حاولت اتفاهم معه بس عارف مافي فايدة،
عبدالهادي : اتركه هو ادرى وهو اكثر واحد عارف صحة جدي،
وليد هز راسه بالايجاب يسكت ويناظر بفراغ ،
-
~ عند شموخ ~
دخلت غرفتها بعد ما راحوا كلهم ومشت تغير فستانها دخلت دورة المياه دقايق وخرجت وهي لابسه بجامة خفيفه وعقدت حواجبها من صوت الباب و رفعت نظرها تشوف شُجاع دخل والشغاله خلفه وبيدها صينية الاكل وهمس : ليه ما اكلتي؟
شموخ بهدوء : مالي نفس بس ابي ارتاح واتخلص من كل شي،
توجه شُجاع لعندها : اذا ودك ف الحين راح انهي كل شيء !
شموخ : ماني قادره اتخيل ردة فعلهم اخاف ان...سكتت من قاطعها شُجاع : لا تخافين وانا موجود وكلي شي وانا نازل تحت اشوف الموضوع و..سكت يلتفت من دخلت الجدة هيله ونطقت بحدها : وش تسوي انت هنا!
رفعت نظرها شموخ وفزت من صوتها والتفتت على شُجاع ،
شُجاع اخذ نفس من سمع صوت جدته والتفت بهدوء يناظر فيها وكملت الجدة هيله بحدها : كفايه اللي صار كفايه الفضايح مو جدك قايل لك لا يشوفك حولها!
سكت شُجاع يناظر بصمت ، غمضت عيونها شموخ بضيق وناظر فيها شُجاع وهمس : من بعد اليوم بتلقيني حولها كل يوم و اي شي يضايقها انا اوقف بوجهكم كلكم ،
فتحت عيونها شموخ بصدمه من كلامه و رفعت نظرها عليه ،
وكمل شُجاع : مفهوم كلامي ياجدتي؟
الجدة هيله تجمدت بمكانها بصدمه من اسلوبه وطريقة كلامه ونطقت بحدها : البنت انخطبت وبتتزوج وانت ع...قاطعها شُجاع وابتسم ابتسامه جانبيه : تزوجت وخلصت ،
عقدت حواجبها الجدة هيله ، شموخ سكتت بتوتر والتفت عليها شُجاع ومد يده يمسك يدها ويسحبها لقدامه يوقفها قدام الجدة هيله : هذي اللي قدامك صارت زوجتي وعلى ذمتي ما تكلمت قدام احد ولا قدام جدي عشان صحته ! لكني كنت جاي اكلمك انتي توقفين جدي عن هالزواج والخرابيط ولا بنفسي اعترف قدام الكل ان شموخ صارت زوجتي ،
الجدة هيله حطت كفها على فمها بصدمه تناظر وتجمدت بمكانها وكأن احد كب عليها مويا باردة ،
وكمل شُجاع : هالبنت كانت ضحيه في هالبيت وبيدينكم بس من بعد اليوم ماهي ضحية احد هي زوجتي وبس ،
-
#يا_عذابي_لا_دنى_الليل_من_رووس_الجبال
-
الجدة هيله حطت كفها على فمها بصدمه تناظر وتجمدت بمكانها وكأن احد كب عليها مويا باردة ،
وكمل شُجاع : هالبنت كانت ضحيه في هالبيت وبيدينكم بس من بعد اليوم ماهي ضحية احد هي زوجتي وبس بلعت ريقها شموخ تشوف نظرات الجدة هيله وصدمتها ،
وكمل شُجاع : اعترفت قدامك ولو تبين اجيب لك اوراق عقد النكاح من سيارتي ،
رفعت نظرها شموخ تناظر فيه بصمت وكيف يتكلم بشجاعة ،
واخذ نفس شُجاع وهمس : الان تنزلين عند جدي وترفضين زواج شموخ من هالشايب اللي رجل بالارض و رجل بالقبر ، وتوقفينه عن كل اللي يصير بهالبيت ولا بنفسي لتفاهم معه واقوله كل شيء ،
الجدة هيله بلعت ريقها بصعوبه من قوة صدمتها وهزت راسها بالنفي وهمست وهي تناظر بصدمه : جدك لا يدري جدك لا ،
سكت شُجاع ومد يده ياخذ المويا ويمد لها ،
مسكت راسها الجدة هيله تصد عنه تحاول تستوعب ،
ونطق شُجاع يناظر بشموخ : اجلسي كلي انتي انا اروح غرفتي اريح و ان احتجتي شي كلميني ، والتفت على الجدة هيله وكمل كلامه : واذا ما قدرتي تنامين هنا تعالي نامي عندي ،
رفعت نظرها شموخ بصدمه وصد شُجاع يخرج من غرفتها ،
وتصنمت شموخ بمكانها ، الجدة هيله كانت تناظر فيها مصدومه وصدت بخطواتها السريعه تخرج من الغرفه ،
التفتت شموخ تشوف نظرات الشغاله اللي مصدومه ،
وتقدمت الشغاله تحط صينية الاكل على سريرها وجلست شموخ على طرف السرير تناظر بالارض بصمت وغمضت عيونها بتعب من حجم المصيبة لو عرفوا الكل انها تزوجت من شُجاع شدت على كفوفها بهدوء وابتسمت بخفه تتذكر كلامه وكيف يدافع عنها ويوقف خلف ظهرها رغم كل اللي يصير معه و اولهم جدته وقف بوجهها قدام عيونها ويدافع عنها ،
اخذت نفس من اعماقها وهي مبتسمه بخفة ،
-
~ عند شُجاع ~
دخل غرفته يرمي ثوبه على الكنب وجواله ومفاتيحه ويقفل الانوار ويتوجه ينسدح على السرير بتعب اول ما غمض عيونه راح بسابع نومه من التعب
-
#يا_عذابي_لا_دنى_الليل_من_رووس_الجبال
